¹ Pigo ka asa angelo ginama namitaye pusa ulite nasina ngasa ganda vunda. Anutu va piya unamitaye," Wo utaye tave alotu namati, uma makimivo utaye pavi alta mindita, wama uma iso utaye kegivaya aloti uma miyeya. ² Piya ute pi tave kuma avei mindi kumatapa a makimivo utaye avei tave alotu nama ngama ayataliva pi kumapa Juda ginana to gina imindo kumana. Pina amingapa, igeva pi kumata igisava asu aiyomaye Jerusalemi siti vindi fotituwa ngu ayevuma. ³ Nageva tara yagara isi sagakuwe kamana uma isoma isiyako 1,260 wa ndaga vindi. Isigeva iyakiki vese wasana minda agunda enawika kunda milite ginisi isutasa enava meme yaga ayatasa pumalanda pulite ginisi." ⁴ Pi isige tara yagarava makimi vikibemepa tara olive yalalage tara alamu gani ulama atana tave yagara migagaita migagame, kevaya mambala kavima migagai ndagara. ⁵ Pi tara yagara kaisa ginami kamba laga poisita kivepa, yaku tara yagara lalami isiwamu pindisa ilosa mete kanama kamba laga amba poitakiye. Pigo kaisa ginamilo kana tara yagara lala paviyamalo kamba laga poisita kivepa, isigeva paviyamalo iyegu yegaiki vese kamasa puma. ⁶ Pi tara yagara lalamiva esegi ena melite ginisi male mandali mima kava taku kaiki vese isigeva anutu piya kamana isuma isiyakiti ndana vikive mekana. Isigeva paviyama esegi enava mekivese kaga ngaukwaisa wani mema kora awe pugaikivese; Isigeva paviyama esegi enava mekivese mamba vindi toma toma kamba laga ena aisagakena. Isige pindana vikivemepa kaga yagava isuma laka pikivese nanavaya vikivemepa, ⁷ Pigo isige uma pagiviki vemepa kamana oimisoma Anutu isisagati, pigo kabu gala mesu ilosa kivi aminga kamba minda kavindisa isigepa amba isilakuli kiye, isigepa kamba laga poisitama, isiyegu gaikiye. ⁸ Isige vuwakiveme isu aliva pavita kepindi mikiye tave siti oma ayetapaya tave yagara ita atateta, kana vi sitiva ama kamanapa ikiveye Sodomu ye o Isip yema pipa kana wawaya miva pavi ige puvutesa puma kamba laga enava pekagana Sodomu ginake Isip kina keva. ⁹ Iyoka iyoka igoma aki ginapela, aoka aoka tupindi vela, toma toma kamana pindi vela, kaga pingawa ginamiva tarami isu ali kepindi mikivipa agakiveye kakagala apu yaga. piya vikivepa kamba kaisa ginamiva isu aliva mema kai isitakiveye. ¹⁰ Pigo wawaya mamba vindi miye kinami agakivepa tara yagarava ago puwasema, Igeva agateginiva imupuwama isigu nakiveye. Pigo igeva preseni enava isigu nakenava ami ami pikiveye mo kamba laga ena atuguvama wasana iyegu tametaka. ¹¹ Piya vikibipa aindiva kakagala apu yaga atawa gasakanava. Anutu va isigokaye vekinisi mesu asima isuma melite to asikivese. Isigeva mesu asikivese, piya visigina agakive kinamiva pami ndami pikiveye. ¹² Pigo tara yagara misiva avikivese ka kigaye tavelasa kanakivipa mandalisa piya uisimi kiye:"Mati iyisoma!"Piya yekinisi isigeva ikivese inatisa gumati ilagi vindi. Isigama ginamiva isigava visigina ikivese. ¹³ Pingavando vindiba pavi kamasa puma imimapa tave lakaya pikiye, piyavekina teniwa ndama siti vindisava kamba laga vuyewama akasagasu vuwakiye, piya vekana pikunda vindiba seveni tauseniwa kina puye wakiye. Kaisa gina uga mikibe nagiva agate tavela iyekuru vikibiye Anutu kavindi ndagarama viyema. ¹⁴ Pipa tara yena kanakibipa uga suga enalaka kanakiye. Pi kaga enalo kanakibipa aogima kavima mikenaye pipa kamba laga ena laka kanakibi kana pindana omava avaga ando laka kanakiye ¹⁵ Piya vekana seveni angelo oma pikuliwa pukakiye. Tave kigaye inatisa kumatisa kanakiye,"Anutu tavele ke Kraisti aye ala potatike isige tave isigi melima kaga mbavindisa ginatapa kaviki vese, pavigo uga kaga yaga mima undawama kavita wagai kivese asi asima!" ¹⁶ Mo tuwenti fowa agigi gina siya kini wita migage Anutu nda esegi enawa pindi igeva iyowa mavindi motama alotu utaye. ¹⁷ Igeva piya utaye: "Tave Anutu, kaye kasa kaga enalapa tave mindanema! Kayeva kasa uga mima unda wakivenema! Kaye kasa kaga yagava migagambe kana! Tayeva aisa une kayeva ago winimi pugaitane esegi enagatasa, kaga kina miva kamba laga ena pugatataye, piya vutepa ibava kavi itane kaga mbavindisa ginatapa. ¹⁸ Kamba imatiti punda kinamiva kaga mbavindisa imo kamana uma kamba laga kasa ugatataye. Pitakava kayeva tavela kamo enava poitane. Kayeva ago napigai tane ka yagava pulinda kinapa aslite kotilapa kanaki veyema. Ka yagava kanaki vikana eliya kinakapa ika poita kivene profeti ginake kaga kayeka imatiti punda kina keva, mo kaga kayeka ilaka viteke, pamo kagake amanano tave yoma. Pindagava kayeka ndaga avolakiye mamba vindisa kamba laga poitakenava mamba vindisa yena kamba laga pugage kina keva ." ¹⁹ Pigo Anutu aikaitagina tave alotu nama manda gumati, pigo nayeva agatuwe kontraki bokisi. Tave gani tama asa vuwata gina apaki paki vuma yaku tali ndala vutaye; piya vutagina andalu dalu utaye; imima tave vutaye mavindiba, piya vutaginaba yaba agutawanda tumi lumi vutaye manda lisava.