¹ Amandana vindi pagu agatopa angelo lumitaye manda gumatisa. ka ilagi oma amba kive potataye. pavitapa kovakova amba ayewa nataye anotapa. Aowaliva pangama vusuma yewasa vuwataye. Aye agisaliva yaku kanda vuwataye. ² Aye aya pindiva yaga alilasa vumalanda kayena ndana vikena amana andogana pipa aigitaye. Pigo ayeva ka agisava kayo wanita ayelindana ka agisava malakati malo ayetama mitaye. ³ Ayeva tavela aye utaye, aye utipa laioni oma aye yegina awamusa wagasisa puma. Pigo aye utaginava, andalu andalu utaye seveni wata; pi andalu uti pindisa kamana kanatipa ago avibevema avituwe. ⁴ Nayeva pavigo kayekena vutuwe kana avito kamana, piyavutogana ka kigaye kanataye manda gumatisa piya utaye, kakama takulo utaye andalu ena vindisa ikamanapa! isa pindiva a kayeyo utaye!" ⁵ Pi angelo agato gana asima miti ka agisa kayo waniti malo atate ka agisa malakati malo atate vuti, pi ayeva ayataka malo gaitaye manda gumati, ⁶ Ayeva avigataye pi asiasima migagai ndagaraga___pavi ndagarama kaga ena manda guma pute kaga ena vuti ndagaraga, pavi mayenava vute kaga enava vute vuti ndagara, pavi kayo wani pute kaga enava pute vuti___pi ndagarama nanaviye vaya ikivipa tagambane. Pigo angelo oma Anutu ka malo omitaye aye nanavaya vukuwema ugagai kamba asaya puma vikena yagaraga yema . ⁷ Ayeva piya utaye kana yaga kanaki seveni wa angelo oma pikuli pukakina, Anutu nda kakanda napi enawapa amba pagiviki yema, pavi paitakaya ugaindisa puma eliya kinangkwa, profeti ginami iwamuta. ⁸ Pi ka yagara nage avitugana kamana utipa manda gumatisa to piya unamitaye. Ayeva piya utaye," Wamagina yaga alila kaye malanda aima mindi umeyo utaye ayati ulindi mo angelo ginama agisa kayo waniti malo ayete to ka agisalova malakati malo ayetema mindi ndagara matisa." ⁹ Pigo nageva watuwe angelo omati kana yaga ali amana ando namenoma. Ayeva piya unamitaye," Memagina no utaye. Mandana omava kawamutapa iga enawapa walusi gava amungama visa pikiyema, piya vikibipa kanda vindiva asavakiye utaye ¹⁰ Pigo nageva yaga ali amana andova angelo oma ayatisa umema natuwe. Pigo nawamutapa iga enawapa walusi gava amu sigi vutaye, piya vutipa nanda vindiva asavataye. ¹¹ Piya vutaginava kaisa milo piya unamitaye," Kayeva kamanapa yoma Anutu kamana togema kaga mbavindi, wasana tave gina akima mikivi pindi, mo kaga toma toma kamana pindi, mo kaga kini gina mikivi pindigema."