¹ Ma kamanapa nanavaya Isu Kraisti nayakitine, Joninde. Anutu ayakitaye mandanava Isu ayengkwata mema eliya kina ngkwambita atanoma. Pindanava avaga ena pikibi nandaga. Isu va pigo angelo omata ayaki vutagina nagetapa kanataye, eliya kina nkwa Joni ndeta. ² Kana akavata mikena nage, Jonina piya vutaye ikena kaga enaga avitogana Anutu kamana utipa, Kana kaga taga kamana amiti Isu Kraisti. ³ Anutu va aogi poitakivi kaga kina pikamana avikivi kina tavelasa yekana aviyoma. Aeva aogi voitakiye pi kamana avite aogima agaluva kive kinapa, kana pi kamana indanava avaga puma avolakibi ndanaga utaye ⁴ Nage, Jonina, kauwe mangisapa mo seveniwa ndama timatiti kina miyeta provinisi asiya. Aye Anutu va auma vulitakiye auma akusa wanda enawa tasa, Aeva asa migagaine asiasmava, ma iva asiasima mi-i kana, me aindiva asiasimalo mima unda wakiye. Paviyama me seveniwa spiriti miye ayenda siya kini wangama aoli migagaye nagi aogi vulitakiya, tigekeva. ⁵ Paviyama Isu Kraisti geva__ kevaya aumama vulatama ulamiti taga kamana ngkwa Anutu nda___pavi ayegeva aogi vulitakiya auma akusanda enawa tasa. Ayepa amalutaka aogatataye puwanda pindisava, pavi aye asa kavindiye kaga kini kaga mbavindi miyetapa. Pavi aye asa tayekava avuwa tegina tavama tawime taye agunda ena vindisava kora ngkwatasa yara pumagina. ⁶ Pavi aye asa agovima kaviye kaga inatisa kumata kindomu watapa; aye asa tavama taotapa tata taye pristi eliya pusuma awaga ukunombeka avawamba kava utisa puma. Pipa aye Isu Kraisti ye ayeka age mema inata pute awaga ukunombeka. Pipa tagamba takane. ⁷ Ago! Kraisti kanaya ilagi vindi. Kaga kinapa agaye kiye ayepa, kaga kina yara ayeguma itagite kinamigeva. kaga tupindisa kina keva, kaga kina mamba vindi miyekina keva, igeva indara pute kuwe atakiveye kanakivi agateginiva. Pimba taga kamana piye! ⁸ Tave yagara Anutu pagusama iye," Nage nasa agovitone kaga enava, nage paitama minduwe, (Alpa) Nage nasa pagi vukuwe atuti kanama, Nage nasa atuti minduwe (Omega) Nage nasa asiasima migagauwe, kenavaya paipa mitoka, aindiva paviyama mima unda wakuwe. Nage nasa kavikuwe mo kaga enalake kaga kina takeva." ⁹ Nage, Jonina, Tigenda namatiti yagara, nayeva navuki vaki ena meuwe pavi tige pesapuma Isu kavilatai taka tayeta. Tayeva a omi amima kaga pikigaye vindiba tavuki vaki vukune tamatiti enala. Tagegeva pavipindi mima kavikune kaga enalapa, tayeva taumava mala atama pavi ataka ena kanakibi pindiva wakune. Nagepa igana vindiva natataye aki mavindi Patimosi pipa mo nage evi evima wasaga Anutu kamana oimito taka taga kamana Isu ndage. ¹⁰ Kayagava tave yagara age mema inata puma mitogana kaisa imatiti kina mige, Anutu Spiriti oma nagokaye vutaye. Piya vutagi nageva avituwe nakaisa kaisa kinami kamana utaye. Kamana agawapa avitopa pikuli oma agausu vutaye. ¹¹ Unami taye ," Pi kamanapa kayeyoma yaga alila nanavaya agambe ndanava, pipa aisagataye seveniwa ndamata imatiti kina Efesasi siti vindi mite kinatake, Semina kinake, Pegamamu kinake, Taitara kinake, Sadisi kinake, Piladopiya kinake, Leodisiya kinakela." ¹² Nage pikamana avitegindava, nayeva awe vutuwe kevaya iyema agakena. Pigo agatuwe seveniwa goli lasa agisa ena pumalanda alamu gani atanakena. ¹³ Pi aka alamu gani atakena agisa ena pumalanda kaisa gina mitaye aogangapa wasana ganda vunda kina. Ayeva autasa enawapa yayelo ndana agisali lumigainda pulite aivilapa goli lasa pagumba landa kai igava ulite mitaye. ¹⁴ Kana kinapa anoviyativa tavelave vuma waye tagai kanda vute tavelave ilagi ganda vundane. Aovindiva yaku avusa lasu vuwanda kana. ¹⁵ Agisaliva bronisiye indana gandama pakasasa puwandane. Pigo kamana utipa, kana awamusa ngaga utipa tavelasa wasana age vaya vusuma utaye me waningava oma tapoisa puma. ¹⁶ Ayeva ayapindiva seveniwa noli uma mitaye ayataka ndisa aukwai. Pigo yogi agatopa tarayaga ngkauwai awa nanda yogi awamu pindisava ilosamete kanataye. Aye aowaliva asavuwama asasa vuma kagi tave pa taisa puwataye ¹⁷ Pigo agatopa ayepa, nayeva wale watuwe agisa vindi puwanda kina kandama. Piyavutopa ayeva aya taka ndisa aye ma atama nauta naigayama piya utaye," A kaye kuruvo utaye! Nayeva Amalu Kina kaga ena agovito kinandaye to Aindilova mima kaga enava pulite atuta mengata tuwe. ¹⁸ Nayeva nogama minduwe, paviyama agoma puwatopa kata, Nagaligasima, Nageva uga minduwe asiasima! Nageva esegi enanetasa kaviwe puwanda kinatapa piyavutegi nageva agokayema kaviwe puwanda kinami mbalapa. ¹⁹ Pigoya kayeyo nanavaya agambe ndanava. Tova kayeyo nanavaya ma iva pikivinda gava. Paviyama tova kayeyo aindi nanavaya pikivi ndagegava. ²⁰ Pi aminga seveniwa noli agambe naya takandi, pike seveniwa goli agisa ena pumalanda ke agambepa piyambane: Pi seveniwa noligava angelo ginama kavima seveni ngaki kina imatiti puma miye kinane Asiyai, pigo pi seveniwa goli lasa agisa ena pumalandapa pikava seveniwa ngaki gina pavitato miye kinane.