¹ Pigo kaisa tiyunana ena Kraisti pindisa mekanakivi, pavi pindi tige tiyopikena aye avuwanda enawapindi, pavi pindi akiena vikena Spiriti vindi, pavi pindi tiyuma akusawama tindara ena mekana kivi, ² paviyama nage namu enave napienave kamasa pikiya, pavipindiva kamasa pikiya wasana tauma amikena nava, kata akima mima ka spiriti vindi, kamasa ndapiena vindi. ³ Tigeli kava a napiwama, tigeva a mema inata pumeiyo kambaya timegi kava napima iyopiyo. ⁴ ka ka kina mitava tigeli kava a napiwama, to kaisa mikava aogima napi- itate viyo. ⁵ Napi-iyo ayewa ngaukwai Kraisti Isu. ⁶ Ayewa asi asima migagai Anutu ama pindi, pikava aeva kamba napi taye Anutu ge kamasa puma migagai kava pavi aye pindi malo laku ulindana pikenaga. ⁷ pikava, pindapienava pavita atataye. Ayewapa uga eliya kina kanda tumba vutaye. aye lumitipa uga mamba vindisa gina kanda tumba vuwataye. Aye agatepa uga mamba vindisa yagara yema agataye. ⁸ Ayewapa mema aunkwapa mala melu ngava pulite kamanapa agaluvama pulikena gita wataye, paviyama yara pulukuwema aumawapa kasima! ⁹ Pikaga Anutu geva age mema inata pugaitaye. Aeva age amitipa kaga kinami igeva agasima inatasa agilaka amitaye. ¹⁰ Aye piya vutipa Isu agelaka kaga kinapa ilaka vi-iyoma vutaye, kaga kina ilaka vi-iyo utipa malo inati miye kinake mamba vindi miye kinake me manda pindi miye kinakega utaye. ¹¹ Aye piya vutipa kaga kinami iwamu ngamava pagusa iyoma Isu Kraisti va tavelenema,Esegi enawa pindi Anutu tavalemba nda. ¹² Pigoya, navuwanda nanatala, pamo pugagesa puma kamana avima agaluvaiyo, pamo miyogili pugagesa pumayane pama iva tigege kamba minda kuwo kava, eliyapa evi evima tigeli tiwime kenaya tiyekuru enali pindisa pami ndamima viyo. ¹³ Pipa kana Anutu ayewa kanda vindi eliya pindanage mo aogi eliya ngama ndagema tara yagapa aogima viyo. ¹⁴ Kaga ena vundilipa timo kasayo o makava a iyo. ¹⁵ Pavi aogi aukwai vuma kamba ka uga suga ena kamba mima aogi ena mana piyo, Anutu ndagara laye kamba uga suga enaga minda kina. Pavi ngaukwai vulite waiyo kane yewasa vekina kaga mbavindisa ginama aganoma, paviyama kengama malewa mawa vuwanda kina pindi wanoma. ¹⁶ Esegima alakupeve viyo aogama minda kamanapa piyavigi nageva amingapa minda enaga Kraisti pa age mema inata peno. Pigo nageva agakuwe nage pigosopa ugambana naukiyema o eliya popa ugambana naukiyema. ¹⁷ Pigo paviyama nage aligi kuwo ofa gandama naunde malo gasima eliya tige timatiti pikena, nayeva namu puwe, togema nayeva namu puwe tige kaga kinami tindaga. ¹⁸ Tigegeva kamasa puma timu piyo. Togema tigegeva timu piyo nagege. ¹⁹ Pigo nayeva napiyo kanda tave yagarama Isu pindi Timoti aisaga kuwa tigeti alondaga, piya vekana nayetova naopeki agakuwa tigekava. ²⁰ To nayetiva kapa kamba mindika aye visa pundapa, kevaya tagamba agasaga pindagarava tigeka. ²¹ Pipa ige kagapa aguyo sagaye igenda aogi enawika, pipa kamba Isu Kraisti ndaenagava veye. ²² Pipa ago agaya aogiena wapa, paviyama yagara wamba avawamba aogi potaisa puma, paviyamalo aeva eliyapa piya nayegeva mono kamana pindiva. ²³ Piyavika nayeva napiyoka aisagakana alondaga kanakiya agakana kaga ndana oma ayavaya veka agalindapa. ²⁴ Paviyama nayeva esegi napiena voka tave yagarama agelaka nayene keva kanaku wema alondaga. ²⁵ Pigo nayeva napiyoka aogi vikibikava Epaprodaitasi to aisagakana wakiye. Aeva nanando gana eliya ndagara nene eliya kina ile gina kandama, Tigenda kamana mete wana ndagara eliya kinane naye naopikena. ²⁶ Pika aeva tigeka napi wagagaye, ayeva pilage vuma migagaye tigege mikena gava,pi avitepa aiyena avuwayema. ²⁷ Pipa tagambane aiyeva avuwama aga vulitaye. Piya vutipa Anutu andara potataye, pipa aye asanane, nagegeva paviya vutuwe, piyama nage nandara ena oma avovola avovola pikenayane. ²⁸ Pipa pavigo mevapuma napiwama aisaga tuwe, pigo pika tige agaigina to tigelova timu pute nagepa timu ena vindisava igaluva nata kiveka. ²⁹ Ayavenema Epaprodaitasi tave yagarama pindi kaga timu enavindisa. Piya ginakava aogima tivuwaiyo. ³⁰ Pipa Kraisti ngeliya taka aeva aga puwataye. Aeva aga aumawapa itetagai taye pipa naye naopuma eliya nagalikena vutitisa tige kamba vikivesa ngeliya puma naoputaye.