¹ Aeva oimitaye, Tagamba taka nayeva ulimuwema, kaisa mata asima minda mbe nagava kamba puye wandigina navanemba nda esegi enawapa kanakivi kili agakiveye. ² "Sikis wandaga ata waga itagina,Isu va Pitake Jemisike Jonike ivamete inatisa amu pindi itene, pavingawa gina itaye. pita itipa to augato asu vuwatine. ³ Aye autasa enawativa waye puwama asa vuwataye, toma tave lave enawapa putaye,mamba vindisa awaye enava agasima yewasa vutaye. ⁴ Piya vutagina Elaijage Mosesege pavita amba asitase, pigo isigeva Isu ge kamana utaye. ⁵ Pitava awema Isu kava omitine, "Rabi,mata mindombe ndana mava kanara puwayema, piyavi kata kakaga nama kiyenoma, kapa kaye ndaya, kapa Mosese ndaya, kapa Elaija ndaya suma. ⁶ "( Pipa aeva kamba napitine nana kamana paya ikena vuwemava,pipa igelova pilatage puwatene.) ⁷ Avaga enaga ilagi amba kivatakaye wama kali vuitataye. Pigo ilagi vindisa ka kamana kanataye,"Mevipe nayenda noganamu yagara nenema. Aviyoma aye kamana." ⁸ Avaga yenaga, igeva male maga vutegana,piya vutesa kaisava tava nkwataye, Isu asa atate. ⁹ pigo igeva amutisa tumi tindiniva, aeva iyunana kamana oimitine nanavaya agaye ndanagava wasanava a oimiyoma,pingavala uma mema wama ndagara pulinda kinami mba vindisa asilite kana kivi tasaga utaye. ¹⁰ Kana kamanapa igewe taku ulitaye, igewito iyoge utaye pipa nanaga iyema" pi pulinda kinami mba vndisaye ipa"amipa nanaga iyema. ¹¹ Igeva avigataye, Nanaga ige alo kamana aganda kinamiva Elaija amalu kanakiyeva ugagayema?" ¹² Aeva oimitine."Elaijava tagamba kanakiyema kaga ena ambema aogi vikena. Pipa nanaga kayemama mindayema wama ndagara kanate amba avuki vaki vikiyema igoma ndana vindi kamba aogi yagara agokaye vusu vikibeyema? ¹³ Piya vipa ulimuwe Elaijava ago kanagai tayema, ago pugai tayema aye auta nanavaya pikenava, paviyama mono kamana ngama ayeka isapuma." ¹⁴ Pigo igeva kanataye eliya ndakara miteta,Igeva amba agataye igoma kina akima mima mo alo kamana aganda yakara mige maka uma mite. ¹⁵ Pigo Isu avagayena agategini, pami ndami vute pigosuma wawama uma aimetaye. ¹⁶ Aeva eliya kina nkwaka ivigataye." nanaga makava yeyema?" ¹⁷ Kaisami pavi igoma kina mite pindisa piya utaye, "Tisa oma, Nayeva yagarane avabute kana uwema kayeti. Ayepindi kambala spiriti minda gina kamana kamba iyema. ¹⁸ pindana omava amiyo puma asagayoma ayegu yegina muyena pugaga yema, awala upavama,piyama kamba laga puwagaga yema. Nayeva eliya ndakara gaka ivigopa kamba aopeye utaye." ¹⁹ Aeva awema oimitine, igeva imatiti enava kamba mindiyema, ayakita tigegeva nayeva mikuwema? avabute kano utaye nayeti." ²⁰ Igeva pigo kana masiva avabute kanataye. kana spiriti oma Isu agateginava, avaga yenaga awale gaitine. kana masiva mavindi walema muyena vutaye. ²¹ Isu va avawambaka avigataye," Ayakita maya enava avu gagayema?" avawambava omitine," amana ndagara ndo lasayema. ²² piyama igomata asagayoma yaku pindivave wani pindige mevu gasima ala ayegukena pugaga yema.Kayeva uga pukuwe undanapa, kandara puma taopoma." ²³ Isu va omitine,"Kayeva ago kanara noma'? Kaga enava uga vikiyema kegavaya kamatiti pikivembe kava." ²⁴ Avaga enaga avawamba kegayema utaye," Nayeva namatiti puwema! Naopo kamba namatiti pokava!" ²⁵ Pigo Isu agatipa igoma kina pigosu lite wataye, ayeva kamba laga spiritiva agaluvate utaye, "kaye kawamu kunindake kage guninda keva, Nayeva ugamuwe,avei atawoma, tova akanoma omitine aupindiva." ²⁶ Pigo aeva tavela aye utegina mo masiva awale gaite ilosa wataye. Piya vutagina kana masiva puwanda kina kanda puwataye, pikava igoma kinamiva piya utaye,"Aeva ago puwaye utaye." ²⁷ Piya vutipa Isu va ayakana uma asitataye,kana masiva ano asiwataye. ²⁸ Pigo Isu va nama pindi kanatipa, ayenda eliya ndakara wambiva asati ovinasuma avigataye,"nanaga tayeva kaye vembesa ndanava pukunema?" ²⁹ Aeva oimtine,"Piyambapa ugava kamba vikive yema pure tasaga nema." ³⁰ Igeva pitasava atate Galiliva ogaite watene. Aeva kaisa kinami piti wayema avisa nagava akasiya vuwatine, ³¹ pipa aeva eliya ndakarawa poiya kikena gana. Aeva oimitine, wama ndagarava avama wasana iyapi ataki venema,piya pigina alakuma ayeguki veyema, pigo ayeguga siginava, ayeva kakaga yaga migaite to asikiyema." ³² Pipa igeva kamba aogima avitene uti kamanapa, pikalo avigakenava iyekuru vuwatene. ³³ Pigo igeva kanama Kapaneyamu kanataye. Aindiva aye nama pindi itindanava ivigatine," Nanaga ketiva iyoge uta kanayema?" ³⁴ Igeva paka vuwataye. Pipa igeva ketiva maka uta kanate kana ke amalupa milatayema. ³⁵ Mala mi-iyoma kaga, kaga tuwolupu wa kegayema aki poitama piya utaye," kevaya amalu ndagara ena vikenava ayeva aikanano eliya kina kandama." ³⁶ Aeva amana ndagarando avama ikapi asitataye. Aeva ayati ayepa ulindana piya oimitaye, Kegavaya inamu ndagara ganda naye nagela pikivembe, pinagava naye navabiki venema, ³⁷ pi kevaya navabi kivinava,pipa naye nasana navabiki yema, pavi kevaya naisagati nake avabikiye utaye." ³⁸ Joniva piya utaye ayekava," Tisa oma, kaisa kinami kaye kagelaka kamba lataga gina iyupindisa agaluvata nasegata apiyoma ilakulune omitaye, pipa igeva tayepa kamba tagaluve tisa peyema." ³⁹ Pikava Isu va oimitine," A ilakuli yoma, kaisa kinamiva naye nagelaka tavepe eliya pikive ndanaga piya igina ayugu naye nagega kamba aogi kamana ikiveyema. ⁴⁰ Kevaya tasikaya kasa kamba ikivipa pipa tasige ndaya. ⁴¹ Kevaya tani nkwani kapu vindi kamikibi keva Kraisti kinane ute, taga tagaka ugamu wema kamba ape nkwapa tumu wakiye utaye. ⁴² Kevaya ma amana ndakara ndo ndo amatitipi avama kamba aogi enavindi atama awale gaikivi napa anamula tave yava ugu atama kayo wanipindi mevu gasiyoma. ⁴³ Pigoya ka kayengama pagapa gasakanapa, alisa kaso.Pipa aogi pikiya ayugu tara yaga kaye mindana yaku pindi kavabute wakiya,kamba mina kena yakupndi. ^{44 45} Pigo ka kagisa oma kamba aogi ena pekinapa. alisa kasoma. Ayugu tara yaga kagisa mindana kamba aogi yaku pindi kavabute wasana gaya ^{46 47} Pigoya ka kawu oma kamba aogi enavindi kavabute wakanapa, atuvu kasoma.pipa aogi vekana Anutu kindomu vindiva wakivena pi tara kawu kamba atuvu kivembe kava yaku pindi kavamete wakiya, ⁴⁸ pipindi kova kamba puyewanda mindi pindige yaku kamba tumanda yaku pindige wakivenema. ⁴⁹ Pi kaga kina kayo ganda vunda yaku pindiya puwaisiyema. ⁵⁰ Kayova aogienaye, pigoya kayo oma kanisigi enawa kaikivipa isesigi vikiyema, ayamalo kayo oma kanisigi veno enava pikivene? Kayova aogima tige akapindiva miyeno,aogima akusama me time kava tivuwama mi-iyo."