¹ To kanatene kayo wanipa ma nkaukai, to mali Gerasenis. ² Pigo Isu va anamali payo puwatine wowale vindisava, avaga enaga kavuvindisa ka yagara me kanatine wasana aluvindisa kanati kamba laga spiriti minda. ³ Kana yagarava wasana alu vindi migagaine . kaga kinamiva kamba alaku gagene, seni iganalasava kamba lakuma uguka gagene, ⁴ ayepa igomata kivapalo pugagene pakalani iganage seni lasageva. Aeva pi pakalani iganage seni geva akikilisa pugasi gagaine. Ka yagara mava autapa kamba alaku kagaine ⁵ Kaga asekake alakeva wasana alu vindige amutige migagaye, piya vundanava awa yabatasa au kasakasa puma aye ndaye uma migagaye. ⁶ Pigo aeva Isu agate ginava pagasalasa, me pigosuma kanama agisa vindi amba alaka vitine ⁷ Aeva tavela kuwe atatine aye umagina,"Naeva nana pugata kuwema, Isu, inata taka migagai Anutu ndagara? Naeva kavigauwe Anutu ayewaka, kamba aogi enava a punatoma." ⁸ Pikava piya omitine, kanoma avei pinda garama anda pindisava, kaye kamba laga spiriti mindambe." ⁹ Aeva avigatine aekava,"kagegapa kegayema?"pigo aekava omitine,"Nagenepa (Ami) pipa agowapa igoma ndayema. ¹⁰ "Aeva toge aviga aviga vutine tova a taisagoma toma vindiva. ¹¹ Piya utagina agatipa yaga ndaga amuti atama kima mitegana, ¹² pika igeva avigatene, piya utaye," taisagoma male yaga ndaga vindi'tatagata male yaga vindi', wanoma.," ¹³ pigo aeva alagaye oimitine; kamba lataga spiriti va pigo yaga vindi wavutene, piya vutagina kaga ndagava auyali melu pigosuma kayo wani pindiya vuwataye, kagapa tutauseni wa ndaga naisutaye. ¹⁴ Pindakara yagala kavima igayena kigage ndakarava pigosuma wama nanavaya avolati ndaga uma oimi amba oimi putegana siti vindive tauni vindive aveibela, kaga wasanava wawavutene agakena. ¹⁵ Pigo igeva Isu ti kanatene kanateti amba agataye kamba laga kina andavindisa agaluva kainda yagara miti, igoma kina taka kamba laga ginapa miwanda kana,pavita malami mamiti, autasa enava pute napiena wapa ago kanara puwati; igeva pika agate tavela iyekuru vutaye. ¹⁶ Kegivaya uma aga tegina nanavaya pinda garama auta kaga ena vuti kamanapa ige alama utene, igeva navaya yaga oma auta puti ndana gegava oimite vutene. ¹⁷ pigo igeva agovima omitene mamba lasava atate wagasoma. ¹⁸ Pigo ageva wowale vindi itaginava, mo kamba laga gina megaiti ndagara mava avigatine kayege wakena vuwema. ¹⁹ Piya utagina Isu va kambaye omite, piya utaye, "wo omitine nama katige kaokina keli wama uma oimoma nanavaya Tave yagarama pugatai ndanaga, piyama ayama vaya aumama pugatai kava" ²⁰ Pigo aeva wama auta puti ndana gava kaga kinakava uma oimita nasitine Dikapolisi, piya vutagina kaga kinapa pami ndami vutene. ²¹ Tolo Isu va kayo wani malo ngaukwai watine, wowale vindi, igoma kina to mengaki vutene, pigo aeva wani awala umitagini. ²² Pigo ka agigi yagara tave alotu nama tisa, agewapa Jairusi, kanama, amba agateginava, agisa vindi amba waletine. ²³ Pigo aeva avigatine toge logema, piya utine,"Amana ngalaga ndone puwakena vegi. kayeka kaviga uwema, kanama kaya me ngatagana aeva kanara pute mesu aoganoma. ²⁴ "Pigo aeva ayege watine, piya vutagina igoma kina taka agaluvama a aevakaye aevakaye vuta watene. ²⁵ pigo kaweto kanatine aeva kora aiyena avuwanda wekana tuwolupu wa nkwa wagainda nkwe. ²⁶ Aeva tavela avuki vaki vuwate igoma sota ginati tave mone nkwape kaga enawapa puganda nkwe kana, aogi penoma vugatipa kamba kana tave vuwatine aiyena wapa. ²⁷ Aeva avitine Isu piya vuta nasiye kamanapa, aeva pigo akai kanatine wasanava tave gina pindi aeva amba aigaya vutaye autasa enala. ²⁸ Kana wemava piya utegina," uga autasa enala aigaya vukuwopa,nayeva aogi vuwaku wema. " ²⁹ Pigo aeva aigaya vutagina, mo korapa tanawa taye, pigo aeva aupindi akisuma agatipa pavigo pagi vuwatine. ³⁰ Isu va avaga enaga aupindi akisute agatipa kaisa esegi enawa wagaitine. Aeva awevute piya utine wasana akapindi,"Ke nautasa enalapa aigaya viyema?" ³¹ Ige eliya kina nkwambiva ayekava utaye,"kaeva agoma wasava kigi vuwaya, piya vegana kaeva ke naigaya viyeva enoma?" ³² Isu va piya utegina malega maga vutaye kevaya viyema. ³³ Waya mava, ago atopama agataye nanavaya auta avolatipa, ayekuru vute pami vutaye. Aeva kanate agisa vindi amba alaka vite omitaye kaga tagamba kamana. ³⁴ Aeva piya omitaye," alagama, kaega kamatiti enagamba kava katayema. wo omitine kaumagapa akusama kaga aiyena gapa ago katawaya." ³⁵ Aeva kamana uma mitagina, kaisa gina kanataye alotu nama tisa agigi yagara matisa, piya utaye,alaga gapa ago puwaya. tisa yagarava a kundaenava amoma?" ³⁶ piya vutagina Isu va malo anamuya puma igataye nanaye vaya yeyema, aeva piya omitaye alotu nama tisa agigi yagara gava,"Kaeva a kayekuru voma. Uga kamatiti poma." ³⁷ Aeva kamba kaisa gina kava ivigataye avagikava,pavigo Pitake, Jemisike, Jonike,Jemisi anando. ³⁸ Igeva kanataye agigi yagarama ndamati alotu nama tisa aeva amba igatine igoma kina kuve kave uma mitekina. ³⁹ Pigo namapindi iteva, aeva piya oimitaye," Tigeva nanaga tiyowa vindiva uga suga vuwama kuwe atayema? yagarava kamba vulindiya uga awi tamindiya." ⁴⁰ Igeva kagi potatene ayekava. Piya vutegana avei igaluva kaitegina ava wambana yagara ndoma ano wambana mo eliya ndakara wana suma,ivabute yagara ndo mitipindi itene. ⁴¹ Aeva yagara ndoma ayata asu mema piya utine ayekava,"Talita, koum!"pipa piyambaka, amana ngala gando,naeva ugamuwe, mesu asiyoma'" ⁴² avaga enaga mesu asilite wataye (aeva tuwolupu wa nkwa pugai titakana). Igeva avaga enaga yumava akunkwa taye tavela pilatage vuwama. ⁴³ Aeva tavela akukai tine wasanaga oimisiyema mandaga.aeva to oimitaye kaisa naninda amigina nanoma.