¹ To Isu va itine tave alotu nama pindi aeva asu agatipa ka yagara aya kamba aogi vuwanda mitine. ² kaisa kinamiva apasa vutene wakala taka mima, Sabati yagava aogi potakivaya yema piya vekatava akaya sukunema. ³ Isu va aya kamba aogi vuwanda yagara gava omitine," Mesu asimagina kaga kinami ika pindi asiyo omitine." ⁴ Piya vutegina wawaya kava oimtine, "pipa alo omanda a pese unda enava aogi ena vikenava apale vukunoma; wasana awi mekena vela, o aegukenaye?" piya utika Igeva kaga paka vuwatene. ⁵ Aeva male iga maiga vutegina amoena vutine, aeva tavela andara poitataye ige indava yege vuwateka, aeva piya omitine mo ndagara gava," Kaya apila poma,' Aeva paviya vutine, pigo mo ayapa aogi puwataye. ⁶ Pigo parasi yakarava avei tumitaye avaga enaga wama Heroti ndakara uma ivama akima kamanapa utene ayamavaya alakuma aegukunema. ⁷ Pigo aindi Isu va, eliya kina nkwake, kayo waniti watene, Tave kina taka wawayapa agaluvatene Galili isage Judiya isagema. ⁸ kaga Jerusalemi isage Idumeya isave mo ngaukai Jodeni isave pavi ngava visa Taiya ginape Saidoni ginape. Igeva piya viye kamana avite kana kana vutene, tave kina takaya kanataye. ⁹ Aeva ivigatine eliya kina nkwaka wowale amana ando mema yoke piyoma wawayapa igoma taka mite gana, igeva naevakayama mamba kigi vuwaye utine. ¹⁰ Aeva igoma kina aogi poitatagina, piya vutika igoma kina me apasana apasana vuma naigayama aogi vunatanoma vutene. ¹¹ Aetapaya kamba laga spiriti oma aye agategina, mavindi walewa gagaye aye utegini, igeva piya ugagaye,"kaeva Anutu ndagara gayema." ¹² Aeva tavela akukasi gagaye piya viyemava a iyoma. ¹³ Aeva itine malo amuti, aenkawa vaya aegeva wakiveyema aewa kegaye utine, igeva kanategana ¹⁴ Aeva ala poitatine tuwolupu wa(igeva oimitine aposeli kina tayema), piya vekina igeva aege mi-igina aeva isaga kini mono kamana mema oimita nasiyoma. ¹⁵ aeva esegi enageva imitaye kamba laga spiriti geva agaluva iyoma. ¹⁶ Piya ute tuwolupu wapa ala poitataye: saimoni, to agi omitipa Pita yema; ¹⁷ Jemisi Jebedi ndagara, Joniva anandoye Jemisi, to ka isigi isimitipa Boanegesi, pipa piyamba, andalu ginama ndagara yema; ¹⁸ Andruge, Pilipige, Batolomige, Matiyuge, tomasige, Jemisige, Alapiasi ndagara, Tadiasige, Saimoni selotige, ¹⁹ Judasi Iskeriotige, kevaya uvinaga puti ndagara. ²⁰ Pigo aeva wayeli wataye, to igoma kina taka kanataye, igeva to bretiva kamba nanda tane. ²¹ pigo piya kamana aviteginiva, ano avagi aokina migeva igeva uma aunana ikena watene, igeva piya utegini,Aeva napiena wapa uga suga puwaye utegini." ²² Ige alo kamana aganda yakarava Jerusalemi isa tumitegini piya utaye." Aeva anda vindiva Bielsibeli mindiyema," Kamba laga anongayambu spiriti oma agokaye viyema." ²³ Isu va igegaye utagini kanategana ama kamana piya oimtine," Ayama Satani omava Satani va agaluva kiyema? ²⁴ Pigoya ka kindomu omava ayama akapa apako vikiyema, piya vikibikava aewa agisalapa ka kindomu omava kamba asikiyema. ²⁵ Pigo ka ndama ngomalova kamba apako vikiye paviyama,aeva kamba asatapa asiwa kiyema. ²⁶ Pigoya Satani mesu asima aewa aka apako vikibipa, kamba asapa asikiye, pipa ano atuti laka amba pagivuwa kiye. ²⁷ Piya vute ka yagara mava ka esegi yagarama ndamapa kamba uma akasa vama kunda nava pikiyema pi ndagarava avama agisa aya kilo kaetate gane, pindagara mandamapa akasa vakivene. ²⁸ Tagamba taka naeva ulimuwe, kaisa agunda gamana wama ndakaraga ikivembepa pipa megagai kiye, mo kaga kevaya nakayase kina mindageva. ²⁹ Pigoya kevaya Holi spiriti ga akaya sikivi kinapa kamba laka megai kiyema, piya vikibi kana pi agunda enava uga mima undawa kiyema. ³⁰ "Isu piya utaye nana viyema kaisa kinami ute kamana avitegina," Aye pindiva kamba laga spiriti mindiyema." ³¹ Pigo ano wambage anata valage kanama avei amba asima mitegana. Kaisa kinami iyatasa posenda puma omitaye. ³² Pipa tave kina taka agive puma mala mima mite pindisa piya omitene," kano gambage kanata valage avei ambindini kaeka kagu yosagayema." ³³ Aeva awema oimitine, " Kegi yema nano nembage nanata valageva?" ³⁴ Aeva male iga maiga putegina mo agive puma mitekinaka piya utine," Agaiyoma, mamba yema nano nembage nanata valageva! ³⁵ Pipa kevaya Anutu auma agaluva kivi, pimba nagando, namana, nano nemba viye utaye."