¹ Pigo ige kanati ndiva Jerusalemi, igeva wakala kanataye Betipasige Betanigema, Olive amuta, pigo Isu va tara eliya kinankwa isisagatine," ² . Isisagate piya oisimitaye," waisoma kandama nkalali taye miyombe mali ngkaukai. Pipindi ago wandilisiva,agakivesema donki aga wasana mava kamba avabute nasinda ugumalanda . Igaluva atama avamete nayeta kanaisoma. ³ Kaisa kinami nana vikena vese igilisiva ?' piya iso,'Tave yagarama yegila vomekana nasigateva avaga mata mete ganakiye isoma." ⁴ Isigeva watamepa uma agatase donki ugumalanda paguta avei, pigo isigeva igaluvatase. ⁵ Kaisa kinapa pavita asima mitetili piya utaye," tisigeva nana vikena pesema, donki igaluvamepa?" ⁶ Isigeva Isu oisimitisa sutase, pigo kana ginamiva isitate ginisi watase. ⁷ Tara yagara misiva donki avamete watase Isu ta pigo mala mikena amandanava potata sigina ayeva asu mala mitaye. ⁸ Igoma kinapa iyutasa enava akuvuma aguta wataye ketiva, pigo kaisava yama apalema atata wataya. ⁹ Pigo mo kaisa gina akai watepela kaisa paitama watenagiva ayendaye uma, "Hosana! Aogiena lekaye pikevaya tave yagarama agela kanai ndagarava. ¹⁰ Aogiyena lekaye pikanai ndagarama kindomu tavalemba deviti pindisa! Hosana ayeva inata taka mikiyema!" ¹¹ Pigo Isu va Jerusalemi wateva tave alotu nama pindi itaye ititi asu agataye kaga ena. Pigo, pipa atami takane, to wataye Betani tuwolupu wa ndakara mige. ¹² pigo to yagalova, pi Betani isa awe vuteganava, pigo ayepa isawaga avutaye. ¹³ Aeva agataye pagasala fikiya aye, aeva wama uma agataye pipindi ana misanaga, amita kanama amba agatipa, kamba anapa ataye uga aye ngamana mitaye, pipa kana aye gagai kuna lanakana. ¹⁴ Fiki yagava utine," to kaisa kinamiva kayetasava kamba amba asigima nakive kayema." Eliya kinankwa mbiva avitatene pikamanapa. ¹⁵ Igeva to Jerusalemi kanataye, pigo aeva tave alotu nama pindi itaye aeva asu igatine aisaga ena vundini ikaena vundini pumamite alotu nama pindi. Aeva asu asunu gaga vutaye tebol lisa monepe kavala aisagatepe. ¹⁶ Aeva kamba avutaye pi alotu nama pindi kaisa ena mema aisaga ena pusanagava. ¹⁷ Aeva poiyakite piya utaye,"kamanapa kamba kayemala ndiyoma, 'Namandepa piya nama nema kaga toma toma kina ambima pure ikena namanema'? Pipa tigeva kukinami ndama ndana pugasayema." ¹⁸ Pigo ige parisi ginamige alo kamana aganda kina migeva uti kamana avite piya utaye, igeva piya utepa keka aguyosaga taye ayegu kena. Pigo igelova iyekuru vutaye wasanava tave ginataka mima kamana uti aviteginiva iyuma omapa iga lumiga vuma mitetakana. ¹⁹ Pigo me atamisa taginiva, sitiva atate wataye. ²⁰ Pigo igeva avaya watepa, Igeva uma agataye mo fikiya kaga avundaga asawati. ²¹ Pitava pilage vutaye mo uti kamanaka," Rabi, agoma! Mo fikiyaga kaye ka avilata mbepa asawaya," ²² Isu va awema oimitine,"Anutu kaga timatiti piyoma. ²³ Taga kamana ulimuwa kevaya ma amunga maka,' Asilite kayo wanipindi tumigaso ikivembepa,' aeva tara auma kamba vunda amatiti pikivipa pi nanayevaya ikivi ndanava pikiye, pindanava Anutu ayewa pikiyema. ²⁴ Pikaga nayeva piya ugamuwe: kaga enaga pure uma aviga kivembepa, kamatiti pute pindanava mekuwema, pipa pavigo kayenda yenaye. ²⁵ Asima pure undanapa, kayeva kekavaya kanda votata kivembe nakava uma kandara potate, piya vegana kavagamba inatisa kumati mindinava megagai kiye kamba laga enagapa." ^{26 27} Igeva to Jerusalemi kanataye. Pigo Isu va watine tave alotu namati, tave pristi ginake, alo kamana aganda kinake, kaisa anasa ginake kanataye ayeti. ²⁸ Igeva utaye ayekava," Nana esegi enagataka ma ndanava penema, kana vingese enava ke gamegina penema avigataye?" ²⁹ Isu va oimitaye," Nayeva ka kamana tiviga kuwema. Tigeva unamigi nayeva ulimuku wema nana esegi enelaka vaya vuwemava. ³⁰ Wani meimitipa Joni, pipa inatisa kumatisa vela wasana manda enaye? awema unamiya." ³¹ Igeva ikapi iyoge utaye igewipa maka uma piya utaye," Tage piya ukunombepa,' Inatisa kumatisaye,' aeva piya ikiya,"Pipa nanaga kamba timatiti peye ikiya?' ³² Pipa taye piya ukunombepa wasana matisaye,'...."Igeva wasanaga iyekuru puwatene,pipa igoma kinapa inda awevu watene Joni kava profeti yema. ³³ Pigo Isu kava awema omitene,"Tayeva kamba agandunema."Isu va awema oimitine," Piyavipa nayelova kamba ulimukuwe nana esesgi enalaka vaya puwemava."