¹ Tige yakara ndo ndo mitava, tigeva tave yagara Isu nda mindaya, tinoliva kamana avima mi-iyo, piyaviki vepa kanara ena pikiveya. ² Anutu va piya otandiya kamana nkwa pindiva," Tavelataka amenda piyo tinogi tivagipa."Pipa tave alo kamana nkwane Anutu nda, piya vikivepa aogima mikiveyema ugaindiye," ³ piya vikivekaba aogienava agate yayelota mikiveyema mamba vindiva, tige piya vikive kava." ⁴ Tige inogi ivagitava, igoma tapa a igokayema imo yenalapa yakara ndo ndova a ayetaiyo. Piya vusanagava, ivama aogi enali poiyakima aogi kamana oimima poiyakiyo tave yagarama ndaena vindi. ⁵ Tige uga eliya kinamitava, aogima mamba vindi tave limba ikivi kamanapa aviyo. Kamana ikivepa aogima esegima aviyo Kraisti kamana avesapuma. ⁶ Kamana avikivepa mo tigola mi-igili ngamana nane pagasa wagasi gili keva paviyama viyo. piya vutegili, kamana ikivepa aogima aviyo Kraisti nda uga eliya kina kandama,mamba vindisa ayevali kamanana suwa. Pavigo nanavaya Anutu avuwakibi pavindana mana piyo. ⁷ Kamutili aogima voto ayeva gamba ikivi ndanava, paviyama tave Isu ikivi ndana pikivenbe sapuma, kamba mamba vindi uga ginama ikivi ngamana nane. ⁸ pindanava vo ago agandane tave yagara Isu va kamikiye aogi ena wasana votaki vembekava. Nanavaya potaki vembe eliya kinano uga eliya kinanoma. ⁹ Tige ayeva kinamitava, paviyama uga eliya kinakamba pugata kivisa puma, paviya malo kayeva voto ayepa. a igokaye viyo. A tigeguwa viyo pavi kaye tave gambave ige tave wimbave tipasa vuma miya inati mima. Ayeva koti vugatakiye kayeva aogima eliya putano kamba aogima putanoma. ¹⁰ Atutiva, kaukapa kaga tave Isu amigaso spiriti vindisa ena omape esegi enawa pindi. ¹¹ Paviyama ami ile ginama kaga autasa ena pulisapuma, kaga enava Anutu va ago tamigaitaye tayeva asima esegi vute satani nda kambari ndanawa mema mavi kaiku nombeka. ¹² Tageva kama ena vombepa wasana lakambi geya pune, piya vikana kama ena vombepa mo kaga ngesegi ena mamba vindi mindike satani spiriti mindi spiriti aseka ndana vindi igege vune. ¹³ Paviyama, ami ile ginami pume yesapuma kaga iyutasa ena, tige geva kaga tiyutasa ena Anutu limipa pulite asima esegi viyo mamba vindisa ginamige vikenava. Anutu nda enalasa pikiveye, tigeva kama enava pikivepa satanige piya votategilipa Anutu ndaga tigeva uga mikiveye. ¹⁴ Asima esegima ami ile ginami kavima miye sapuma. Puliyo ami ile ginama kivebema avamu kandi kigagai sapuma taga kamanapa; paviyama kaivila igasali kenava,kaivila igasali kenanava aogi enamana poma Anutu piya vo ugamiti ndana. ¹⁵ paviyamalo ami ile ginami igisali su pulesa puma kaga yagava yoke piyo Anutu kamana mete nasikenava. mono kamanapa melite kaga aukwai waiyoma. piya vundilipa tiyumava akusa gasima nasiyoma kaga aukwai. ¹⁶ Paviyama ami ile ginami ilegu ngwi iwili kenava, pipa ilegupa mo timatiti enaline, pi ilegupa mo kamba laga ili satani ma vakibi kawikenaye. Ileguka mbaga kawikiye. ¹⁷ Paviyama ami ile ginama pulisa puma kanongayambu igasa likenava atiga pulo, pina ati oma amingapa Isu tawima tavameti kaye. Ami ile yagara ayapindi yogi ulindi, pina amingapa Anutu nda aogi kamana nkwane," pipa Spiriti yogine." ¹⁸ Atagana Anutu Spiriti oma kagokaye vekana pure ute nana gavaya pure ikivembepa kayakikiye. Evi evima Anutu tiba pure iyo nanaga vaya kavona vikibendana gava piya pigina Anutu va timikiya kaisa gina pisapuma. paviyama pure kapindi aogi veno undanapa, pipa spiriti vindi agavama miyo kamikiya. Aotamba aogima mima pure kakava agavama miyo Anutu ayewanda aogi ginankwa aopu gagaisa puma kaopikiya. ¹⁹ Naye kegava pure uma naopiyo. Pure uma naopigina Anutu va kamanapa nameka yeno, Aeva naopeka kamana ukuwopa aogima esegima yekini wasanamiva Anutu kamanapa aogima avisiyama. Paipa wasana miva kamba kana kamanapa avindene, piyavikana ivaba Anutu va kana kamanapa mema paguta nayakiye. ²⁰ Nayeva Kraisti ka alapuma pika, mamba igana vindi minduwe. Pure igi pigo Kraisti kamana ukuwopa, Nayeva kamana ukuwopa kamba nayekuru vunda esegima yeno, pipa nayeva kamanapa piyambaka ukuwo kane. ²¹ Pipa pigo tigeva avikibeye nage vukuwo nanavaya vikiyo naye nanavaya vukuwo ndana gava, Nayeva aisagauwe Tikikasi tigeti isa kayetama. Aeva ulimikiye mati nanavaya pindanagava. Aeva aogima amatiti yagaraye kaga kinamitava tavu wagagaye ayekava, aeva tave yagara Isu kava avuwa gagaye. ²² Pina agoga ayepa tigetiva aisagauwe; Nayepa navuwaye ayamavaya nagaya pegila ayegeva migaga usema. Nage navipa ayeva tiyopuma tiyunana geva yenoma umindanava ligege. ²³ Nage pure yopa Anutu tavalembage tave Isu Kraisti ge tigokaye vekili tige timatiti kinamitava tiyuma lipa akusama mi-iyoma, towinakava tivuwama mite, timatiti puma Anutu kava. ²⁴ Tiyopikiye Anutu va andara enawa pindige kaga kina tavuombe tavele Isu Kraisti ka kamba minanda