¹ Woyapa mitava, aogi aukwai eliya kinatipa igokaye vute ka kanala nanaga vaya kavona vikibe ndanava imiyo, paviyama tigeke woyapa lipa inatisa kumati mindiya ² Yevi yevima purepa iyo a minama. A tikasiya viyo, piyavu sanagaya yevi yevima purepa ute aisava otaiyo Anutu kava. ³ Purepa kaga uma lopute viyo, piyavekana Anutu va kaga enava taopekata aogi kamanapa pagusa kini avisiyama, kakama kamana Kraisti tinda Anutu tayakegita kaga aukwai pombesa puma. pavi kamana pagusata nasombe taka nayeva igana vindiva minduwe. ⁴ Purepa igema igi esegima aogi kamanapa yetamima paugsama oimeno. ⁵ Mindilipa aogima napigasima mi-iyo kaisa imatiti ena kamba vunda nasepindiva, kaisa eliya pikena nasindilipa aogima pilage vugasima nasite viyo. ⁶ Kaga yaga kamana ikenava aogi aukwai undili aogi ena pigina agate viyo pi kaisa kamba tave Isu ka imatiti kina nasikive ngaukwaiva. Pigo pingaukwai agakiveye ayamavaya ka ka kinakava tave yagarama kamanapa omukuwa sumava. ⁷ Tikikasiva ulimikiye kaga ena mati vuma avolai ndanagava nageta. Aeva pimba ka amatiti pindagara viye nayeva ayekava navu wagagaya, aeva aumava mema mala atama naopu gagaya, ayeva eliyapa tave Isu ndava esegima naopu gagaya. ⁸ Aminkwa nage Tikikasi aisagope ma isandaga tigeti pipa pigo tasige kava avite tiyunana kamana ikivipa avite pikiveya. ⁹ To ka yagaralo aisagopa tigeti Onesimasike aisagauwe, paviyama aumava mala atama amatitipi ndagara, nayekeva navuwa gagai ndagaraye paviyama tigekeva tiyo yagaraye tauni vindi mi-i ndagara. Isigeva ulisimiki vese mati nanavaya vuma avolai ndanagava. ¹⁰ Aristakusi, kevaya igana vindi nagege mitine, aye Makige kevaya Banabasi' avandoge, ayaveye ulitaye. nayeva ago Maki kava tiyaki gaituwa, piyavutuwa tigeti kanakilipa, agoya vuma avabiyo. ¹¹ Jisasi, to agiwapa Jastasi, ayaveye ulitate, viye. Pi kakaga yakarava Juda yakara gana imatiti pute nagege eliyapa puma nopegata pagusama Anutu va kini yema oimune Kraisti Isu tasa. Igeva tave eliya puma naopegata pombepa nayepa tavela naopeye. ¹² Epafrasi, kevaya ka ngeliya ndagaraye tigegevi Kraisti Isu ngeliya pindi, ayaveye ulitaye. Aeva kaga yagava purepa uma tiyopuma migagaye, piyavekili asima esegi vulindili timatiti puma Anutu puliyaki ndana aindi mekunombe ndanaga agava viyoma. ¹³ Nayeva piyamba ukuwe aeva tige tiyopikena esegi eliya taka piyema, mo kegivaya miye Leodisiya siti vindi, mo kegivaya to miye Hiyerapolisige. ¹⁴ Luku sota yagara, ayekava navuwagagai ndagaraye, to Dimasi love ayaveye ulitate viye ¹⁵ Ayaveye ulutauwe timatiti kina miye Leodisiya, paviyama ayaveye ulitate vuwe Naimbage kaisa imatiti kina akima miye pi ngkwema ndama pindi. ¹⁶ Aindi kaisa yakara isikive isa tige akapindi saga kayema landa, to kaisa kinami isikive akiena pikive tasaga kayema landa keva Leodisiya isaga. Pi Leodisiya isaga kayema landa keva, isiyo. ¹⁷ Omiyo Akipipasi kave pagivugasoma Anutu eliya kamiti ngeliyapa. ¹⁸ Nage, Polina, ayaveye ulitauwe nagene nayande pindisa kayetama. napinataiyo pure pindive igana vindi minduwa. Nage pure yope tavelemba Isu Kraisti va evi evima aogi eliya taka tigepindive penoma kaga.