¹ Poli ya, Sailasi ya Timoti yasuma mangisapa kaema aisagaune, Tesalonaika isa alotu namata Anutu agela, tavalemba gana Isu Kraisti keva. ² Atagana aumama enawake anda akusama mike nanava tumeno Anutu tavalemba tisage tavele Isu Kraisti ge agewa milita kiye tige pindi. ³ Tageva aogima kaga yagava aisa gamanapa otano Anutu tavalemba kava tige tanata vala mitika. Pipa meva puma aogi vuwakiye, nana viemaye, timatiti eliya puma tavela esegi vuwate wasanaga tivu wakenana omava pume wate tinda akusama mikenana geva pume wakiye. ⁴ Piya vika tageva tavela tamu puwa gagaune, tage kaisa gina wawaya oimite gita kegivaya alotu nama pindi miye Anutu ndage gava. Tige vendanaga tageva oimi gagaune, tige vendana gava tinda omapa akusama mi-iyoma, tige timatiti pendana togina wawayami kamba aogi vulita gageka. piya vute mo tige tivuki vaki enala ayelitate pugageka. ⁵ Pindana omava poiya kikiye alandana aogi enawaka kotila Anutu nda kanakivi ndaga. Nana vaya pita puma avola kivipa piyamaye, tigeva kanara puma laka ikiveye Anutu kindomu vindiba, nana viemaye tige gunda ena metepa timatiti enava kamba iteta gaiteka. ⁶ Anutu va aogi enawa tasa aeva kunda enava imikiye, kevaya mo kunda enage tivuki vaki enalake ayelitati kinapa. ⁷ Pipa meigaikiye kunda enaga ivuki vaki enagema meye kinapa tagege. Pindana vuma avola kivipa tavela Isu kanakivi ndaga kaga angelo gina ngwandaga age ayambu vindi minde kina ngwambige. ⁸ Tave yaku takivi pindi, aeva kanakiye kamba laga ena pugage kinapa ape ngwi ndaga, wawaya kegivaya Anutu kamba agande kinake kegivaya aogi gamana kamba avima agaluva kage tave yagara Isu ndage pikina keva. ⁹ Igeva pagasa laka mikiveye tave yagara mikivi ngava tasava, age esegi ena wake tave agi minda kivi ngava tasa geva, igeva kagapa tave ivuki vaki ena mema kamba laga vuwakiveye asiasima. ¹⁰ Aeva pindanava puma avola kiye pindaga age kanakina wawaya ngamba tave agi amikivi ndaga laka, piya vekana ageka imatiti pikive kinamiva igomata napi napi vuwakiveye. Pipa nana viemaye, tage nana vaya pugagombe kava taumale pindisa mema kamana pagusa gagombe tigeka timatiti kina mi-iyoma pipa ago timatiti putaye. ¹¹ Pina amikega, kaga yagava tageva pilagema purepa ugagaune tigeka. Tage pure uga-gombepa piyamba Anutu lembava tigama pilage pulitanoma mo kaga aogi ena tige pindi mindike tigegaye utikega. Tageva piyamba purepa une Anutu lemba kanara taka pulitakili mo kaga eliyapa pikive yema timatiti enalasa tinda oma isesa lita kivi ndanava esegi ena litasa. ¹² Tageva pimba ndana gega purepa ugagaune pipa nana viemaye, tige pikive ndana tave yagarama tave agiva mekiye agewa agelaka, tageva piyamba purepa une agewa tave agiva melindana tigaveve venoma aumama enawa pindi Anutu ge tave Isu Kraisti geva.