¹ Pigoya, Holi Spiriti va alagasima iya, aindiva kaga kinapa imatiti enava iteta gaite kambari spiriti oma ikivi kamanaka avita nasiki veyema,piyavute kaisa kinami poiyaki kikive kamanaka igeta kaye vuta nasiki veyema. ² Pi kambari kamana ngama amenda pindiva, napiena wipa uma aivo savo puwaki veye utaye. ³ Igeva tavela akukai kiveye wayawa enagava, piya vutegini kaga naninda Anutu vumalanda yetamima akapi imatiti kina kevaya taga kamana avigagai kina mitava. ⁴ kaga ena Anutu pumalanda enava aogi enamanane. pikava kamba gasima kamba aogi ena enava kamba yeno, tayeva aisa otama Anutu kava mekune. ⁵ Pipa nana viyemaye, pipa ayewa ago waninkaye gasima aogi pugasima tamitine kamana ngatasage pure yombe tasagema. ⁶ Pigo kaye mandanaga kaga gavaka oimiki vembekava, kayeva kanara ngeliya ndagara Isu Kraisti ndava mikivene. Paviyama kaye esegi kinandana kamatiti ena aogi kamana pugaya kinda agaluva mbekana. ⁷ Piyavena a avo amani kamana mamba vindisa kamana uta nasekava, kayega aogima aogi kamana pindi pugaya kimeyo Anutu kamana pindi. ⁸ Tayeva aogima miyombe tapa amana andola tautepa taopu meyano, piyama miyeno aogi enawa pindi Anutu nda taye taopikenana igoma mindi pindi. Pindana omava talakuma migagaye taga kamana tauma vindi ma iba mi-i ndanage me aindi kanakivi ndanagega. ⁹ Ma kamanapa esegi kamana kana taga kamana toye kaga wawaya avima amatiti pikena kamana. ¹⁰ Pina amingaka tayeva eliyapa esegima veno, pipa nana viyemaye, tayeva esegima tamatiti pune taga Anutu ka, kevaya aye pindagarama tawima tavame kena yagara kaga wawaya, kaga amatiti pikivi kina. ¹¹ Kayeva alagasima aogima poiyako mandana gava. ¹² A atagana kaisa ginamiva masimavi kaumagapa mema mala ataiyo, kayeva miyo ama kina kandama imatitipe kinamipa,kamanaka ikivembe pela, eliyaka pikivembe pela, wasanaga kavuwaki vembe, pingawa ena vindiva asima esegivo kamatiti enagapa yewasa vuma. ¹³ kamanapa pagusama oimindana poiyako wawayape aogima esegi poito nage kanakuwo ndaga uma agema. ¹⁴ A napiena gapa itetagaso mo esegi eliya pikena kandavindi mindi kava, pipa ayewa kamitine profeti kamana pindisa pagusama ugamima, alotu namatisa anonga yambu ginamige iya kanota atama pure ugagaite. ¹⁵ Pi aogima kaviyo pavipinndi miyegini kaye eliya pikivembe kava wasana miva aogima agaiyo alama. ¹⁶ Kayega kava aogima kaviyo aogima miyo mo kamana pugaya kitepindiva pindanava kaga yagavo, pipa nana viyemaye, pindana omava kayekapa kawima kavabu ndana wawayapa iwima ivabu ndana vikiye.