¹ Afapake mana'u ughadan damu entafubi, Tepuro Pita aviren, Jemisi ma Joni Jemisi ankan ava'e, beti ankan mana dan uro bain anuyonta odikamino. ² Tepuro be au bukafa aman henara suron ukan mino. Ben aufenke maen mi ha'u ano ma panu sein an davin, bei honara ke Khakha mano panu seini ukamino. ³ Ma'anuka maemi Mosesi ma Ilaisa ma afoka uwe mi Tepuro ma Baiya sika mino. ⁴ Pita mai ona aren mi Tepuro ma'asen tiyamen, Kakan noe mai kama uron uken mino teti ankan ma mara barunae mantukantima eima anu nuesi maei te'i kanu mana'u iyon baran namu uwarantere, mana eina'i, mana Mosesi mi, mana Ilaisa mi. ⁵ Pita baiya siyan maen, mana khonan mano moekanta eren me beti anka dararen, mai khona aupinke mano ova, ano tiyan ma tesikaino tei maen moekhanta benanmi tinunu iyare, para vara seo be'i maen mi tenti tinunu daghfe iyane. Ma antu khanti mae va tireti anka beni baiya ana va ineno. ⁶ Bei eyo keka mai baiya ma iniyan maen beti anka purasen khakhan perari uren beti au'na dan barara suran heraven. ⁷ Ma'an tuka Tepuro eman avian mantaren beti hanka hamen, ireti ankan iva perano. ⁸ Ma'an tuka maen beti ankan aiyompi onen heuken mifo ida mana banta one mifo, Tepuro beya ana baren mino.