¹ Teti ma kamae ma aghempa erive me, teti afovaie mei ailani men Maita ne siren ariyaine. ² Mei barurake nanin banta ano tetin ara timienbaiya tisintaen, ira taman tintaen, meira men kakan a'den baru iyoniuan mino. ³ Poli ma kaghein ira kaiyo ma aien ma taran, irai mumua anoinmeifinke mana osofae eravuben Poli ayan untaren. ⁴ Meirake banta Kaiyo ano onan ma osofae ma Poli ayanta ma dighan, beuyan beu aubana ten oreraen." Ma banta, bei banta arin purin banta ino, meivan bei ida sore non mano aren mino. Meivan men ida mam mano aintin pa bantene." ⁵ Bei osofae douwa'an irafin aravubin ida purene. ⁶ Anasi banta ano bein mana ma aveughantin ma bein ma au mumuintin ma eraven ma purinain na vane. Meivan bein ayakai Kaghaken baren mino, ida mana'a danasinta bein aura afokasi'in beu inin enafinien ma'asen, ma banta men mana ayarafenu hafino. ⁷ Meria ade,mana'a bara bamino,mei ailani anon banta i bara ino,ben avi pablius ino. Bei tetin tivien kama baiya tisintaen tetin ta tarifava damu kamaeh tetin dafsien. ⁸ Mei damu men pablisu afoe ano au mumuen are ai'in aidana danban.Poli ma ben daro ma mo ayan kauen ma bein ma amukuwanten, bei me kamaen oren. ⁹ Inainpa mei ailani finke manin banta iye ai baimano poli ta erin amukuanta'an me kamaen oren. ¹⁰ Teti ma orono van ma iyakunm banasi ano tetin kakan bi timen, beu teti ma ida ma dakue una danasinta timen. ¹¹ Tarifara biyon ayonpake, teti mana Aleksendrai sipi mare orere. Mei sipi men iyonein damu men meria bara mino.Alexsendra sipi men anonta men kanka'nan kampun ayarafenui anua dan bamino. ¹² Inainpa teti sirakus tounifin ere, Tarifara inuran mi teti meira bare. ¹³ Meirake teti sipi amare kakan tauni Reguimi ore. Mana damu ayompa men uwa tiyan amapake emanten eren . Kanka'nan damupin mana teti kakan tauni puteoli eman afaokae uno. ¹⁴ Meira men teti mana'a tifa tivaeyan dosirekun tetinan beu vasa sevenidamu sa bano esen .Mei asu men teti Romi eman afokasie uno. ¹⁵ Inaipa tifa tivaeyan mano, tetinti stori iniren tetin eman tonanon eren. Beu aipiuisi vain erene.Poli ma be afa avae ma onen bei kakan tusu Ayarafenun tiyanta'an mei ano ben ara man akonaen. ¹⁶ Teti ma Romi ma oreuna men, beuu poli mana a'in banta ma dafikave ein aruvin banta kaiyo va bane. ¹⁷ Tarifara damu ayompa,poli men Juda kaiyo aubana ke kaiyo aran eman ataruen.Beu ma eman ataruin,poli beu ma'asen tiyamen." tivaui an, pura ino ida tei mana namu tetisi kekapin ughe uno va tetisi tinauyan ni avu avu basa.Beu ano tein paasvi ma kuwin banta andren ma tivi ren Jerusalem ke me Romi kaiyo ayanpin den. ¹⁸ Inainpa ma ten ma inaonore, beu ano teian pa ampinti orino pigharen, beu ano ma ida ten tirint ene mei tei ida mana ume dakeuno. ¹⁹ Juda kaiyoi lida ano ma ida Romi kaiyo va mana arasiene, meivan tei Sisa inaure evarene tei ko tenovare,ma men ida tei tesi kantri evarene mana'a baiya tiyan tano varauno. ²⁰ Nai inintsai tei ma ko evarene tiyarafu, tei e'in oare ema baiya teno vare,mei men Isreli kaiyoi mana mumunata i tein dafufin da barere. ²¹ Beu ano ben ma'asen tiyamen,teti ida mana bompon Judia ke erighein mantere,ena tifa fivae finke ida en aufinkes in baiya bare. ²² Teti ano en ofenke inenon vane ei na'i inin ei mei mumunanta dakefono,teti afovaie minopa ma baiyara i asivin baiya tiyane. ²³ Beni damu kain,kokona nanin bante bema bare enita eren.Poli beu baiya tiyan amiyan inka Ayarafenui Kindomi fake tiyan amen.Tepuron nan kakan baiya sin va Mosesi ma profeti kaiyo i man baiya fake base,akura kake oren inupasi'en. ²⁴ Mana'a ano Poli avaya inien mumunan en,mifo mana'a ano ida ben ayafafin mumunan en. ²⁵ Beu ida beu aubana mana arasi ughen,Inainpa ma Poli ma mana baiya tiranti ma bein ampiren ma orera inaine.Me ma'aughen,"kanta aunan mano puntaen tetin tinauyanpin ten. ²⁶ Bei ma'asen," Ei mei hanio banta fin orive ma'ase; Ei ininonpo, ida mei baiya ana afovai ino, ei onanonpo ida kanaie oman afovai ino." ²⁷ Nai vaino, mei kaiyo ara munkughan beu a'aren mano baiya ininan afonkiyan beu au munkiyane, ida onano vare.Beu ano ma evarenen ma onen incno van ma inten, beu sa teinpin evarenen evivinti sa kama uwantano. ²⁸ Mei anarasa ivetisa afovai ono, Ayarafenu ano evarenen banta aviren baiya ena banta kaiyo dan oren, beu ano kasaen inino van. ²⁹ Bei ma mei baiya ma tiyan, Jiusi kaiyo ampiren oriven, beuyan aubana kakan asivin baiya e'aven. ³⁰ Poli kan oranara beyan ma biyani ughen namunpin ban, bei din banasi bema banta eriyan. ³¹ Bei Ayarafenui kindomi fake tiyan mien me beu Tepuroni baiya fake ani uwanten uran ida mana banta kainaen bei eman ida barano tinten.