¹ Agripa Polin ma'asen tiyamemi, tarea e'i stori ono, mai Poli be ayan danien bei tiyake. ² King Agripa, tei timusin iya uno tesi storima onuna punta kein baya ein tiya mente uno Judan kayoma tei nama kampun bayama tigain, mai paravara seyo, ³ E'i Juda kayoi avu ava ba inaim ma afova uge ono, ma'a uga ein inaiya uno kamae va teinti baya ineno. ⁴ Pura siauno mino Judan kayo tein afova ugemino tei pumarara ma tesi barura ma bama Jerusalemi ma tesi barura ma bama Jerusalemi ma baeruna. ⁵ Beu pefa tein afova uge mino ma'a ugen beu danta tiyan amainten mino mai tei ma mana Farisi ma bae runa mai beu mana akona keka ino tetisi mono timpin. ⁶ Tare mara mante kumi beu tein kotisin temi mai paravara seiyo tei aman afoka e'uno Ayarafenu ma teni tinaun pima tigain. ⁷ Mai anarai 12fi keka Israeli Ayarafenunta mono tiyami bayama inurama aveugen dosiyami mai danaka, king Agripa, mai anarai Judan kayo tein kotisi tiyami. ⁸ Mai para ireti anoma iniya fono Ayarafenu purim banta ida avian mantaa temino te iniyafo? ⁹ Mana'a damu orafubin,tei kogon inin manta uno namu dana bare tepuro Nasaretike bein avi namu onovan. ¹⁰ Het pristi kayo eyosi ma'e mai dorari e'mae mai avu ava Jerusalemi manta uno, tei kogon mumunan banta pakare kalabusi iya uno, emante eyo sekun maen beu arin puriyami no. ¹¹ Tei mino mono namun mo namu uwan tiya namu baya se uman amiyau, beu san tei tiranka mae bakure ena ena kakan taunifin oriya'u. ¹² Tei ma mai avu ava ma bakuri yakum maen, het pristi kayo eyosi mae mai dorari'e Damaskas origa uno, ¹³ mai teima oriyakum maen 'a' aubana me bero rasi in mae onekun mana akona laiti a'aui akona esantaren mai laiti ano inarufake eren tein ekuaren tema erigain banta kayova dademi. ¹⁴ Teti mino ano ereve barara tinkame orerae, iniyakum mana banta amen eren tiyaken Hibru bayafike bayasen maen ma'asemi, "Sol, Sol, mai ifara tein uman timiya fono?" E'i ida tein namu ino no. ¹⁵ Tei bein tiyamiyake, kakan no'e e'i iyefono? Kakan mono everen tiyaken, tei tepuro uno, e'i tein namu'e uman timi yaono. ¹⁶ E'i mante'e arantanta mantano, tei ei bain ereuno mai paravara seyo ein maki'e teinti doraro iya mae tian amae nai dana sinta teinpim oniyaso inain ena dana ani eku ona nono; ¹⁷ Tei banta nasi aubanake avire ena nanin banta finke dere avie tiyanteku orinono, ¹⁸ Beui au ona divintin maen kagan onemaen dunin ampinten, bana noni akona ampiren maen Ayarafenu bain erinten, Ayarafenu beui ume ampian tantin maen, tema'beu amenuna dana sinta barante mino teyanta ma pe maki uge runa banta kayo, mai intea banta nasi teinta mumunan ugenafi.' ¹⁹ Ma'a ugan king Agripa, tei mai baya kayo ida doaveke uno mai inarufake ma kain ma one runa; ²⁰ tei banta nasi a'u beranovan baya tige uno beui avu ava ma baranain a'u beran kayo andano, tei baya Damaskas nare tire inain Jerusalemi te mae mino Judia ankinafa ena nanin banta fin dere. ²¹ Mai anara maen Juda kayo mono namunte tein pakaren beu tein tiruan puronovan emi. ²² Ayarafenu tiyaen eren tare dere pa tiya iyan mai tare avi ivan banta nasi auban mante avi bam banta nasi auban mantave baya tiame Mosesi ma profeti kayova tiyakenafo intemino ma tiga ain. ²³ Mai ma'a ugemino Tepuro uman baren maen purin maen purim pinke emantan maen kagan ma banta nasi fima ori nain tiyan ama intemino kagan Judan nanin banta fin oren maen ena kekapin dere orinte. ²⁴ Poli ma bei baya mo kipam maen, Festusi ovaren ten, " Poli e'i o'ani ugeono, e'i kogon tigurusen nan mai ono ein aman o'ani ugemino. ²⁵ Poli everen tiyaken, " kakan banta Festus, tei o'an nauno, tei puntakein baya mana kakan danaka tiya uno. ²⁶ King mano beyanta ma dana afova ugemino ma'a uga mai vami tiya uno, tei afova uge uno ida mana dana bein pin aupasi intemino, mai paravara seyo mai dana sinta kayo ida aupanbaremino mana ankinafa. ²⁷ Poli everen inaemi, "King Agripa e'i profeti kayoi baya mumunan iyafono 'a'? Tei afova uge uno e'i mumunan iya ono. ²⁸ Agripa everen Polin tiyami yaken ma asika damu e'i ma iniya ona tein aman Kristeni inte fono 'a'? ²⁹ Poli everen tiyaken, tei Ayarafenun ta timu kiya uno, mai asika damu safi aya damu safi teima inige una e'i ma mino kayova iya iniyafo tei bayama tare tiya runa. ³⁰ Kin ma, gavana va, Benisi ma, mino kayo iye beu ba kuman tanafi mantemi. ³¹ Beu ko namun ampiren barufa ma eriyaken beu ma baya sen tiyaken, " Ma banta maen ida mana ume mante mino bei ma karabusi on terafu a'an arekuna purin tenafi." ³² Agripa, Festusin tiyami yaken," Sisa ida bein kopin aren baintin, bei kana ume ivan banta orinte intem mino.