¹ ''Tifa tiva'e va tifo'e,ireti a'aren kau are te'in tivaya ineno, tei mei kaiyo ma teinpin baiyo osiya ein kaiyo fin teno van.'' ² Barasi ma Poli ma inin Hibru bare vaiya finke ma a'me en, beu o munkuren benke ban bei tia'men. ³ ''tei Judabanta uno, te tino'e ano te'in Teses ni barufin ka'enSisilia kakan barufin ne. Tei mei kakan barufin Gamaliel sikuru sighe uno. Beu ano tein tetisi tinafu tira'o, tifoyam ni mam baiya bakurino van tini'en, ma'an ugha tei iren anden Ayarafenu bakuria ona ei tei Ayarafenu bakuria. ⁴ Maivan men tei mono nanin banta ariya uno, tei beu pa'kare avi'an ku'viya uno. ⁵ Het Pris kaiyo va Ano banta kaiyo ano kasa sen beu pin bompon mantere tei kasa'e Damaskas ma bain tiva'e yampin orive mei ma Jerusalem a bakureinma erighen bakare beu onante uno. ⁶ Ma'an u'gha ma te'i Damaskas aden ma ore kun ma baiyan aubani'i, mana'da ana inaru finke mana kakan mano me tein e'ukuwaen . ⁷ Tei barara era've ba've kun inaru finta mana bantai owa ine kun ma'asen, ''Sol, Sol na'i vara ei tein namu iya fono?' ⁸ Te'i bein aivaya ini'e eravene tiya miyaken , 'Ei iye fono, kakan nafo ?' bei tein tiya miyaken, 'Tei Nasaret ni Tepuro bake e'i tein namu usintiya on'o! ⁹ Banta kaiyo ma te'mabain mano mai ka'ghan onen mi, beu ano ida mei or ano tein ma tisimen baiya inen. ¹⁰ Ben avaya inise evarene tiame. Ma'a se, kakan e'i teinan naisa ino van inighe fono? Kakan mano tein tisimen ma'asen, 'E'i mante Damaskas orivesin meirake banta ano ei ma inona dana sinta tiyaminten. ¹¹ Tei ida kanai'e evarene one uno, mai akona ka'ghan mano tein tu munken, ma'an u'ghan banta kaiyo ano te'ma oren , beu ano ten tiyan bakaren darimpen te'in Damaskas i oren. ¹² Maira men mana banta ano eman tein tonen, be'in avi Ananiasi ino, mei banta ano ma beiyan da'ahan ma Ayarafenu pin ma dan eravu bin ma mino mam baiya ma bakuriyan. Bei kama bi Juda kaiyo maira ma bain kaiyo fin dan dan. ¹³ Bei te'in tid'e e'mantaven ten, tentiva'e Soli, ei kasa'e va evarena anona, 'meira men te'in tu divi bein one uno. ¹⁴ Bei ma'asen, 'Tetin tinafu tira'o ni Ayarafenu ano ein nan be'ini anunu bakurino van, mei van mi ein puntakein banta ani ura, be'in ofenke baiya ma ine ona. ¹⁵ Mei van ein nan ena nanin banta tian pamane e'i ma one ona danasinta va ine ono'e. ¹⁶ Meivan e'i. na'i vara aveiya fono? E'i mantave non ma'e va bein na avi araresin ano e'ini ume aru 'antano. ¹⁷ Inainpa tei Jerusalemi evarene ore me mana damu mono namunpin o'va amukiya bare mana da'na kain ma oneini e'uno, ¹⁸ Kakan mano, te'in tisimmiyaken, aine va. Jerusalem ampire orono, beu ano tei e'inta ma uhge una dana ida mumunan intene. ¹⁹ Tei ano ben tiyame, ' Kakan, beu yan ofova ughen mino te'i mino mono namunpin orive beu anka'e me' bakan kuviya uno enta ma mumnan iyain kaiyo'e. ²⁰ Te'i beu ma bakun mei eini doran banta Steven nare ma eraveine, tei beu ni onara dafike me beu i'ya bein arinain kaiyo va mana ararsi urekun bein aren. Nai varaino, eini baiy ma tian paman en ma banasi ma tiyan ameine. ²¹ Ayarafenu ano tein tisime, e'i mante orono, ein ena nanin bantafin tiyanta orino. ²² Banasi ano bein a'in baiya tianpananen, bei ma mei baiya ma siyan beu ba'den ma'a sen, ''ma banta ma bara rake intano.'' Bei ida kanai en ma barafinpa bari ughan.'' ²³ Beu ba'duren kaiyo ba beu ni ona va karudan dan inarufa o'en. ²⁴ Aruvi banta kaiyo i ayafa ano beu tin Poli bakan aruvin banta kaiyo i dafufin ka'en. Beu ni ayafa ano tiyan beu amen ma'asen be'in na anan po sa intu tiyan ami'e va ina onae na'i ana vara Juda kaiyo benan ma'a akona da'denafi. ²⁵ Ben ano ma be'in arantan ayan ma daniyan bein a'de ma bare ein aruvin banta inaen, amam bauya ano ma'a se'na na mana Rom i banta va bakaren ida be'in ko'pin ben avaya int'en pa bein ankamino tighen nafi? ²⁶ Aruvin banta ano ma mei baya ma inen, bei oman aruvin banta kaiyo i ayafa tiyan amen ma'asen, " Ei ai'na danasi ono varafono, ma banta men Rom'i ke ino." ²⁷ Aruvin banta kaiyo i ayafa ano meira Poli me inaen ma'asen, " Pura e'i Rom'i banta fono? Poli "eyo'e se." ²⁸ Aruvin banta kaiyo ayafa ano ten, "Tei kakanbiyan Romi banta ono van ka'e una'e."Poli ma'asen, "Tei men te tino'e ano be'in ina ono van ka'ein mino. ²⁹ Aruvin banta kaiyo ano be'in ina ono vaneren, beu mei baya ma inen ben ampiren beu oren, Aruvin banta kaiyo i ayafa ano ma mei Poli Romi banta ino bei peh kare mino nai vaino, bei ano Poli ananpo damu ghave ein. ³⁰ Ena damu men, aruvin banta kaiyo i ayafa ano afovai ono van na'i vara Juda kaiyo Pol namu avu ava si uwanten. Meivan anom banta kaiyo va inin amin kaiyo va a'ran e ataru'en. Bei Poli avian beu au'bana me ka'en.