¹ Judia ke mana'a banta Antiok aravuben mo be afa avaen doran anien, ma'asen,"ireti ida ma au tikare Mosesi ni akana man baya ma bakuria fono, Ayarafenu ida iretin kanaien evarenen aviranten." ² Mei anoin mei banta kayo va Poli nu Banabasi nu asivin aruvin baiya sen. Poli ma Banabasi nu ba mana'a beu pinke banta kayo ba tiyantan Jerusalemi oren oman ataruen aposeli kayo va beuni a'non banta va mei inain pake baiya sino van. ³ Meivan mono ano beu tiyantan Fonisia ba sameria va baya mo tiy an amen, ena keka Ayarafenunpin ma ere mino. Mei baiya ano tifa tivaenpin kakan amusin baren eren. ⁴ Beu ma Jerusalemi ma mo afoka eni, mono pinte kayo ano, aposeli kaiyo va a'non banta kayo ano beu amusin ma aviren. Poli nu banabasi nu mino baiya tiamen Ayarafenu mabekan ma kakan danasi ma ugheine. ⁵ Mai ifo mana'a Farisi mumunan banta kayo , emantaven ma'asen," beu tiamen au va ikare va Mosesi ni mam baiya va bakurono." ⁶ Meivan aposeli kayo va a'non banta kayo va ataru uren mei dana ka baiya seno van. ⁷ Kokon aruvin baiya ayonpare, Pita orun mantaven beu ma'asen tiyan amen, "tifa tivaeyan, ireti afovai ughe ano mana'a damu esave dakhan, Ayarafenu mana a iretin aubana kauen, mei baiya mate ma tiya unae, ena nanin banta ano kanaien kama baiya fake inien, mumunan ino van. ⁸ Ayaerafenu, iye arapin a fovai ukheine, beyami beu tiyamien kanta aunan beu amen tetin ma eini ene; ⁹ bei ida daimin avu'avu ten ma benaubana en. Beu ara aman kamaene mumunan avu'avu pokese. ¹⁰ Tare, naivara Ayarafenu Kaseriya fono, ireti nai vara aposeli kayo mei uman amenpin dantiya fono teti ma tifoyan ma ida kanai'e bararen uman mino. ¹¹ Mumunan teti iyare Ayarafenu tetin Tepuro ni avaba poka evarenen tivirantene, beu ba i manai intene. ¹² Mino nanin banta bempake ban Poli nu Banabasi ma Ayarafenu ma aya ukha re'ein pake inen inka bekan ma ivain danasi ma ena nanin banta fin ma ukha re'eine. ¹³ Tasoren ma beuni baiya ma intanain, Jemsi evarenen ma'asen," tifa fivaeyan, tein ineno. ¹⁴ Simoni ma fein pake Ayarafennu ma anta ma bei avaba ani en ma ena nanin banta ma aya eine mana'a nanin banta ma ben avika ma aviranaine. ¹⁵ Profeti kayoi baiya ano pe ma uwama'an baiya va mana arasiene. ¹⁶ Mei dana kayo ayompake, tei orare erive Deviti ni tarara namun uwamantan tere, mei ma eravu khare ein, mino dana ma nama kare ein tei evarene puntae kaontere. ¹⁷ Maivan men tito ma'a banta ano kakanan dosinten mai ten tivika ma arake una ena nanin bantae base. ¹⁸ Mai nai fino kakan mano ma'asen, iye mai danasinta uwantanafi teti pefa afovai ukhare. ¹⁹ Meivan tesi inin mano ma'a ukhen, teti idara ena nanin ban ta iye Ayarafenupin ma eriyain ara uman ameno. ²⁰ Ma'aukanti, tetisa bompon uwama'an beu bain orine, beu tiame, ireti nentasa bano ida va paini ughen danasa arue ma'anen kampum ayarafenu kayoe, va arara banasi'in avu ava ba, pukein uraran ma bei aun baranta ma iyaran ma pukein ma nan avu'ava, inka nare va ma nan avu'ava base. ²¹ Para varaino, Mosesi ni mam baiya mino kakan taunifin pefa ma baren oren va mino mono namunpin ma oya damu ma eriyaine." ²² Mei kanaien aposeli kayo va a'non banta kayo ano va mono kayo va Juda avian kaen bue Barsabasi e ma siren ariyaine, Sailasi ma, bekan mono i aviren orin banta i uren Poli nu Banabasi bakuren Antioki oren. ²³ Beu bompon ma'a uren uwaren, "ma bompon man aposeli kayo va anon banta finke i erikheng mai ireti afa avaeyan mino, va ireti tetin tifa tivae ena keka ma Antoki ba Siria va Silisia ma baine; beu ma'a sen ireti kama damu ino! ²⁴ Teti inekun mana'a banta tetin aubana ke barufa aravan, tetinta ida iniren, beu eman mana'a inin amin baiya siren iren ara uman amene. ²⁵ Meiran teti baiya damure ireti vain vain ma tiyantan banta kayo kaue ma kankanan kama tifa tivae Poli nu Banabasie tiantekun orinten, ²⁶ Bekan kakan banta Tepuro ariran banta avika purinan ida pekene. ²⁷ Judasi nu sailasi nu teti meivan mi tiyantekun erene, manai baiya bekan ofenke tinti ineno van. ²⁸ Mai kama ukhemi kanta Aunan ma tetinpi mase, ida va kakan uman dana ireti anera da. ²⁹ Ireti kampun ayarafenu ma amiyain danasa ayon ame, nare nan avu'ava ba aunta ma iyaen arein uraran ma nia ona va banasi'in avu'ava kayo'e. Ireti ma mei avu'avapin ma nenta bantefo, ireti kamae bano, ireti kama damu ino." ³⁰ Beu ma ataru inten Antioki araven, mino nanin banta ataru uren bekan mei bompon beu amen. ³¹ Beu ma mei bompon ma onen, beu kakan amusin ukharen mai baiya ano beu aya eine. ³² Judasi nu Sailasi nu bekan ma profeti ino, ma'a ukhan bekan mano kokon baiya foke akona be afa avae uwante. ³³ I'nain pake beu ma mana'a damu ma meifa ban, afa avae kayo ano beu avaren tiyantan ara kusin ma tiyan ta kare'eni kayo fin oren. ³⁴ Ida pasavi en Sailasi ano meira banan aranden. ³⁵ Poli nu Banabasi nu Antioki ban ena nanin banta anien kakani baiya tiyane. ³⁶ Mana'a damu ayompake, Poli Banabasi ma'asen tiyamen; erasan na mino kakan barufa tifa tivaeyan ma mo onano mei ma kakani baiya ma tiyan ame una kayoe, beu onana inte'a bari tare ukhenafi." ³⁷ Banabasi men Jon i makine ma sin banta ano bekan ma orino van tikharen. ³⁸ Poli ma inein maki ida kanaien beu ma aviren orinten, nai varaino, bei bekan Pamfika ampiren bekan ma barein doran ida oman en. ³⁹ I'nainpa, bekan meivan asivuen auban daimen, ma'anin Banabasi Maki avraren Sipifin kausen Saiaprusi oren. ⁴⁰ Poli ano Sailasi kauren me ampen be afa avaeyan ma orein bakuren kakan avaba'in doranpin oren. ⁴¹ Mei be siria ba Sisilra oman meifake mono kayo aman akonaen.