¹ Tare beu doran banta kayo va ena mumuna nanibanta iyeiye Judia ban ma'asen iniganafi, ena nanibanta va Ayarafenu avayara mumunan iyanafi. ² Inka Pita ma Jerusalem i erein, iyeiye au kaganafi Pita aufinte en. ³ Beu ma'asen, " Ei beu ba ataru uve ida ma au kakein kayova ataru uve dunan neiyao. ⁴ Ma'aughan Pita ma'asen minodana ma dako ukaepake beu tiyan amen, inka bei ma'asen. ⁵ Tei kakan tauni fi Jopa timukiya, tei mana kain one, mai kaimpin onekun mana dana dokifin inarufake eren, beti 4 fara konafin davarae ma pakein uren ampia'an tema baunara erakane. ⁶ Tei oare mai danasinta van anoma ine, tei ma bararake uraran ma afa uraran ma, osafaeva mana'a nun ma ayonta noin ontere. ⁷ Inain tei ineku mana ova ano tein tisimen, "Pita, mantaven mai danakayo arure na! ⁸ Inkan tei ma'ase, Kakan oe, tei iavaruromi aranuna iya danaba paini uken dana nage. ⁹ Maukemifo kan dadasi en inarufake o ano masen tisimen, " Nai nasa Ayarafenu tiyan amen nano tenafi, iava te iae." ¹⁰ Mai dana 3 fara dada dakain mai danakayo everen inarufa oen, ¹¹ Amunen tarafira banta teti ma baruna onara mantagen bami, beu tiyan tan Sisaria ke maigayo tevain eren. ¹² Maka Kanta Aunan mano tein tisimen beu basa oro, inka aiva tei ma'ase beu enui 6-si tifativae tema ori mai banta ama ore. ¹³ Mai banta ano tetin tisimen mana ensel riano mantaken ben ama ban masen, " Tiyantesin mai batakayo Jopa orive Saimon beu ben aren Pita ove ere. ¹⁴ Bei iren aya in bayan tiyan aminten, inka ema ei bantanasi ereti mino namu dana me ampire kama a dagafo. ¹⁵ Tarema tei araie baya ma beu pin tiyan ame, Kanta Aunan beupin eren manai avuava ga tiyan tetimpi ma ese damuma ugaeini en. ¹⁶ Inka tei einiya kakan avaya kae, bei ma'asen ten, "Jon i nompo i nonamigan, ma'auke mifo ireti Kanta Aunan poi nonbarano. ¹⁷ Ma'a uganti Ayarafenu ma avaba Kanta Aunan ma beu amien manai anon en tetin ma timiga enien teti ma kakan ta Tepuro mumunan ugaeku, tei iye bara Ayarafenu ni baya iyarante rafu? ¹⁸ Inka beu ma maidana ma inyaken, beu ia mana baya tigan, maukan beu Ayarafenu avi anan ama daniuren inka ma'asen, Ayarafenu ana tirunoe umerama tin ma pavan oriyaban aunan ena nanibantavai baren. ¹⁹ Inain ma Stiven i ma beu namui inka ari puriyan, beu mumunan bantakayo peren karan oren en Fonisiaore, Saiprus ma Antiok, beu monobaya Tepuro avika ten Juda kakapin oren. ²⁰ Maukan mana'a mumunan banta kayo Saiprus i keba Sairin eren Antiok eman kama auyen baya Kakan Tepuro pake ten Grik ki fin oren. ²¹ Kakani ayan beuba bamaen inka koko nanibanta mumunan bayara uve Kakan bain eren. ²² Mai damuma Jerusalem mono ano mai baya orin inien, beu Banabas i tiyan tan Antiok i oren. ²³ Bei ma eren Ayarafenu ni avaba beu pike eonen, bei amusin iyan akona beu uwanten kaka maban ben tya mumunan mino arakake inovanten. ²⁴ Banabas i bei kama banta, bei pin Kanta Aunan ika akona mumunan ma bami, ma auka koko nanibanta ano kakan ta mumunan ugami. ²⁵ Inain Banabas i Tarsus Pol in dosiran origan. ²⁶ Mai damu Sol ima o dosiren avere overen Antiok eren. Mai mana oranafin bekan beu ba ataru uven bantanasi monopi Tepuron pake beu tiyan amen. Mai damu Antiok, ese damuma monokeka i ma ten aviamiyan mai doran banta vami. ²⁷ Mai damu mana'a doranbanta Jerusalem me ampiren Antiok i eren. ²⁸ Mana beupike avi bei Agabus, Kanta Aunan be pin ban bei dorabaya te inaima kakan arafan mino akinafa mabarafin afoka inte. Mai afova baya inka afokaen mai damuma Klaudias i ma anonbanta i ma Rom i ugan. ²⁹ Beu ma Agabus avaya iniren, beu doran banta kayo moni ataru uren mumunan nanibanta Juda ayaukan, beu ma bainta tiyanamen. ³⁰ Beu Banabas i ma Sol i moni amiren mova mono pike anobata ame Juda ke.