¹ Te'i Joni hanon banta ano bompon uwama'anan kama tifa tiva'e bain orene Gaiusi baine, te'i ma moekanta tinunu iyaunae. ² Kama tifa tiva'eoe' te'i timuke ma'asere e'i mino dana pin kamae banono ida ai bare inka eni aunma kamaen bantene. ³ Purase te'i timusin ere, efa ava'e ma ema tian paman eni putakein avu'ava, ma'augha e'i putakein avuavaka'i oriyaono. ⁴ Te'in timusin ida manai ena timusin ma ughene, te'i ma ineken tentighafana ma purasighein avu'ava ma bakuriare. ⁵ Kama tifativa'eoe, e'i maen ara amire dore'iyaono efa' ava'en auban ma ena nanu banta vase ⁶ Iye eni kama avu'ava tian paman'enafino enama mono pinte anunuine. Mai e'i purase kama avu'ava 'ie banasi tianta'au Ayarafenu aranaghein asa'i diyaono ⁷ paravara seyo, beti ma kakan avi ka ma orivene ida manadana barantene idama Judan kekama bantene. ⁸ Ma'aughanti tetimasa manai avu'ava sisa mai nanin banta fin ono. ⁹ Te'i ma bompon uwaman mono nanim banta firi dere. Ma'aughan Diotrepasi, mai be'i mai banta ana ani' ono vari'ughane, ida teiti tivirano van ughane. ¹⁰ Ma'aughanti ma te'i ere-e, te'i kamae i onantere mino avu'ava ma be'i manta'ein, ma ena 'ena namu bay a ma tetin nan tigha' enine. Be'i ida mai avu'ava bane, maivan ida befa'ava'en avi'en kama iyen. Ena inka be'i idae iyan enama avirampin, ma'aure mono pinte tianten. ¹¹ Kama tifa tiva, e'i ida va namu, ava'ava bakurono, e'i kama avu'ava sa bakurono. Banta ano ma kama avu'ava si'intefo, mai be'i Ayarafenu nina'ino, banta ano ma namu avu'ava si'intefo, mai be'i ida Ayarafenu afova'inono. ¹² Mino mumunan anin banta ano kama baya tiyane Demetriasina mai beti tian paman'ne ma'ase, mai be'i kama banta ino pura baya timpine. Tetim'a oman pamaneke e'i afova'e tetima pura siane. ¹³ Te'i kaghon dana deken bane e'impin bompon uwama'an erinovare ma'aughanti te'i ida mino bompompin uwama'anfore. ¹⁴ Mai te'i e'in onan damu asikaugene, te'i kanai'e e'in anuna onia ema baya tintore. ¹⁵ Kakani arakusin em'a bantene. Efa'avan keka enan kama damuse tene. Ma baya tesin ena tifativa'en pim'masa orino.