¹ Inte'a anunu tifoe tetim'pim timi'ghenafi, tetin Ayarafenu agha'a, ma'i tetin ben agha'a. Ma'i anara ma bara tetin i'da afova'ughen, maivami bein i'da afaova'ughan ² Be'i anunu tare teti Ayarafenu agha'a. Ima afoka'uganti teti intesa afoka onte teti afova'e Aviran Banta eren, teti benandan'te teti be'ino ten'te ³ Mino nanin banta i'ye mumuna'na benan i'yan ma'i bean mi kamaen puntaken benada'ghen. ⁴ Mino nanin banta i'ye ume i'yan ma'i mam baiya durafuriyan, ume maen mam baiya durafuriyan. ⁵ E'i afova'ie ma'i Aviran Banta i afoka'en ume arumen, i'da beim'pin ume ban. ⁶ I'ye bep'pin tupa intefo i'da umei'nono. I'ye i'da ume'intefo ben one afovai ino. ^{8 7} Iyanpon kaiyo, i'ava ae'sin mana banta aviren enafa orino. I'ye puntakefo ma'i putaka'o, Aviran Banta benada'ghen puntake'o. v 8 I'ye ume i'yafo, mai namu aun nina'o, namu aun ume arainta mantan eni ma'i anara Ayarafenu Be'anin afo'kha, be'i intanen namu aun'ni doran. ⁹ I'ye Ayarafenu kha'en i'da evere ume'ino, maivan Ayarafenu dan'ayun be'impin ban. Bei i'da aviren ume inten ma'ivan Ayarafenu ben khe'mi. ¹⁰ Ma'ivan Ayarafenu agha'fan'na va namu aun afokasi'en, iye i'da kama avuava'si inte'fo Ayarafenu i'na vauno, e'i i'ye e'fa ava'e i'da anunu inte'fo. ¹¹ Ma'i baiya ma'en arain'ta inenan, teti ma'esa ena nanin banta va anunu ono. ¹² Tetin ma'en i'ava Kein anda, be'i ma'en namu aun nina ban bea'fa aren, be'i na'i anara'se arena'fi. Para'vara be'i doran namu aun nina i'ma'en ben bea'fa kama avuava ba'i bami. ¹³ E'va anu'do, tenti'fa ti'vae, ma'a vara enan'ma afokha'ti. ¹⁴ Teti afo'vai'e teti e'ake tife purinpinke e'akghe aun barapin, ma'i anara teti tifa tiva'en na anunu'o. I'ye i'ma anunu'en mai'ano be'fa puken. ¹⁵ I'ye banta i'da ben afa'ava'e anunu i'yana'fi mai be'i banta arin banta. E'afo'vai'e i'yen banta arin banta'fo i'da be'impin bamino. ¹⁶ Ma'va ma'en teti anunu afo'vai'ughe, prara'vara'se Aviran Banta be au tetin timen. Teti mas'a teti'si tun tifa tiva'e na ame. ¹⁷ I'yen banta ma bararak'e dana denan bana'fi, e'mante be'i ama'fon muku'ghen arunanin beva'enan, Ayarafenu anunu bema i banten. ¹⁸ Ten tikgha'fana, teti i'da'va anunu bayara ana ani'o ma ama'fin'ta, ma'iva ei'avuava ba kama ara. ¹⁹ ma'iv'ami tetin afo'vai'e teti puntaken aunin ni'na, mai'van teti puntake tim'afon Ayarafenu aura ²⁰ Ma'i teti tim'afon mano ma tetin namu'en, Ayarafenu aun tetin tima'fom'pin kakani'e, ma'i be'i mino dana afo'vau'ghen. ²¹ Tesi ti'nunu kaiyo, ma'i tetin ti'mafon ma'no tetin i'da a'man namu'en, teti akona mumunan Ayarafenu'pin ban. ²² In'te'a dana teti ma ina'en ma'i Ayarafenu'i pin'ke baran'te, prara'vara teti beni akona man baiya baku're ma ben aura kama dana si'sa ono. ²³ Ma'i be'ini akona man baiya, ma'i teti'sa ben ak'gha avika mumuna'no Tepuro Aiviran Banta va ben anunu'in baran, mai'van be'i tetin akona man baiya timen. ²⁴ I'yen banta Ayarafenu i akona man baiya baka're ma'i ben'pin ban. Ma'i Ayarafenu ben'pin ban. Mai'van be'i tetin'pin ban, ma'i aun ma tetin ti'men.