¹ Anakakuko, yike yinoyifon aveya bai indeko Iyeno kinne, mini i antekam abuava ino. ² Yike yinoyifo ma sinayom baya bac avakoroko [ meni i Koctinic acnantapac sigam baya ino], ³ "micninami emi avogugu uagkanami mana magakac iyakac banonamino." ⁴ Anuc yifouke, anuc yiran anene iyevac yimeko. Afo fayai avoguc mam indin baya baga Iyenonic abuabakan sigiminaya abakuroko. ⁵ Dumin yogam ininbaintauko, yikeyic mana magakakena iyenon yibaya inde gac fekantinke bac indikarao, eyanduntinke fukasire. Yen yibaya ma indeve Kraisin avaya bac i indinonam. ⁶ Yikeyic iyenoc yivaya bac indirec avakuroc yena iye banayon nuram bac mini abuava foni yenyic indini mandan abogukuc uyinkanakom. Micnugami Kraisinic ainddim dumin yogam bainta kacnakaiom, iyefi Koctinic ayim yogam beyanduntike ma maranayi. ⁷ Eyanduntinke bac yoga, omare kac indiko yikeni Iyenokac i yogam mana maga kackena ininbaintauc kaga yokanai ino, ⁸ nevarafino yeunamac indikeko nec aboguc yogana maya maya ma maranagone,mini yoganic ayac ini Iyeno vabake maranakom mini ayacina maranayi i dumin yogam bainta bac iye dumin yogam bainta bac. ⁹ Iyenouko, yikeyic dumin yogam inimbantauc manac yom abuaba fokekac i yogam yimec. Mandac iye bac uyinkac. Eni indin kanamino iyec yigekandyic Iyeno ma bayi i Inarumpac i bem, afo benkimi mayanan amukarac evam abuava iyebem ¹⁰ Kipantapaci, erarukanac Iyenokim o benic erantim bac benic anon erantim. ¹¹ Koctinic aruin andanda bac made ogac o, micnure eni amagkac ukukamam erarugami inonami bananonic opac umac sigam indiram. ¹² Afo mayausic aruire yo bac nare kinaino. Iyeino, mana maga kakena gabmani bac banuyic eran dacbac mana magagac dafitauyic manda ayufom abuava, bac inarum agunkac dafitam banuc. ¹³ Micnugami Koctinic masidem aruin andada bai o, nevaraino ukukamani erar inonam momana manda nuramkine, inam masidem anene uwandademi ukukaman erar inonam. ¹⁴ Ukuke, eyic amuc nan mandan ono mini i fugasigam bayaino afo amimim kakena eran sota bac mandan o mini i anteka abuava. ¹⁵ Afo su agarinda, mandan u're maro yiyime Koctin avaya kim benic avabagam. ¹⁶ Masiden umantim eyic sangko Koctinan indikarac inac fakaman eraro, mini foni amagkac masiden iga namac yevam fago bananoninda yomandam fasac danonam. ¹⁷ Afo Kocti ma avicdukanarac madan indintim de madan acnokac atakio afo Ayo Intanic bainati i mini Koctin avaya. ¹⁸ Masidem ogam mukintin bac indainkim, masidem nuram Ayo Inta kina ogam mugko. Mini indin namac masidem nuram daficmam abokukuco, micne vac eyic ogam mugkini masidem Koctinic antekam ininbainta bam mugku yinka. ¹⁹ Senande baga ogam mugko, baya siminovam sena sivam osafonam. Ogam munke banagac i seni Koctin avaya fuga sigam opac ma bam mandan afotakio. ²⁰ Koctin avaya bani seni ena magufakena dafisim bainta dumukec, micnukai seni amagkac iyen feganamac simam fabanotec, seni amagkac i sentec. ²¹ Tyikasi sentic aboguc sifactiva Iyenokim erar abakuriri evam yogam bainta, masidem andada bam yigemi siyimintem, siyiminac i yikeni indinakom seni inkecni yokarigaci ekafu. ²² Seni yikevampac mini yogankac i sasagkeu, afo yikeni omarec indinakom yeunamac inkecni barikac ukekafu, micnugami beni yiyen yindum simam erar uyinkanovam. ²³ Sadagebam abuavac sifativa kinic i, ababac bac indikaracim mayau Sifo Kocti bampake bac Iyeno Jisas Kraisim pakevac. ²⁴ Eananac agun anecne masideugim bac iyefi mayausic Iyeno Jisas Krasi ma avabac inaniyi iyefac kipanananim avabac fo.