1
Ira obatatsi imatsigenga ira levitas ipogasikeri ira paatiri Eleazar, aisati josué itomi ira Nun antagaisati obatakagantatsi aisati imatsigenga antagaisati kara itimomentokë ira Israel.
2
Ira ikaintëri ira irasi Silo itimatsi kebatsikë kara kanaankë: "Ira tosorintsi igataigiri, aisati ira Moisés ora te nagotiro naro itimomento jegaraka itimi,yaka kibatsikë aisati ibasitote irasi nobaakate."
3
Angankero ora iragantomento irasi Tosorintsi. Ira Israel ipaigiri ira Levitajegi ora timagantsipage yashintara, okonagagetanaga ora ibasitotepage.
4
Ira ijogasitaigagari teni iranetsairi imatsigenga ira Coatitas: Ira paatiri iriro imatsigengajegi ira Aarón parijitacha Levitas, ipaigabakeri 13 timagantsi ora timagantsijanipage asi Judá, aisati imatsigenga ira Simeón aisati imatsigenga ira Benjamín.
5
Ira antagaisati ira Coatitas yagini iriro 10 itimomento ira antagaisati imatsigenga ira Efrain, Dan aike ira arosatya timaigatsi irasi Manasés.
6
Ipaigirini imatsigengajegi ira Gersón kara ipëri 13 itimomento ira antagaisati imatsigenga ira Isacar, Aser, Neftalí aike arosatya itimakagi Manansés ganta Basán.
7
Ora ipaigëri ira Merari ipëri 12 itimomento ira imatsigenga Rubén, Gad aike Zabulón.
8
Ira Israeritajegi ipaigëri ira Levitas oka timagantsipage,itsibatangaro ora ibasitositebage, aronta ira Tosorintsi igakeri ira Moisés.
9
Ira imatsigenga Judá aike Simeón, yagasantaigapëro ora itimomento, yaka ikantagegero onibarepage.
10
Iroro ipagetagitaigiri imatsigengaosnori Aarón, teni irogotiro obatatsira yagëro timagantsi.
11
Ira Israeritajegi ipëtaigiri ora Quiriat Arba(Arba irianti iriri ira Anac), irooti timgantsi irasi Hebrón, iragasitageke kara anchatosikë ira Judá, oshongagetari ora ibasitotekë.
12
Kara sotogite timagantsi aisati timomentostipage aroge ipaigiri ira Kaleb, itomi ira Jefone, aroge yagabairo.
13
Iraegi ichrineegi paatiri Aarón,ipaigiri Hebrón, ora ibasitositebage, ora pinabeta timagantsi kara imanaigiro ora ogantagantsi te pairo neirone, aike Libna otsibataro obasitosite,
14
Jatir aike ibasitosite aike Estemoa itsibata ibasitosite.
15
Aisati ipëgeri Holón ibasitosite, Debir aike ibasitosite,
16
Aín itsibataro ibasitosite, Juta aike ibasitosite aike Bet Semes aisati ibasitote. Karari aiti 9 timagantsi ipëtaigirira ikaegi ira pite timagantsijanipage.
17
Aisati imatsigengajegi ira Bejamín ipaigiri ira Gabaón opra ibasitosite, Geba isati ibasitosite,
18
Anatot aisati ibasitote aike Almón yogiri jaara kara tera ine itimomento,pinasegi otsipa timagantsi.
19
Ora ipëtagekeri ora timagantsi ira Sacerirotejegi, imatsigengasonori ira Aarón, aiti pinasegi 13 timagantsi antagaisati, itsibatantokotagetanagari ibasitositepage.
20
Aroonta ikantaiganaka ira basinipage itimakagaigira irasi Coat, Ira Levitas timabetacha kara itimaigi ira Coat, aiti itimomento ipëri ira ikokera, ira imatsigenga ira Efraín.
21
Iroro ipëtagekeri ira Siquem itsibatantokogero ora irantsiatosite ira Egfraín, poro timagantsi imanantaigara ira yogaigira ikantasitagetaigari, Gezer itsibataro ibasitosite,
22
Kibsaim aike ibasitositepage ira Bet Horón itsibataro ibasitosite, otsiba timagantsi antagaisati.
23
Ira imatsigengasonori ira Dan, ira itimakagaigi ira Coat ipimantitaigiri Elteque aike ibasitositebage,
24
Ajalón aike ibasitosite aike Gat Rimón itsibataro ibasitositebage,otsiba timagantsi tojai.
25
Kara arositya ira itsibata Manansés, ira itimakagi ira Coat ipëtaigiri Taanac itsibatantokogari ora ibasistositebage aike Gat Rimón itsibatagarosati ibasitositebage, pite timagantsipage.
26
Aiti pinasegi 10 timagantsi antagaisati irorota iragaigapae ira timaigatsi kara Coalitas, intsibatantokotagekero ora ibasitositebage.
27
Kara arositya ira itsibata Manansés, ira itimakagi ira Gersón, iriantiegi pasinipage imatsigenga Levitas aike irirojegi ipëtaigiri Golán ganta Balsán itsibatamtokogaro ibasitosite, poro timgantsi imanantaiga kara yogobagari keroka pairo neiri, itsibatari ira Beestera aike ibasitosite, pite timagantsi antagaisati.
28
Ira itimakagaigira ira Gersón aisati ipëgeri Cisón timatsi gara Isacar, ikaratanëro aisati ibasitosite, Daberat itsibatanagaro ibasitositebage,
29
Jarmut aisati ibasitositepage aike En-ganim aisati ibasitositepage, otsiba timgantsi.
30
Ira imatsigenga Aser,ipëgeri Miseal aisati ibasitositebage, Abdón aisati ibasitositebage,
31
Helcat aisati ibasitositebage aike Rehob aisati ibasitositebage, otsiba timagantsi antagaisati.
32
Ira itimakagi ira Neftalí, ipëtaigiri ira imatsigenga Gersón Cedes ganta Galilea aisati ibasitositebage, poro timagantsi imanaigara kara yogobagasitobagetari; Hamot-dor aisati ibasitositebage aike Cartán aisati ibasitositebage,maba timagantsi antagaisati.
33
Aiti pinasegi 13 timagantsi antagaisati, omagarosonori ira itimakagaigira ira Gersón, itsibantokotagetanagaro ora ibasitositebage.
34
Irokerai ira pasiniegi Levitas, itsibata ira Merari, ipëmantitaigiri ira ganta timagantsi Zabulón: Jocneam aisati ibasitositebage, Carta aike ibasitositebage,
35
Dimna aisati ibasitositebage aike Naalal itsibataro ora ibasitositebage, otsiba timgantsi antagaisati.
36
Ira itimakagaigi ira Marari ipëtaigiri ira itimakagaigi Rubén: Beser aisati ibasitositebage, Jahaza aisati ibasitositebage,
37
Cademot aisati ibasitositebage aike Mefaat aisati ibasitositebage, otsiba timagantsi.
38
Ira itimakagi ira Gad, ipëgerri ira Ramot ganta Galaad aisati ibasitositebage, poro timagantsi omanantaigara kara yogobagasantasitari, aike Mahanaim aisati ibasitositebage.
39
Ira itimakagaigi ira Merari ipëtaigirisati ira Hesbón,iasati ibasitositebage, aike Jazer aisati ibasitositebage. Okapage okarageti otsiba timagantsi antagaisati.
40
Antagaisati timagantsi papatotanaga ora itimakagaigi ira Merari, iriantieginta ira timaigatsi kara Leví, 12 timagantsi antagaisati ipëtaigetasitaigagari.
41
Ora timagantsi irasijegi levitas yasintaigaparo kara agani pini igibatsitejegi ira Israel, kara 48 timagantsi, itsibatantokotagetaiganakaro ibasitositebage.
42
Patiropage ora timagantsi,aitipage ishongaro ibasitositeegi. Aro ikantakaganagaro antagaisati timagantsipage.
43
Aro ira Tosorintsi ipëri antagaisati kebatasi ira Israerisati ora ikantaiganakerira ira irinagaegi jirai. Ira Israeritajegi yasintasantaigabaro aike itimaigapë.
44
Irogita Ira Tosorintsi ipaigiri magoreagantsi paniroatipage, aronta ikantaiganakeri irairinagaegi jirai. Te poro gisaneintirira kero iganatari. Ira Tosorintsi ipaigiri ira gisaneintaigirira kara ibagokë.
45
Aiti pasini aiti,antagaisati ora komeitagantsi ipanake ira Tosorintsi inibabenkero ora pongotsi irasi Israel, yamasigero teni ingantiro. Antagaisati okantageka.