¹ Lomba ifya kwisa kwa ba Shikulu Yesu Klistu nekubungana kwesu pamo nabo, tulukumumba mwebo, mwebakwasu, ² ukwebati mwiba abangukile mukumufulunganya ne ukupenshiwa, neli ni kumupashi, neli niku cebo, neli nipankalata ilukuboneka koti yafuma kuli fwebo, akalukukuma kukasuba kabashikulu ukweba ati kaisa kale. ³ Tekwesha ukuleka umuntu neli umumo amubepaike. Pakuti takukesapo ili ukuwa kwa oypo takungesa, ne mumuntu uwakupulaisha infunde afisululwa, umwana wa bonaushi. ⁴ Uyo nioyo utalika ne kulikusha umwine ukucila napali fyonse ifitwa bulesa ne icakutembela. icifumamo, alekala mwetempuli lya ba Lesa ne kulyaba umwine ati ni Lesa. ⁵ Tamwibukishapo ati ili nali nenu nali mwebele ifi fintu? ⁶ Pano mulishi icimukanga, ukweba ati inga fisululwa likoso impindi iyelelwe. ⁷ Pakuti icankama icakulufyanya ifunde cilikubomba kale, sombi kuli uulikumukanya ati afume munshila. ⁸ Sombi uyo uwa kupulaisha ifunde akafisuluka, uyo ba Yesu bakepaya ne mweo uwakupema kwakwe. Ba Shikulu bakamwalula uwalukoso mukufisuluka kwakwisa kwabo. ⁹ Ukubifya kwakutobe funde kulachitwa mumakosa ayakwe Satana, nemakosa onse, ifilangililo ne fipapusho ifyabuf, ¹⁰ ne kutumpaika ukwabula ukulungama, sombi tabapokelepo ubutemwe ubwacine ubakubapulusha. ¹¹ Napali uyo mulanda ba Lesa balekusuminisha ukubapela umulimo uwa bufi, bangacetekela ifyakutupaika. ¹² Ifikafumamo fyakwebati bonse bakapingulwa, abo abatabacetekele icine, balibulile ifyabulungami koti kwangala. ¹³ Sombi twalingile ukutwalilila ukupela ukutota kuli Lesa kuli mwebo, mwebakwasu mwebatemukilwe iculi ba Shikulu, ba Lesa balimusalileni koti fisepo ifyakutapilapo kukupusuka nkusangululwa kwa ku mupashi ne kucetekela muli bu cine. ¹⁴ Bacimwitileni kulififi ukupitila mu cebo cesu, pakwebati mwingesa kupoka ubuleme muli ba Shikulu Yesu Klistu. ¹⁵ Napali fyefyo, mwebakwasu, amakaneni abakosele nekwikatisha ifye funde ili mwaebelwe, kwishiwi neli kukalata. ¹⁶ Bukumo ba Shikulu Yesu Klistu abene, naba Lesa bawishifwe abatutemenwe abatupele ukwikala bwino umuyayaya ne sibilo ili weme ukupitila mu nkumbu, ¹⁷ tekeni imitima nekwibaka imitima yenu mu mulimo onse uyu weme namwishiwi.