¹ Ilyo Yesu abwene amabumba ya bantu aile pa mulu wa lupili. Ilyo aikele panshi, abasambi ba kwe kabesa kuli ye. ² Aliswile akanwa kakwe noku basambilisha, ³ Bali palwa abab cucutika ku mupashi, pantu bo bakapyaninina ubufumu bwa kwi ulu. ⁴ Balipalwa abalosha, pantu bo Lesa akubatalika. ⁵ Balipalwa aba fuka, apntu bo baku pyaninina icalo. ⁶ Balipalwa abali ne nsala ne cilaka ca bulungami, pantu bena bakwisushiwamo. ⁷ Balipalwa aba luse, pantu bena bakapokelela uluse. ⁸ Bali palwa aba sangululwa imitima, Pantu bo bakumubo Lesa. ⁹ Balipalwa aba panga umutende, pantu bakwitwa abana ba kwa Lesa. ¹⁰ Balipalwa aba cushiwa mubulungami pantu ubufumu bwa mwi ulu bwabo. ¹¹ Balipalwa abantu abekatwa no kucushiwa munshila yonse iya bubifi pamulandu wapila ne. ¹² Samweni no kusangalala, pantu mweo icilambu cenu cikulu mwi ulu. Muli nci nimbo bantu aba kocusha ba kasesema abaikele munshita yakale. ¹³ ''Mwebo muli mucele wa calo. Lelo ngo mu cele wafumano ubune, twinganpanga shani umucele nakabili? Tacingabapo iciweme kuli conse, kuciposa noku cinyantapo panshi ya nkasa sha bantu. ¹⁴ Mwebo muli lubuto lwa calo. Umusumba uumikwe pa lupili tekuti ufisamepo. ¹⁵ Tekutipo abantu babike ulubuto lwa ku koloboilo panshi ya museke, mucifulo cakweba ati babike pa mulu pakubona ulubuto monse monse mu nanda. ¹⁶ Lekeni ulubuto lwenu lu sanike ku ntanshi ya bantu pakweba ati mubona ubusuma no bune bwa kuba ta bamwi ulu. ¹⁷ ''Mwilikutontanyapo ati nebo naisa mukonaula amafunde nangula ba kasesema. Indishile temukonaulapo, lelo kuya fikilisha. ¹⁸ Mu cine inkolabila kuli mwe ati mpaka iulu ne calo cikapita tapapo icili conse ica kupita munshila yonse ukufuma kwi funde, mpaka ifintu fyonse fikafikilishiwe. ¹⁹ Uuli onse ngo uwatoba limo nangula ili ce pali nga mafunde no kusambilisha bambi ukucita ico bakwitwa abaice mu bufumu ubukulu ubwa kwi ulu. Lelo uyo onse uukoyasungilila noku ya sambilisha akwitwa umukulu mu bufumu bwa kwi ulu. ²⁰ Pantu inkolabila atikambi icicetekelo cenu kacicila icitekelo caba kalemba naba Falise, tamwakelepo mu bufumu bwa kwi ulu. ²¹ Mwilyumfwile ukweba ati, calilabilwe mu nshita shakale, ''wilaipayapo, na, ''onse uwipaya akuba mubucushi pa bupingushi! ²² Lelo nkolabnila kuli mwe ati uyo onse uukopusana no mukwabo akuba mubucushi pabu pingushi, na onse uulabila ku mukwabo, 'we cacabecabe! akuba mubucushi cipuba akuba mubucushi bwa mulilo. ²³ Eico ngaukopela ica bupe ku cintamba ilyo bwabukisha ifibi ifya cilabila umu kwanu, Shaica bupe peka pa cintamba nokuya. ²⁴ kubalilo ukulashanya no mukwanu ilyo wingapela icabupe. ²⁵ Kamumfwana no wa milandu obe bwangu ilyo mukoya nankwe munshila ku cilye nangula uwa milandu engakutwala kuba pingushi nokukubika mu cifungo. ²⁶ Icine nkolabila kuli we, tekutipo ufume mu cifungo ngataulalipilapo indama umukwatile. ²⁷ Ulyumfwile ifyo calabilwe, 'wilokucita bucende! ²⁸ Lelo inkolabila kuli we ati uuli onse uwa lolekesha umwanakashi ninshi alicitile ubucende na ye kale no mutima wakwe, ²⁹ Nga ilindo lyonbe elikokulenga ukubembuka, lifumyeno noku liposa, panshi celele icilewa cimo ica mubili ukufwa ukucila umubili onse ukufwa no kuposa. ³⁰ Nga ukubokobe ukwa kukulyo kwa kulenga ukubembuka ku tete nokuposa. Pantu celele icilewa camucili cimo ukufwa ukucila umubili onse. ³¹ Cali labilwena kabili, uyo onse uwaleka umukashi, kamupela kalataya ku musowa! ³² Lelo nkolabila kuli we ati, uyo onse uwaleka ukukashi wakwe uutacitile bu cende, amulenga ukuba umucende. uyo onse uwa kumupa acita ubucende na ye. ³³ ''Nakabili, mwa lyumfwile ati, calilabilwe kuli mbo mu nshita kale, 'Tekweshapo ukulapa ifya bufi kuli Lesa! ³⁴ Lelo inkolabila kuli we, wilapapo, nangula te mwiulu pantu butungushi bwa kwa Lesa; ³⁵ Tepa calo pantu amakasa yakwe epo ya nyanta; te Yerusalemu pantu musumba wa mfumu. ³⁶ Tekulapo ku mutwi, pantu tekutipo ulenge imishishi ukubuta nangula ukufita. ³⁷ Lelo koleka ukulabila kobe kube ee, ee nangula awe awe. icili conse icinga cila pali mfi caku bubi. ³⁸ ''Mwe lyumfwile ati calilabilwe ati, ílinso pa linso, na ilino pa lino. ³⁹ Lelo ndelabila kuli we, mwilalwishanyapo na babi, pantu uyo onse uwakupama kwi saya lya kulyo komuleka akupame na kulya ku kuso. ⁴⁰ Umuntu onse uwakutwala kucilye, akofwaya ukukupoka umwingila muleke asende ne ca kufimbana cine, ⁴¹ Umuntu nga koku patikisha ukuya nankwe umulandu umo, koya nankwe imilundu ibili. ⁴² Umo uukofwaya ukulomba kuli we icintu mupele, uukofwaya ukwashima icintu kuli we umutanapo.'' ⁴³ '''Mwalyumfwile ati, calilabilwe, 'mulo kutemwa abenampalamano nokupata abalwanini! ⁴⁴ Lelo inkolabila kuli we, temwa abalwani bobe nokupepelako abakomucusha, Pakweba ati mwingaba abana ba kwa Lesa uwa kwi ulu. ⁴⁵ Pantu eulenga nka akasuba ukusanika pa ba suma ne mfula paba kocita ifiweme bana kocita ifibi bonse. ⁴⁶ Eico nga watemwa aba kutemenwe, cilambu ndo wakupoka? mfi eficita naba kasonkesha. ⁴⁷ Nga muposhabeka aba kwanu, findo mucita ukucila ifita bambi? ⁴⁸ Eico mube abasuma, ngamfilya Lesa shinwe uwa mwiulu aba umusuma.