¹ Ulo Yesu apwishishe ukulabila nga amashiwi, kafuma mu Galilee nokuya ku ciputulwa ca Yuda icaba kwitala yanika ya Yolodani. ² Amabumba aakulu kamukonka ye, kabaposha nkulya. ³ Aba Pharisw baishile kuli ye, kuku mwesha kabalabila kuli ye, ''Bushe calilinga umwalalume ukuleka mukashi wakwe pa cilubo?'' ⁴ Yesu kaasuka no ku labila ati, ''Bushe tamwabelengapo ati uwabapangile ukufuma kumubalo abapangile umwalalume no mwanakashi? ⁵ Uwabapangile na ye kalabila, ''Pali inchi umwalalume akufuma kuli wishi nyina no kuikulika ku mukashi, nabo babili bakuba umubili umo. ⁶ Kanshi tabalipo babili, bali umubili umo. Eco ici Lesa alundikanya, kubapo uwakuputula.'' ⁷ Kabalabila kuli Ye,'' Nindo kanshi Mose aatweebele ukupa mwikalabule wakupwa icupo nokumutamfya?'' ⁸ Kalabila kuli bo, ''Pakukosa kwamitima yenu, Mose kamisumisha ukuleka abakashi benu, nomba ukufuma ku butulo tefyepo cali. ⁹ Nalabila kuli mwe, ngo onse uwaleka umukashi, acitalipo pa bucende ngulya umwanakashi ubalekako acita ubucende.'' ¹⁰ Abasambi kabalabila kuli Yesu, ''Kanshi kati caba mfi palwa mwalalume no mukashi, taciwemepo ukupa.'' ¹¹ Nomba Yesu kalabila kuli bo, ''Te bonsepo bangasumina nji nsoselo, kuntu mbo bocapelwa. ¹² Pantu kwalipo abatangopapo pantu efi ba fyelwe ukufuma munda muli bamanyinabo, nakabili kulipo bamutungwi mbo abantu ngwilwe nabantu, kulikonaba mutungwi, babo abaicitile kusambilisha, ka kacisuminishe.'' ¹³ Nomba utwana utuce kabatuleta kuli ye pakuti anga tubikapo iminwe no ku pepa, nomba abasambi kababa kalipila. ¹⁴ Nomba Yesu kalabila, ''Suminisheni utwana tuce, mutukanyapo ukwisa kuline, pantu ubufumu bwa mwiulu buli kulimba abali mfi.'' ¹⁵ Kabika neminwe yakwe patwana no kufumako nkulya. ¹⁶ Boneni, umuntu kaisa kuli Yesu no kulabila, ''We musambishi cindo iciweme ningacita oakwebati ningaba nobumi ubutashila? ¹⁷ Yesu kalabila kuli ye, ''cindo ukonjipushishia palwa ciweme umo bwaka ewawama, nomba kati ukofwaya ukwingila mubumki, sunga amalamuno.'' ¹⁸ Umuntu kalabila kuli ye, ''Esa amalamuno'' Yesu kalabila, ''Ulokwipayapo, ulo kucita bucende, ulo kwibapo ulokubapo kamboni wabufi, ¹⁹ Ulokupa wiso na noko umucishi no kutemwa umunobe kubati niwe wemwine. ²⁰ Umulumbwana kalabila kuli ye, ''Fyonse imfi fintu ndafikonka. fimbi findo inkofwaya?'' ²¹ Yesu kalabila ye,'' kati ukofwaya ukuba uwakaele, koya, kashitishe imfilya fi wakwata no kufipa ku cushi nawe wakuba no bunonshi mwiulu, elu wise unkonke.'' ²² Nomba ulu ubulumbwana aumfwile ifi Yesu alabile, kaya necikonko, pakuti ali ne fikwatwa ifingi. ²³ Yesu kalabila ku basambi, ''inkomwebesha nati cikosele umuntu umusambashi ukwingila mubufumu bwa kwiulu. ²⁴ Nakabili nalabila kulimwe, cinakile ngamela ukupula pe shiso lya nyeleti ukucila umuntu umusambashi ukwingila mubufumu bwa ku Lesa. ²⁵ Ulo abasambi baumfwile inci, kabashimbwa apakulu nokulabila, ''Mbaninani kanshi uwakupusuka?'' ²⁶ Yesu kalolesha palibo no kulabila, ''kubantu inci cikosele, nomba Lesa ye fyonse finakile.'' ²⁷ Elu Petelo amwasukile nokulabila kuli ye. ''Boneni, tulishile fyonse no kumukonka. Findo nomba twakukwata?'' ²⁸ Yesu kalabila kuli bo,'' inkomwebesha munkulo yabwangu ulo umwana wamuntu akwikala pacipuna cabukata, mwe mwebakonka, namwe mwakwkikala pafipuma ikumi limo nafibili, ukupingula imikowa ikumi na ibili lyakwa Isreali. ²⁹ Onse uwasha amananda, bandume, bankashi, bawishi banina, abana, nangula impaanga pamulandu we Shinailyandi akupokelela imiku umwanda umo ubwingi no kupyana ubumi ubumi butapwa. ³⁰ Nomba abengi abatangile bakuba abakumpelo, naba kumpelo bakuba aba kuntanshi.