¹ Mupepi nailya nshita, Herodi imfumu ya lyumwile ilyashi palwa ku Yesu. ² Alilabile ku basha bakwe, ''Ngu ni Yohane kabatisha; ali bukile ku bafwa. Eico aya maka yakobomba muli ye.'' ³ Herodi kakaka Yohane, kamwikata, kamubika na mu cifungo pa mulandu wa ku Herodias, umukashi wa mukwabo Filipo. ⁴ Elo Yohana alabila kuli ye, ''Lishiku ukubula muka mukwanu.'' ⁵ Alikufwaya ukumwipaya, lelo alikutina abantu, pantu balikumucindika nga kasesema. ⁶ Kabwisa ubushiku bwa ku Herodi ubwaku sansamuka pa bushiku ubo afyalilwepo, umwana nsungu waku Herodias kashana ubwino pakati ka bantu, Herodi katemwa. ⁷ kalaya noku lapa umulapo ku mwana nsunga ukumupela conse ico engalomba peka mpalya. ⁸ Kaya kaipusha banyina balabile, ''inkolomba pa nsani umutwi wa ku Yohane ka batisha.'' ⁹ Kaisakama sana imfu pali nci, pantu yalilaile no kulapa pa bantu abali pa kusefya,kaimupela. ¹⁰ Alitumine ifita mucifungi no kuteta Yohane. ¹¹ Kabaleta ngu umutwi pa nsani, umwana nsungu balimupele nao kapela ba nyina. ¹² Panuma abasambi bakwe balishile, ba lisendele ngu mubili kabashika. ¹³ Nomba Yesu alyumfwile, alikile mu bwato pa ncende iyali pambali yeka. Ilyo bantu baumfwile palwa kwa Yesu, balimukonkele ukumamu misumba. ¹⁴ Yesu alishile kuli bo nokubona ibumba lya bantu ilikulu.Ali ketwe inkumbu pali bo nokubaposha kabaposha abali kulwa. ¹⁵ Ilyo bwailile, abasambi balishile kuli ye no kulabila ati, ''pano ncende ni mumatololo nobushikubwaila ebeni ababntu balokuya, mukwaba ati bakashiteko ifya kulya mu mishi sha mupepi.'' ¹⁶ Lelo Yesu alabila kuli ati, ''Tabafwilepo ukuya. Nimwe mukofwaya efyo bakolya.'' ¹⁷ Balilabilo kuli ye, ''mpano tukwete fye shinkwa isano ne sabi libili.'' ¹⁸ Yesu alabile ati, ''fileteni nkuno.'' ¹⁹ Yesu kaeba ibumba lya bantu ukeikala panshi, kabula shinkwa isani ne sabi libili. Kapunamina kwi ulu, katotela noku mokaula shinkwa kapela naba sambi, naba sambi nabo kabapela ibumba lya bantu. ²⁰ Balilile no kwi kuta kabekuta, Bali bunganike nafyonse ifyashelepo imiseke ikumi na shibili. ²¹ Mbo abalileko bali mupepi no kufika imyanda isano apali abalalume, abanakashi na bana. ²² Kaeba abasambi bwangu bwangu ukwingila mu bwato nokuya ku lubali lumbki, kaeba ne bumba lya bantu ukuya. ²³ Panuma yakweba abantu ukuya, alile ku lupili eka mukupepa. Ali eka paka ubushiku. ²⁴ Ubwato tabwalipo mupepi no mulundu pantu bwali sendelwe na matamba, ica mwela cali kufuma eko baleya. ²⁵ Munshiku shine ubushiku kabamona Yesu akoisa kuli bo akoenda pa menshi pa ci nyika. ²⁶ Ilo bamu bwena akoenda pa menshi pa cinyika aba sambi balitinine no kulabila ati, ''mulungulwa, ''balipundile ku mwenso. ²⁷ Yesu kalabila kuli bo peka palya no kulabila ati, ''koseni! ninebo! mwitina.'' ²⁸ Petro kamwasuka noku labila ati, ''Mwe mfumu kalipileni ica mwela pa menshi.'' ²⁹ Yesu kalabila ati, ''Isa'' eico Petro kafuma mu bwato nokwenda pa menshi ukuya kuli Yesu. ³⁰ Pakubona ica mwela ubukulu, Petro alitinine. ilyo Petro abwene ati akoibila, kalila no kulabila ati, we mfumu mpususha!'' ³¹ Bwangu bwangu Yesu alitambalikile ukuboko kwakwe noku mwikata, no kulabila ku Ye, ''We wa cicetekelo ci findo wacilatwishikila?'' ³² Panuma Yesu na Petro balingile mu bwato, no mwela kautalala. ³³ Aba sambi bali mutotela Yesu no kumupepa no kulabila ati, ''Icine cine uli mwana wa ku Lesa.'' ³⁴ Ilyo bayabwike inyika balile ku ncende ya Gennesareti. ³⁵ ILyo abalalume ku ncende nkulya baisa kwishiba Yesu, balitumine amashiwi konse ku ncende ishi shingulukile, kabaleta bonse abali kulwala. ³⁶ Bali mulombele ukwikata ku nsempe ya mukanjo wakwe, naba likwikatako bali polele.