¹ Pali mbulya bushiku Yesu kafwa mu nanda no kuya kwikala mu mbali cimana. ² Ibumba ilikulu sana kali mushinguluka efi kanina mu bwato no kwikalamo ulo ibomba lyonse lyaiminine mu lulamba. ³ Elo Yesu alabile ifintu ifingi mu milumbe kalabila, ''Boneni, umulimi kaya ilya minse mbuto. ⁴ Nolo ali kuminsa, shimba kashiponena mu mbali yanshila, ne fyonse kafisa nokushilya. Imbuto shimbi kashiponena pa lubwelekese apatalipo mushili uwingi. ⁵ Pantu umushili tawailepo panshi bwangu bwangu kashimena. ⁶ Lelo ulo akasuba kafumine kashifota pantu tashalipo na mishu, nakambi efi shaumine. ⁷ Imbuto shimbi kashiponena umwamenene imyunga. Efi imyunga sha kulile no kushikobenkanya. ⁸ Shimbi mbuto kashiponena pa mushili uuweme no kutwalako ifisabo imbi umwanda umo ubwingi fimbi amakumi mutanda, fimbi nafyo amakumi yatatu. ⁹ Uli na matwi, lekeni omfwe, '' ¹⁰ Abasambi kabesa no kulabila kuli YEsu, ''Nindo ulabilila kwi bumba mu milumbe? ¹¹ Yesu kaasuka kulabila kulibo, ''Mwa lipelwa ishuko lya kwishiba ifya nkana fya bufumu ishuko, lelo kulibo tacapelwapo. ¹² Pantu onse uukwete akipelwa ifingi, kambi akukwate fifulishe, Nomba onse ngo uulakwe tepo, noto akwete twakupokwako kuli ye. ¹³ Ngu e mulandu ndabilila kulibo mu milumbe; Namba ngakati bakobona, tababonapo; na nga kati bakoumfwa, tabomfwapo, nangu kwishiba. ¹⁴ Kulibo ubusesemo bwakwa Esaya kuli fi kilishiwe, ubo ubwalabile. Ulo mukoumfwa mwalikumfwa. Lelo nangu cibe fyo tamwali kwishibapo; Ulo mukobona mwakubona, lelo tamwakelukepo. ¹⁵ Pantu imitima yamba bantu yalya ma, kabili balikosa ukumfwa, kabili balisala na menso yabo pakwe ati bemona na menso yabo, nangu kwishiba ne mitima yabo pa kwebati bangapilibuka na kambi elo nande no kubondapa.' ¹⁶ Lelo amenso yenu yali palwa pantu mulabona; na matwi yenu pantu mulompwa. ¹⁷ Mucine ukolabila kuli mwe ukweba ati bakasesema abengi na balalume abalungami balifwaile ukubona ifintu ifi mukobona ifintu ifi mukoumfwa lelo tabamfyo fwilepo. ¹⁸ Nomba umfweni ku mulumbe wa mulimi uwa byele imbuto. ¹⁹ Ulo uuonse aumfwe cebo ca bufumu nokuti cishibapo umwani aisa noku sompola icabyelwe mu mutima wakwe. li embuto iya ponene mu mbaliya shila. ²⁰ Lya byelwe pa lubwelekese e muntu uumfwe cebo na pekapo acipokelela nensasa, ²¹ Lelo muli ye tamupo mishila naye epakushipikishako ukoso akashita kanini. Ulo amacushi no ku cushiwa fyaima pa mulandu na cebo, pekapo no ku bwelela kunuma. ²² Isha menene umwali imyunga uyu e muntu nufwe cebo, lelo amasakamiko ya mu calo no kucenjekwa kwa fyuma kwa tosha icebo, nakambi kufilwa ukulwala, ²³ Imbuto iya byelwe mu mushili uusuma, e muntu uumfwe icebo no kucinacimbi catwala umwanda umo nacimbi amakumi catwala umwanda umo, nacimbi amakumi mutanda elo na muli cimbi amakumi yatatu ukufula ukucila napaco babyele.'' ²⁴ Yesu kabapela umulume naumbi. kaeba, ''Ubufumu bwa mwiulu bwapala kubati muntu uwa byele imbuto iisuma mucibela cakwe. ²⁵ Lelo ulo abantu balele umulwani kaisa elo naye abyalamo ulunsekwe mu ngane nokuya kaya. ²⁶ Nomba ulo imbuto shamenene no kutampo kutwala ifilyo, ulunsekwe nalo kalumena. ²⁷ Abasha ba mwine wa cibela kabesa no kulabila kuli ye shikulu, talipo ni mbutoishiweme mwa byele mucibela cenu? Mba nomba nindo mwasangilwa ulunsekwe? ²⁸ ''Kalabila kulibo umulwani eucitile fi.' ''Abasha kabalabila kuli ye napo mukofwaya tuye tukafinukaulemo? ²⁹ ''Umwine wacibela kalabila, ''Tekwesha. Pantu pakunukaula ulusekwe, munganukawila kumo ne ngano. ³⁰ Mushileke shonse shikakulile pamo mpaka napa kusepa. Pa shita yakusepa na kulabila kubaseni mu balilepo ukufumya ulunsekwe no kulukaka mumipo pa kwebati mukayoce, lelo ingano mukutulile ku butala.'' ³¹ Elo Yesu abapele naumbi umulumbe. Kaeba, ''Ubufumu bwa mwiulu bwapala uluseka lwa ku cibanga nkonde ulo umuntu abula no kubyala mu cibela cakwe. ³² Icakacine enseke iya capeshapo panseke shonse, Lelo ilyo yakula, ilakulisha ukucila pa mbuto sha mwibala ilesa mu kube citi, icakwebati ifyuni fya mulwelele filesa no kupanya ifinsa ku nsapo yaciko.'' ³³ Yesu na kambi kabeba naumbi umulumbe. ''Ubufumu bwa mwiulu buli kubati fya kutumwina ifi umwanakashi abula no ku kuminkanya ne tipimino fitatu ifya bunga mpaka efi umufuba onse waima.'' ³⁴ Fyonse mfi fintu Yesu alabila mu milumbe ku mabumba na kambi tapapo nangu fimo ifi atalabilipo kulibo mu mi limbe. ³⁵ Ifi fyalingene nokwebati ifya labilwe ukupitila muli bakasesema fifikilishiwe, ulo alabile, ''Nakwisula akanwa kandi mu milumbe. Nakulabila ifintu ifya fishilwe ukufuma lukoso apo icalo catatika. ³⁶ Elo Yesu ashile ama bumba no kwingila mu nanda. Abasambi bakwe babesa kuli ye no kulabila. ''Tushimbulwileni umuliumbe wa lunsekwe lwa mu cibela.'' ³⁷ Na Yesu pakwasuka kaeba, ''Ngo uubyala imbuto ishiweme mwana wa muntu. ³⁸ Icibela e calo; ne mbuto ishiweme, mba ebana ba mu bufumu. Ulunsekwe ebana ba mubifi. ³⁹ No mulwani uwafibwele e shonongo ukusepa e kupwa kwa calo, elo bakasepa ni ba malaika. ⁴⁰ Kanshi nfilya ifyo ulunsekwe lubunganishiwa no kupya ku mulilo, mfyo efi cakuba na pa kupwa kwa calo. ⁴¹ Umwana wa muntu akutuma ba malaika bakwe, elo bakubunganya ukufumya mu bufumu bwa kwe fyonse ifintu ifilenga ukubembuka nabo bonse abacite fibipile. ⁴² Bakubaposa mwicimbilimbili ca mulilo, uko ukwa kubo kulila no kusumanya ameno. ⁴³ Elo abantu abacite filungeme bakusanika kubati kasuba mu kufumu bwakwa wishibo uuli na matwi kaumfwe. ⁴⁴ ''Ubufumu bwa mwiulu buli kubati cuma ici bafisa mu cibela. umuntu kacisanga no kucifisa. Efi aile ili asekelela, kashitisha fyonse ifi akwete no kushita ncilya cibela. ⁴⁵ Nakambi ubufumu bwa mwiulu bwa pala umuntu uwa makwebo uukofwaya ba nagariti abaweme. ⁴⁶ Ulo asangana magariti umo uuweme, kaya kashitisha fyonse ifyo akwete no kwishita, ⁴⁷ ''Nakumbi ubufumu bwa mwiulu buli kubati lisumbu ili baposele pa cinika, no kwikata isabi lya wisango yonse. ⁴⁸ Ili lyaiswile, balolwe kubalikwila ku mulundu. Efi baikile panshi epa kulonganikila ili weme mu fipe, nomba ili tamemepo kabaliposa. ⁴⁹ Efi cakuba napa kupwa kwa calo, Ba malaika ba kwisa no ku patulula ababi ukufuma ku balungame. ⁵⁰ Bakubaposa mu cimbimbili ca mulilo, uko ukwakubo kulila noku sumanya ameno. ⁵¹ ''Bushe Mwafyufwikisha fi fintu?'' Abasambi kabalabila kuli ne ina.'' ⁵² Elo Yesu alabile kulibo, ''Eico kalemba uuli onse uwa aluka umusambi ku kufumu bwa mwiulu ali kubati muntu uli emwine wa nanda, uufumya ifya kale ne fya bwangu mu butala bwakwe.'' ⁵³ Elo caishile mu kwebati ulo Yesu apwishishe imilumbe yonse ngi, kafuma nakuli njilwa cende. ⁵⁴ Elo Yesu aingile mu cende wa kwabo noku sambilisha abantu mu ma sinagogi yabo. ifya tumbukilemo fya kwebati balipapile epa kweba, ''Nipi uko uyu muntu afumishe aya mano akwete elo naya maka ya fisungusho afumishe pi? ⁵⁵ Napo uyu muntu tengulyapo umwana wakwa kapala wa mapulanga? Bushe nyina tengu lyapo uwitwa ati Malia? Napo bawakwe tabalipo ni Njemushi, Yosefe, Simoni, na Yuda? ⁵⁶ Banakashi shakwe bonse bushe tatupo nabo? mboko afumishe ifi fintu fyonse nipi?'' ⁵⁷ Kaba kulibo icakuipununako, lelo Yesu kalabila kulibo, ''Kasesema tekuti abulwepo umucinshi sombi lukoso mu calo cakwabo kambi na mu lupwa lwakwe.'' ⁵⁸ Tacitilepo ifipeshamano ifingi nkulya pa mulandu naku tasuminapo kwabo.