Icipandwa 67
1
Kumukalamba waba kemba; pafilimba fya nsale. Ilumbo, Ulwimbo. Lesa utubelele uluse nokutupala kabili nokulenga icinso cakwe cibengeshime palifwe Selah
2
epakuti inshila shobe shingeshibikwa pa calo, ne pusukilo lyobe kumishobo yonse.
3
Leka abantu bonse bakulumbanye, Lesa, leka bonse abantu balekulumbanya.
4
Iye, leka imishobo isangalale no kwimba ne nsansa, pantu ukapingula abantu no mulinganya nokuba cilolo wa nko pa calo. Selah
5
leka abantu bakulumbanye, Lesa, leka bonse abanu bakulumbanye.
6
Ne calo necimesha ubusomboshi bwaciko na Lesa, Lesa wesu, natupaala,.
7
Lesa natupala, kabili nempela yacalo cilamupela ubucindami.