Icipandwa 23
1
Ulwimbo lwakwa Davidi. Yawe ekacema wandi, nshakakabile akantu nelyo kamo.
2
Anenga ukutusha munika shamulemfwe; antungulula ku menshi ayalengama.
3
Alambwesha ubumi, alantungulula mu nshila ishalungama pamulandu we shina lyakwe.
4
Nangu naenda nokupita mumukonko uwafitisha, nshakatine cintu pantu uli naine; inkonto yobe no mutambu obe filanteeka umutima.
5
Ulanteyanishisha itebulo pa menso yabalwani bandi, walinsuba na mafuta kumutwe wandi; ne cikombe candi cilapaluluka ku kwisula.
6
Cine cine ubusuma ne cipangano cacishinka fyakulankonka inshiku shonse isha bumi bwandi; kabili nkekala mu nganda yakwa Yawe mukutantalila kwa nshiku shandi!