Icipandwa 18
Kuli mushika mukalamba ilumbo lyakwa Davidi, umubomfi wakwa Yawe, ilyo aimbile kuli Yawe amashiwi ya ulu` lwimbo pa bushiku ubo Yawe mupokolwele ukufuma mu minwe ya balwani bakwe bonse no kufuma mu minwe ya kwa shauli. Alimbile ati:
1
Ine nalikutemwa, Yawe, we maka yandi.
2
Yawe e cilibwe candi, e mwakufisama mwandi, e umo uyo u ndeta ine mu bucingo; ena e Lesa wandi, icilibwe candi; Ine nguba muli ena. Ena enkwela yandi, u lusengo lwe pusukilo lwandi, kabili e bukose bwandi.
3
Ine nakutaita pali Yawe uyo e walinga ukulumbanya, kabili nkapusushiwa ku balwani bandi.
4
Imyando ya mfuwa yali nshungulwike, no mukuku wa menshi ayawelewele yali ntinishe.
5
Imyando ya ku mbo yali nshungulwike; ne fiteyo fya mfwa fyalimpombele.
6
Mu kucucutika kwandi naitile kuli Yawe, Naitile ku bwafwilisho kuli Lesa wandi. Alyumfwile kwi shiwi lyandi ukufuma kwi tempele lyakwe, u kwita kwandi ku bwa fwilisho kwaile emo ali; kwaile mu matwi yakwe.
7
Elyo ne sonde lya lisunkene no kutuma; ne mifola sha mpili nasho shali tutwime kabili shali tenkana pantu Lesa alifulilwe.
8
Icushu calile ku mulu ukufuma mu myona yakwe, kabili no lubingu lwa mulilo lwafumine mu kanwa kakwe. Amalasha ya lyambukilwe nayo.
9
Aliswile i myulu no kwisa panshi, ne mfinshi iya tikama yali panshi ya kasa yakwe.
10
Aishile nanina pali kerubi kabili alipupwike, ali pupwike pa mapindo ya cipupu ca mwela.
11
Alengele imfinshi ye Hema ukumushunguluka, mwali amakumbi ya mfula aya kalamba mu mulu.
12
Imfula ya mabwe na malasha ya mulilo yalipoonene ukufuma mu kubyasha kwa nkuba pacinso cakwe.
13
Yawe abulukutile mu myulu! shiwi lya wa Pulamo sana lya libilikishe.
14
Alilashile imifwi yakwe na balwani bakwe pasangene; ukubyasha ukwingi kwali basalangenye.
15
Elyo imilonga ya menshi yali monekele; ne mifola ye sonde yaliletelwe pa bwelu pa ku kalipila kwenu, Yawe, pa kupulika kwa mupu wa mu myona yenu.
16
Alifikile panshi ukufuma mu mulu; ali njikete nokumbula! Alindonsele kunse ya menshi ayengi.
17
Alimpuswishe ku balwani bandi abakosa, kuli abo aba mpatile ine, pantu bali abakosa sana pali ine.
18
Balishile mu kulwisha ine pa bushiku bwandi ubwa kucucutika lelo Yawe e walentungilila!
19
Ali ndekele uwa kaele mu ncende iya pabuka; ali mpuswishe pantu abekelwe muli ine.
20
Yawe alindabula ine pamulandu wa bulungami bwandi; ali mbwesha pantu iminwe yandi yali ubusaka.
21
Pantu ine nalisungile inshila shakwa Yawe kabili nshacitapo ifya bubifi nokumpilibula ukufuma kuli Lesa wandi.
22
Pantu ubupingushi bwa bulungami bwakwe bonse bwaba pali ine; nga pa fipope fyakwe, ine nsha
23
Kabili ndi uwa kaele pacinso cakwe, kabili ine nalisungile ukufuma ku menbu.
24
Eico Yawe alimbweseshe pamulandu wa bulungami bwandi, pantu iminwe yandi yali ubusaka pacinso ca menso yakwe.
25
Kuli umo uyo uwa cishinka, iwe uilanga we mwine ukuba uwa cishinka; ku muntu uyo uwa kaele, wilanga we mwine ukuba uwabulaa kalema.
26
Kuli umo uyo u wapwililika, uiilanga we mwine ukuba uwa pwililika, lelo kuli uyo incenjeshi, uilanga we mwine ukuba incenjeshi.
27
Pantu iwe upususha abantu abacushiwa, lelo iwe uleta panshi abo na matutumuko, abemwina amenso mumulu.
28
Pantu iwe upela ulubuto ku nyali yandi; Yawe Lesa wandi unsanikila imfinshi yanndi.
29
Pantu muli iwe kuli ine nabutuka ukucila ifipondo; muli Lesa wandi kuli ine naciluka ici bumba.
30
Pantu kuli Lesa -inshila yakwe yali pwililika! Icebo cakwa Yawe calilopolwa! Ninkwela kuli bonse abooba muli ena.
31
Pantu ninani Lesa kanofye Yawe? Ninani ici libwe kanofye Lesa wesu?
32
Ni Lesa uyo ubika a maka pali ine kwati mushipi, uyo u sesesha umuntu wa kaele munshila yakwe.
33
Alenga amakasa yandi aya butukisha kwati ni nsebula no kunsesesha mu ncende apa lepesha!
34
Asambilisha iminwe yandi ku bulwi na maboko yandi ku ubuta bwa mukuba.
35
Iwe naumpela inkwela ye pusukilo lyobe. ukuboko kobe ukwa ku kulyo kulankoselesha kabili uku icefya kobe kwalinenga ukukula.
36
Iwe wa lilenga incende iya pabuka panshi ya makasa yandi icakutila amakasa yandi tayatele mwike.
37
Nalibakonkele abalwani bandi kabili nalibekete; Ine nsha pilibukile kunuma mpakafye ilyo baonawilwe.
38
Ine nalibashonawile ica kuti tabakwete amaka; bonse nabalala panshi ya makasa yandi.
39
Pantu walimpangeshe amaka yakulwilako, walengile abalwani bandi ukukuwa pa nkasa shandi.
`
40
Walimpele inuma ya mikoshi ya bandi; nalyonauile abo aba abampatile.
41
Bali pundile mutule, lelo takwali nangu umo uwakubapususha; bali bilikishe kuli Yawe, lelo ena tabasukile. Nali bashonawile mu tupimfya kwati luukungu uluululwa ku mwela,
42
Nali baposele kunse kwati matipa mu musebo.
43
Walimpuswishe ukufuma ku fyongo fya bantu; wa lindenga umutwe pa nko; abantu abo ine nshaishibe balampyungila.
44
Lilya line fye baumfwile pali ine; abena fyalo baba patikishe ukufukamina ine.
45
Abena fyalo balishile baletutuma ukufuma mu malinga yabo aya kosa.
46
Yawe wa mweo; ilibwe lyandi libe libe ilya lilumbaniwe. Lesa we pusukilo lyandi abe u wa sumbulwa.
47
Ni Lesa uyo unchitilako icilandushi, uyo anyatilila inko panshi yandi.
48
Ine ndi uwa kaele ku balwani bandi icine, iwe wa linjimishe pamulu wa balenjimina! lwe wa limpuswishe ku muntu uwa bunkalwe.
49
Eico ine nakulapela amatotelo kuli iwe, Yawe, pa nko; ine na kulaimba amalumbo kwi shina lyobe!
50
Lesa alapela ukucinfya ukukalamba ku mfumu yakwe, kabili alalangilila icipangano cakwe ku banakila abasubwa bakwe, kuli Davidi na kuba mulupwa lwakwe umuyayaya.