Icipandwa 129
1
Ulwimbo lwakunina.
''Ukufumafye kubulumendo bwandi aba bantu tepakuncusha nganshi.'' Aleni, asuka iwe we Isreali utile,
2
''Ukufumafye ku bulumendo bwandi aba bantu tepakuncusha, lelo ukuncimfya kwena balifilwa!
3
Bashibulimi balisantaula inuma yandi kwati mikolwa iyitali mwibala ililelimwa.''
4
Lelo Yahweh mulungami icine cine ena alindubulako ku myando ya bubifi bwabo.
5
Uleke bonse abapata Sioni balengwe insoni, babwelemo kunuma.
6
Uleke babe nge cani pa mutenge iciyuminafye ilyo cishilakula.
7
Icani ico kaseepa teti acibuule mu minwe yakwe, nangu ukukakamo umwanshi nakalya.
8
Uleke abalepitapo besosa nokuti, ''Ipaalo lyakwa Yahweh libe nemwe, ifwe twamupaala mwishina lyakwa Yahweh.''