Icipandwa 125
Ulwimbo lwa kunina.
1
Abo abatetekela muli Yawe baba kwati lupili lwa Sioni, ulushisunkaishiwa, ulwaikalilila umuyayaya.
2
Ifyo impili shashinguuka Yerusulamu efyo Yawe ashinguluka abantu bakwe nomba elyo no muyayaya.
3
Inkonto ya bubifi taifwile ukuteka icalo ca bulangami. Nga caba ifyo abalungama kuti balacita ifyabipa.
4
Citeni icisuma mwe Yawe, kuli abo ababa abasuma na kuli abo abalungama mu mitima yabo.
5
Lelo Kuli abo abafutantukuka ukuya ku nshila shabo sha bubifi, bena Yawe akabakandila pamo na bacita ifyabipa. Umutende ube pali Israeli.