Icipandwa 120
1
Ulwimbo lwa kunina. Nkuta kuli Yawe mumacushi yandi, Nao alanjasuka.
2
Pususheni umweo wandi, mwe Yawe, kuli abo ababepa ne milomo yabo abafutika ne ndimi shabo.
3
Bushe akamicita shani imwe, elyo kabili akacita shani imwe, mwe balulimi lwa bucenjeshi?
4
Akamikanda imwe kubuta bwa mushilika ulwatwa ukucila ululepya ku mulilo wa mafito.
5
Nalishama ine pa kwikala mu Mesheki, kunuma naleikala mu matenti ya ku Kedar.
6
Pantu ni panshita iitali iyo naikele nabapata umutende.
7
Ine ndi muntu wa mutende, lelo ilyo ine nasosa bafwaya ukwimya ubulwi.