¹ Eico, mwebamunyinane abatemwikwa abo mfuluka, mwekusekelela kwandi ne cilongwe, muli ii nshila iiminine ndi muli shikulu, mwefibusa fyatemwikwa. ² Ndepapata na Youdia, ndepapata na Suntuko beni amatontokanyo yamo yene muli Shikulu. ³ Ee, nakwipusha iwe, weo naampana nankwe, uwacishinka kukwafwa abo banamayo ababombele pamo naine mukusabankanya imbila nsuma, pamofye na Klemente nabonse abashala ababomfi banandi, abo amashina yabo yali mwibuku lya mweo. ⁴ Sekeleni pe muli shikulu, Nakabili ndetila sekeleleni. ⁵ Lekeni ukunakila kwenu kwishibwe ku bantu bonse ukuti shikulu ali mupepi. ⁶ Mwiba abasakamikwa kucintu nelyo cimo, lelo mufintu fyonse mwipepo namukupapata elyo no kutotela, lekeni ifyakulomba fyenu fishibikwe kuli Lesa, ⁷ no mutende wakwa Lesa, uwapulamo mukwiluka konse, wakulalinda imitima yenu na matontonkanyo yenu muli Kristu Yesu. ⁸ Mukulekelesha, bamunyina, ifintu fyonse ifya ciine, ifintu fyonse ifyacindama ifintu fyonse ifyalungama, nefintu fyonse ifyapwililika ngakuli ifintu fya temwikwa ifya lyashi lisuma ngakuli ifyawamisha, ngakuli ifili fyonse ifya kulumbwa, tontokanyeni pali ifi fintu. ⁹ Ifintu mwasambilile nokupokelela nokumfwa no kumona kuli ine, citeni ifi fintu, na Lesa wamutende akalaba naimwe. ¹⁰ Ndasekelela apakalamba muli shikulu pantu nomba na mubwesha ukusakamana kuli ine. Imwe mwalisakamene icine pali ine napakubala, lelo tamwakwatefye inshita imwe iyakwafwilapo. ¹¹ Nshile sosela ifi pamulandu ndi mukukabila. Pantu nalisambilila ukuba uwakwanisha mufintu ifili fyonse. ¹² Nalishiba ukuba umupina, nalishiba nakabili ifyo caba ukukwatisha. Munshila yonse namufintu fyonse nalisambilila inkama ifyakuba uwaikushiwa nangu kuba nensala, nalishiba nokwata ifingi nangu ukuba mukukabila. ¹³ Kuti nacita ifintu fyonse muli uyo unkoselesha. ¹⁴ Lelo kwena, mwalicitile cisuma ukwakana naine mumafya nalimo. ¹⁵ Mwe bena Filipi mwalishiba ukuti mukutendeka kwa mbila nsuma, ilyo nafumine ku Mekedonia, takwali ulukuta ulwatungilile ine ukulola mukupela no kupokelela kanofye imwe mweka. ¹⁶ Nelyo nali mu Tesalonika, mwalitumine ubwafwilisho mufya kukabila ukucila pamuku umo. ¹⁷ Tepakuti ndefwaisha icabupe. Lelo, mfwaisha icisabo ica kufusha ukuti filemusandukilako. ¹⁸ Nalipokelela ifi fyonse mubwingi kabili no kucilamo. Nomba ninkwata ifingi ifyo napokelele ukufuma kuli Epafroditi ifintu mwantumine, Ifintu fyalowa-kabili ifyanunkila icena cisuma, ilambo lya suminishiwa kabili ilya kusekesha Lesa. ¹⁹ Na Lesa wandi akakumanye ifyakukabila fyenu ukulingana nobukankala bwakwe mubukata muli Kristu Yesu. ²⁰ Nomba kuli Lesa wesu na tata kube ubukata umuyayaya. Ameni. ²¹ Posha bonse abashila abantu bakwa Lesa muli Kristu Yesu. Bamunyina abali naine bamiposha. ²² Bonse abantu bamushilo bakwa Lesa abali kuno bamiposha, maka maka abo aba mung'anda yakwa Kaisare. ²³ Ukusenaminwa kwakwa shikulu Yesu Kristu kube no mupashi obe.