¹ Nga pali ukukoselesha muli Kristu, nga pali ukutalalikwa ukulepelwa mukutemwa, nga pali isenge ilili lyonse mumupashi, nga pali uluse ne nkumbu, ² ninshi lengeni insansa shandi ukupwililika mukuba ne tontonkanya limo line, ukukwata ukutemwa kumo kwine, ukwikatana mumupashi nokukwata ubuyo bumo. ³ Mwicita icili conse muli bukaitemwe nangu mucitutumushi cafye. Mucilingile no kuicefya mutunge abanenu ukuba abacila imwe. ⁴ Lekeni cila umo muli imwe eloleshafye mu bukumu bwakwe, lelo na mubukumu bwa bambi. ⁵ Ukukwata ilitontokanyo muli imwe ilyo ilyali muli Kristu Yesu, ⁶ uyo nangula ali mu mubelo wabu Lesa, tacitontonkenye ukulingana kwakwe na Lesa nge cimo icakwikatililako. ⁷ Mucilingile, aisangwile uwafye mukusenda umubelo wa mubomfi, kabili afyelwe mucimpasho cabantu. ⁸ Aliicefeshe kabili ali belele ukufikafye nakumfwa, nemfwa iya pamusalaba ⁹ Eico Lesa nao alimusumbula apakalamba. Alimupela ishina ilya cila amashina yonse. ¹¹ Acitile ifi pakuti mwishina lyakwa Yesu ikufi lyonse lifwile lyafukama, amakufi aya abo mu mulu nabo pe sonde elo nabo panshi yesonde. ¹⁰ Acitile ifi pakuti ululimi lonse lwinga sosa ukuti Yesu Kristu ni shikulu kubukata bwakwa Lesa Tata. ¹² Eico kanshi, mwebatemwikwa bandi, ilyo lyonse mulebeela, teulo ndipofye lelo nomba maka maka ulo nshilipo, bombeleni ipusukilo lyenu no mwenso nokututuma. ¹³ Pantu ni Lesa uulebomba muli imwe bonse mukufwaya na mukubomba mu kubekwa kwakwe. ¹⁴ Citeni ifintu fyonse ukwabula ukuilishanya nangu ukutalika. ¹⁵ Pakuti mwingaba abakaele nabasanguluka, abana bakwa Lesa ababula akalema pakati ka nkulo iyapondama kabili iya puluuka, umo mulebengeshima ngo lubuto mu calo. ¹⁶ Ikatilileni ku cebo cabumi pakuti pa bushiu bwakwa Kristu ningaitakisha ukuti nshabutwike apafye nangu ukubomba apafye. ¹⁷ Lelo nangu fye Ndepongololwa no mutulo pe lambo no kupyunga kwa citetekelo cenu, ndi uwasekelela no kusangalala naimwe bonse. ¹⁸ Mumusango umo wine naimwe mufwile ukusekelela no kusangalala naine ¹⁹ Lelo nsubila muli shikulu Yesu ukutuma Timote kuli imwe mukwangufyanya, pakuti ningaba uwakoseleshiwa ulo naishiba ifintu pali imwe. ²⁰ Pantu nshakwata nangu umo nga ena, uwo mucine aliba uwasakamana pali imwe. ²¹ Pantu bonse bafwaya ubukumu bwabo, tefintu fyakwa Yesu Kristu. ²² Lelo mwalishiba ukulingna kwakwe, pantu ngomwana na wishi, efyo apyungile naine mu mbila nsuma. ²³ Eico be subila ukumutuma mukwangufyanya ilyo fye namona ifyo ifintu fikenda naine. ²⁴ Lelo ndi uwashininkisha muli shikulu ukuti ine nemwine nkesa nomba line. ²⁵ Lelo ndetontonkanya ukuti naciyana ukutuma Epafroditi ukubwela kuli imwe. Ni muninane kabili mubomfi munandi elo no mushilika munandi, kabili kabilo wenu no mubomfi mufyakukabila fyandi. ²⁶ Pantu ali uwasakamikwa, kabili alefwaisha ukuba naimwe bonse, pantu mwalyumfwile ukuti na lwala. ²⁷ Pantu mucine alilwele sana ukuti afwaile nokufwa. Lelo Lesa amukwatile ulue, kabili te enafye eka, lelo naine wine, pakuti nshi kwete ubulanda pa bulanda. ²⁸ Eico nde angufyanisha ukuti mutume, pakuti nga mwamumona nakabili mwingasekelela, kabili ubulanda bwandi bukacepa . ²⁹ Mumupokelele Epafroditi, muli shikulu ne nsansa sonse. Mulecindika abantu nga ena. ³⁰ Pantu ni pamulandu wakwa Kristu eko afikile mupepi ne mfwa. Abikile ubumi bwakwe mubusanso mukupyungila ine no kwisusha pafya tamwacitile mukupyunga kuli ine.