¹ Ilyo yesu amwene amabumba, aninine palupili. Ulo aikeleko panshi, abasambi baishile kuli ena. ² Aiswile akanwa kakwe no kubasambilisha, ukutila, ³ ''Balipalwa ababusu mu mupashi, pantu ubufumu bwa mumulu bwabo. ⁴ Balipalwa abo abalosha, pantu bakatalalikwa. ⁵ Balipalwa abaicefya, pantu bakapyana isonde. ⁶ Balipalwa abo abakwata insala ne cilaka pa bulungami, pantu bakesushiwa. ⁷ Balipalwa abaluse pantu bakapokelela uluse. ⁸ Balipalwa abapwililika mu mitima, pantu bakamona Lesa. ^{9 10} Balipalwa abalenga umutende, pantu baketwa abana abaume bakwa lesa. ¹⁰ Balipalwa abo abapakaswa pamulandu wabulungami, pantu ubufumu bwa mumulu bwabo. ¹¹ ''Mwalipalwa imwe ilyo abantu bamikonka no kumipakasa nokusosa ifintu fyonse ifyalekanalekana ifyabufi pa mulandu waine. ¹² Sangalaleni no kwanga, pantu icilambu cenu cikalamba kumulu. Pantu muli inshila abantu balipakese bakasesema abaliko ilyo taulabako. ¹³ ''Muli mucele we sonde. Lelo umucele nga walusa ukufwika kwauko, kuti walengwa shani bumucele nakabili tawakayane nakabili kucili conse kanofye ukuposwa kunse no kunyantwapo namakasa ya bantu. ¹⁴ Muli Lubuto lwa calo. Umusumba uwabikwa palupili teti ufiswe. ¹⁵ Abantu tabasaniak inyali nokubika panshi yamuseke, lelo babika pamulu ya nyali, kabili ilasanikila onse uuli mung'anda. ¹⁶ Lekeni Ulubuto lwenu lusanike pa bantu munshila yakuti benga mona ificititwa ftyenu ifisima ni kupela ubukata kuli shinwe uwaba kumulu. ¹⁷ "Mwitontokanya ukutila naisa mukonaula amalango nangula ba kasesema. Nshaisa mukonaula, lelo mukufikilisha. ¹⁸ Pantu mucine ndetila kuli imwe ukuti, mpakafye umulu ne sonde fikapite, takuli akalitoni kamo nangu akasengo akakapita munshila iili yonse ukufuma mumalango mpakafye fintu fyonse fyafikilishiwa. ¹⁹ Eico onse uwatobamo limo ilya cepesha pali aya mafunde no kusambilisha bambi ukucita ico aketwa uwacepesha mubufumu bwa mumuli. Lelo onse uusunga noku yasambilisha aketwa umukalamba mubufumu bwa mumulu. ²⁰ Pantu natila kuli imwe ukuti kanofye ubulungami bwenu bwacila ubulungami bwa bakalemba na ba Falise, tamwakengile mu bufumu bwamumulu munshila iili yonse. ²¹ "Mwalyumfwa ukuti calisoselwe kuli bena munshita shakaled, wilaipaya, kabili, onse uwaipaya akaba muukayofi ku bupingushi. ²² Lelo natila kuli iimwe ukuti onse uwa pililwa munina akaba mukayofi ku buingushi; na onse uwatila kuli munian iwe we cinangwa camuntu!' akaba mukayofi kacilye; kabili onse uwatila, 'we cipumbu we!' Akaba mukayofi ka mulilo wa kumbo. ²³ Eico nga ulepela icabupe pacipailo elyo palya waibukisha ukutila munonko nakwata icintu naiwe, ²⁴ Sha icabupe cobe pantanshi ya cipailo, no kuya mu nshila yobe, Icantanshi wikishanyeni na munonko kabili elo ubwelele no kupela icabupe cobe. ²⁵ Suminishanyeni no mulwani mukwangufyanya ulo muli nao munshila yakuya ku cilye, pantu umulwani obe kuti akupela kuli bakapingula, na bakapingula kuti bakupela ku mushilika, kabili kuti waposwa mucifungo. ²⁶ Mucine natila kuli iwe, tawakafumemo mulya mpakafye walipila na indala yakulekelesha pafyo wakongola. ²⁷ "Mwalyumfwa casoselwe ukuti, 'wilacita bucende.' ²⁸ Lelo natila kuli imwe ukuti onse uwa lolesha pa mwanakashi kuku mukumbwa ninshi nacita kale ubucende nao mu mutima wakwe. ²⁹ Ilinso lyobe ilya kukulyo nga lile kupunwisha lilobolemo nokuliposa. Pantu cakuwaminapo ukuti icilundwa cobe cimo caonaika ukucila umubili obe onse ukuposwa kumbo. ³⁰ Nga cakuti ukuboko kobe ukwa kukulyo kule kupunwisha kuputuleko nokukuposa, pantu cawamapo icilundwa cobe cimo ukonaika ukucila umubili obe onse wingaya kumbo. ³¹ Calisoselwe nakabili, 'onse uwatamfya umukashi, lekeni amupele icitupa cakulekana.' ³² Lelo ndetila kuli imwe uyo onse uwaleka umukashi kanofye pa mulandu wabucende, bwa mulenga ukuba umwankashi umucende. Onse uwamupa panuma bamuleka acita ubucende. ³³ Nakabili, mwalyumfwa ukuti cali soselwe kuli abo munshita shakale, 'wilalapa umulapo wabufi, lelo panga umulapo obe kuli shikulu.' ³⁴ Lelo nasosa kuli imwe, mwila esha ukulapa nangula ukupitila mu myulu, pantu cipuna cakwa Lesa; ³⁵ Nangu ukupitila mwi sonde, pantu pakunyanta amakasa yakwe; nangu kupitila muli Yelusalemu, patu musumba wa mfumu iikalamba. ³⁶ Cibe kulapa pa mutwe obe, pantu teti ulenge umushishi umo ukubuta nangu ukufita. ³⁷ Lelo lekeni ukulanda kwenu kube, 'Eee, eee,' Nangula 'Awe awe.' Ifili fyonse ukucila pali ifi fyakufuma kumubifi. ³⁸ "Mwalyumfwa calisoselwe ukuti, 'iliso pe linso ne lino pelino.' ³⁹ Lelo natila kuli imwe, mwikana uo umu bifi. Icilingile onse uwakuma kwisaya lya kukulyo, mupili bukile nakulu biye. ⁴⁰ Nga uuli onse alefwaya ukulubulula naiwe nokusenda umwingila obe, leka uyo muntu asende ne laya lyobe. ⁴¹ Onse uwakupatikisha ukwenda nao umulundu umo, endeni nankwe ibili. ⁴² Pela kuli onse uwa kulomba, kabili mwi aluka kuli onse uulefwaya ukwashima kuli imwe. ⁴³ "Mwalyumfwa calisoswa ukuti, 'ufwile watemwa umwina mupalamano no kupata umulwani obe.' ⁴⁴ Lelo natila kuli imwe, temweni abalwai benu kabili pepelini abo bonse abamipakasa. Pepelini abo bonse abamipakasa, ⁴⁵ Pakuti mwingaba abana baume bakwa shinwe uwaba mumulu. Pantu alalenga akasuba kakwe ukubalika pababi na basuma, no kutuma imfula pa balungami. ⁴⁶ Pantu nga watemwa abo abakutemwa cilambu nshi ulesenda? Bushe tefyo naba kasonkesha wa misonko bacita fimo fine? ⁴⁷ Nga waposhafye bamunonko, nishi wacita ukucila bambi? Bushe na bena fyalo taba cita fimo fine ⁴⁸ Eico mufwile ukuba abapwililika, Ngefyo shinwe wa mumulu apwililika.