¹ Aba Falise naba Saduki balishile noku mwesha paku mwipusha ati abalange icishibio ukufuma mu lwelele. ² Lelo ali asuka nokutila kuli bene, "Ilyo caba icungulo, mutila kulebafye bwino, pantu mu lwelele na mukashika. ³ Ngacaba ulucelo, mutila, 'takwabe bwino pantu mu lwelele namukashika elyo kuli na makumbi mwalishiba ifyakwilula ifyo mulwelele mulemoneka lelo teti mwilule ifi shibilo fya nshita. ⁴ Mwenkulo yababi naba bacende mufwaya icishibilo, lelo tapali icishibilo icikapelwa kuli imwe kanofye icishibilo cakwa Yona." Elyo Yesu aisa basha nokuya aya. ⁵ Elyo abasambi bafikile kwi shilya balilabile ukusenda umukate. ⁶ Yesu atile kuli bene, Poseniko amano elyo kabili cenjeleni ku ntungulushi yaba Falise naba Saduki." ⁷ Abasambi baliisa lanshanya umo babelele no kutila, "nico tatwacisenda umukate." ⁸ Yesu alishibe pali ici elyo atile, "imwe mweba citetekelo icinono, ninshi mule lanshanya umo mubelele no kutila nico tamusendele umukate? . ⁹ Teti mwiluke nokwibukisha ilya mikate isano iya makana yasano, Elyo ne miseke mwalongenye? ¹⁰ Nangu ilya mikate cine lubali iya makana yane, elyo ne miseke mwasendelepo? ¹¹ Bushe mwafilwa shani ukumfwa ati, nshalelanda kuli imwe pa iwa mukate? Poseniko amano elyo kabili cenjeleni ku citutumushi caba Falise naba Saduki." ¹² Elyo nomba baishile iluka ukutila talebeba ati bacenjele ku ntutumushi yali mumukate, lelo ku cenjela kufya aba Falise naba Saduki bale sambilisha ¹³ Nomba ilyo Yesu aishile ku ncende iyali mupepi naku Kaesari Philipo aipwishe abasambi bakwe ati, "Bushe abantu batila umwana wa muntu ninani?" ¹⁴ Batile, "Bambi balanda ati Yoani kabatisha; bambi Eliya; Kabili bambi Yelemiya nangu umo uwamuli ba kasesema." ¹⁵ Atile kuli bene, Nomba imwe mutila nine ani?" ¹⁶ Mukwasuka Simoni Petelo atile, "Niwe Kristu, umwana wakwa Lesa uwamweo. ¹⁷ Yesu aliasuka nokutila kuli wene, "Walipalwaa iwe, Simoni mwana Yona pantu umubili no mulopa tefisokolwele ic kuli iwe, lelo ni Tata wandi uuli ku mulu. ¹⁸ Elyo Kabili natile kuli iwe nati niwe Petelo, elyo pali ili libwe epo nkakula ulukuta lwandi. Impongolo shakumbo tasha kalwanshe nakalya. ¹⁹ Nkakupela imfungulo shabufumu bwa kumulu. Conse ico uka kaka pano sonse cika kakwa naku mulu, kabili conse ico ukakakula pano sonde cika kakakulwa nakumulu." ²⁰ Elyo Yesu akonkomesha abasambi ukuti tabafwile ukwebako nangu umo ati ni Kristu. ²¹ Ukufuma pali ilya nshita Yesu atampile ukweba abasambi atafwile ukuya ku Yelusalemu, akacula mu fintu ifiingi muminwe yaba kalamba naba bashimapepo mukalamba naba kalemba, noku mwipaya, kabili noku bushiwa kumweo pa bushiku bwalenga shitatu. ²² Elyo Petelo amusendele lubali noku mukalipila, ati, "Lekeni ici cibe ukutali naiwe shikulu leka ici cikaa icicitia kuli iwe." ²³ Lelo Yesu alipilibwike nokutila kuli Petelo, "Kabiye kunuma yandi, iwe Satana! Iwe ulucipunwisho kuli ine, pantu iwe tautontokanya pa fintu fyakwa Lesa, lelo pa fintu ifya bantu." ²⁴ Elyo Yesu atile kuba sambi bakwe, "Ngakuli umo uulefwaya uku nkonka, afwile tala aikana umwine asende ulupanda lwakwe, noku nkonka. ²⁵ Pantu uyo onse uulefwaya ukupususha umweo wakwe akaulufya kabili uyo onse uwalufya umweo wakwe pamulandu wandi aka usanga. ²⁶ Bushe cinshi umuntu enga nonkelamo nga akwata icalo conse lelo alofya umweo wakwe? Cinshi umuntu engapela mucifulo ca mweo wakwe? ²⁷ Pantu umwana wa muntu akesa mubukata bwakwa wishi naba ngeli bakwe. Elyo akalambula umuntu onse ukulingana ne milimo yakwe. ²⁸ Mucishinka natila kuli imwe, kuli bamo pali imwe mwebenine apa abashaka sonde imfwa mpaka bamone umwana wa muntu aleisa mubufumu bwakwe."