¹ ilyo yesu atile ashipwafye ukufunda abasambi bakwe ikumi limo nalibili, afuminepo aya alefunda nokubila imbila mumisumba yabo. ² Nomba yoani ilyo ali mucifungo aufwa ifyo kristu alecita, atumine akasebo kuba sambi bakwe ³ atile kuli ena, "Bushe niwe uli nikwisa nangu tuli nokulolela umbi?" ⁴ Yesu abasuka kabili atile kuli bena "Bwelelenimo kulin yoani muye mushimikila ifyo mulemona nokumfwa. ⁵ Impofu shilemona abalemana baleenda abafibashi nabo balesangululwa, ba nkoma matwi baleumfwa nakabili abafwa balebuka ku mweo, nembila nsuma ilebilwa kuba landa. ⁶ Alipalwa umuntu uushitwishika pali ine." ⁷ Cilya balya bantu babwelelamo Yesu alanda kwibumba pali Yoani, "Bushe cinshi mwaile mukumona mumatololo-litete ilipungaa ku mwela? ⁸ Kanshi cinshi mwaile mukumona-muntu uufwala insalu ishabusaka? awe iyoo abafwala insalu isha busaka bekala kwisano. ⁹ Nga nomba ico mwaile mukumona cinshi -bushe ni kasesema? ee, cena ndemweba, ena alicial napali kasesema. ¹⁰ Eo calembelwepo ukuti, 'mona, nkatuma inkombe yandi iyakukutangilila, iyakuku pekanishisha inshila.' ¹¹ Ndemweba icine cine, pabana babantu tapatala apamoneka uwafyalwa kumwanakashi uwacila pali Yoani kabatisha, Lelo kubaba mu bufumu bwa mumulu nangu enga cepesha shani ali cila pali ena. ¹² Ukufuma panshiku shakwa Yoani kabatisha ukufika na pali lelo, ubufumu bwa mumulu bwacula kulukakala, nabaume balukakala ebabupoka kumaka. ¹³ Bonse bakasesema nama funde balesesema ukufiak pali Yoani; ¹⁴ elyo ngamulefwaya ukusumina, ena Eliya uwali no kwisa, ¹⁵ uuli namatwi yakumfwa naomfwe. ¹⁶ Nikuli cinshi ningapashanyako kuli ino nkulo? ili kwati bana abaleyangala muncende ya mushika, uwikele no kwita umo nomunankwe ¹⁷ Elyo alesosa ati, 'natuilishisha bamutolilo, nokucinda tamucindile. Natibalosha, naimwe tamulilile.' ¹⁸ Pantu Yoani ilyo aishile talelya mukate nangu ukunwa umwangashi, baletila, 'aba nengulu.' ¹⁹ Umwana wa muntu alishile alelya umukate nokunwa basosele abati, moneni uu muntu mulili kabli no caolwa, nicibusa waba kasonkesha wamusonko naba mpula mafunde!' Nomab amano neficitwa filashinina ukutu yacine." ²⁰ Elyo Yese atendeke ukwebaula imisumba umo acitile ifipesha mano, pantu tabalapile. ²¹ "Kalanda kuli iwe, Kolasini! Kalanda kuli iwe, Betisaida! Nga ifipeshamano fyacitilwe mu Turi namu shidoni fyalicitilwe namuli imwe awe nga balapile kale munsamu namu mito. ²² Nomba bukabako bwino pali Turi na Sidoni pali bulya bushiku bwa ubupingushi ukucial pali iwe. ²³ Iwe Kapenamu, bushe waleti ukaisansabika ukufika nakumulu? Awe iyo, ukutetemushiwa kumbo, ngacakuti mu Sodoma mwalicitikwe ifipapwa ifyo fyacitikwe muli iwe, nga eko acili ukufika na lelo. ²⁴ Nomba ndesosa kuli iwe nantu pabushiku bwa bupingushi cikaba icayanguka mucalo ca Sodoma ukucila pali iwe." ²⁵ Pali ilya inshita Yesu atile, "Nakutasha, Tata, wemfumu ya mu mulu napa calo, pantu walififisa ifi fintu kuba mano naba mucetekanya, nokukufisokola ku twana utunono. ²⁶ Eee, Tata, pantu calimisekeshe ku menso Yenu. ²⁷ ifintu fyonse fyali kuli ine ukufuma kuli Tata, takuli nangu umo uwaishiba umwana kanofye tata kabili takuli nangu umo uwaishiba Tata, kanofye umwana kabili uyo onse uo umwana asala asokolola ena. ²⁸ Iseni kuli ine, bonse mwebacucutiak no kufininwa ifisendo, nkamipela ukutusha. ²⁹ Sendeni ikoli lyandi nokusambilila kuli ine pantu ine naba uwapetama no kufuka umutima naimwe mwalasanga ukutusha ku mweo. ³⁰ Pantu ikoli lyandi talyafina ne cisendo candi calyanguka."