¹ Nomba munshiku shilya, elyo ibumba lya basambi lyalafulilako, aba Gilili aba Yuda batamile ukuilishanya pamulandu noba Hebele, pantu bamukamfwilwa babo tabalebasakamana mu kupeelwe kwa bwafwilisho bwa cilabushiku. ² Nabekumi nababili baitile ibumba lya basambi ukuleka icebo cakwa Lesa nokutampa ukubombela pamatebulo. ³ Eico imwe salani, bamunyina, abaume cine konse ukufuma muli imwe bene, abaume abacetekelwa, abasushiwamo no mupashi kabili abamano, ebo tusonte pali uyu mulimo. ⁴ Lelo ifwe, twalakonkanyapo mwipepo mubupyungishi bwa cebo. ⁵ Ukusosa kwabo kwate mwine ibumba lyonse. Eico basalile sitefani, umwaume uwaisushiwamo necitetekelo nomupashi wamushilo, na Filipo, polochilas NIkana, Timoni, Pamenas na Nicolasi, umwina fyalo uwafumine ku antioki. ⁶ Nabacisumino baletele aba baume ku batumwa, babapepela kabili babatambikapo nendupo shabo pali bene. ⁷ Eico ne cebo cakwa Lesa calitwalilile ukusabankana, ne mpendwa ya basambi mu Yerusalemu yakulileko apakalamba, nempendwa ikalamba iya bashimapepo baishileba abacumfwila kucitetekelo. ⁸ Eico Stefani, uwaisushiwemo ukuseneminwa namaka, alecita ifipeshamano nefishibilo mu bantu. ⁹ Lelo kwaimine abantu bamo abali bena Sinagogi, abena kilenyani, nabena Alezandula, nabamo ukufuma ku kilikia na Asia. Aba bantu balepashanya na Stefani. ¹⁰ Eico bafililwe ukumwansha mufyo alesosa pantu mupashi wamushilo alipeele amano yakulandilamo. ¹¹ Elyo baboseshe bamo abaume nokutila, ''Natumfwa Stefani alesosa amashiwi yamiponto kuli Mose kabili na Lesa.'' ¹² Baebele abantu, abakalamba, nabakalemba, kabli bakumenye Stefani nokumwikata nokumuleta kucilye. ¹³ Baletele bakambone babufi, abatile, ''uyu muntu taleka kusosa amashiwi ayaba pali ii ncende yamushilo na mafunde. ¹⁴ Pantu natumumfwa alesosa ati uyu Yesu umwina Nazaleti akonaula ino ncende nokwalula ulutambi ulo Mose atushilile.'' ¹⁵ Bonse abaikele mu cilye batonta amenso pali ena kabili icinso cakwe cali kwati cinso cakwa malaika.