¹ Ilyo ubushiku bwa pentecoste bwaishile bali bonnse pamo mumo mwine muncende. ² Mukupumikisha kwafumine ku mulu iciuunda kwati cipupu icikali ica mwela, kabili caiswile yonse inganda umo bonse baikekele. ³ Kwamoneke kuli bene indimi kwati mulilo ishapelwe, kabili shaikele pali umo umo. ⁴ Bonse baliswilemo no mupashi wa mushilo noku tendeka ukulanda muli shimbi indima, ifyo umupashi abapele bene. ⁵ Nomba kwali aba Yuda abaleikala mu Yelusalemu, abena lesa abaume, ukufuma ku nko shonse mwisamba lya mulu. ⁶ Ilyo iciunda ca umfwikile, cimkupiti aishile capamo no kufulungana pantu bonse babomfwile balelanda mu lulimi lwabo. ⁷ Balipapile no kusunguka; batile, "Bushe cine aba bonse abalelanda te bena Galili. ⁸ Mulandu nshi tulebomfwila, umo mucilimo cesu, ico twafyalilwemo? ⁹ Abena Partia na bena Mede na bena Elamu, na bekashi mu Mesopotamia, mu Yudea namu Capadocia, miu Ponti na mu Aisia, ¹⁰ aba mu Furugia na Pamfulia, mu Egupti ne mpanga isha Libya ukulungatana na Kutene, na batandashi ukufuma ku Rome. ¹¹ Aba Yuda nabasangwike abena Krete na bena Arabia, tulebomfwa bena balesosela mu ndimi shesu pa mulandu wa milimo ikalamba yakwa Lesa." ¹² Bonse balisungwike noku peshiwa amano; batile kuli umo no munankwe, "cilepilibula cinshi ici?" ¹³ Lelo bamo balentumfya nokusosa, "Nabesulamo no mwangashiu upya." ¹⁴ Lelo Petelo aiminine pamo na be kumi na umo, asanswile ishiwi lyakwe nokutila kuli bene, "Mwe baume ba mu Yudeya an bonse imwe abekashi bamu Yelusalemu, lekeni cishibikwe kuli imwe; kutikeni ku mashiwi yandi. ¹⁵ Pantu aba bantu tabakolelwe ngefyo mwatunganya pantu apa ninshita yansa shitatu yabushiku. ¹⁶ Pantu ifi efya landilwe na kasesema Yoele: ¹⁷ 'Ifyo cikaba mu nshiku shakulekelesha,' Lesa asosa, 'Nkapongolola umupashi wandi pa mubili onse. Abana benu abaume na bana benu abanakashi baka sesema, abalumendo benu baka mona ifimonwa, naba kalamba abaume baka lota ifiloto. ¹⁸ Mucine paba bomfi bandi elyo napa babomfi bandi abanakashi munshiku isho nkapongolola umupashi wandi, nabo bakasesema. ¹⁹ Nkalanga ifipesga amano mulwelele pamulu ne fisambililo pe sonde mwisamba, umulopa, umulilo, no mufuka wa cushi. ²⁰ Akasuba kakaluka kakbe mfifi, no mweshi ukabo mulopa ilyo ubukalamba kabili ubwakupapisha ubushiku bwakwa shikulu tabulaisa. ²¹ Cikaba ukutila uyo onse uwaita pe shina lyakwa shikulu aka pusuka.' ²² Mwe baume bakwa Isreali umfweni amashiwi aya: Yesu waku Nasaleti ali umwaume uwapelwe kuli imwe na Lesa ne milimo ikalamba kabkli ipesha amano ne fishibilo ifyo Lesa acitilre ukupitila muli ena pakati kenu, ngefyo na imwe mwebene mwaishiba. ²³ Uyu muntu apelwe na Lesa mukupekanya no kwishibial kali bela; naimwe, mumaboko yaba baume ba mpula mafunde, ba mwipeye pa kumupopela pa lupanda. ²⁴ Lelo Lesa amubusishe, ukumukakula ukufuma ku bukali bwamfwa, pantu wene kwitililwa ne mfwa ta cingacitika. ²⁵ Pantu Dabidi atile pali wene, 'Namwene Shikulu lyonse pa menso yandi, pantu ali lubali ku kuboko kwa kulyo kwandi pakuti ni telentenshiwa. ²⁶ Eico umutima wandi wali sansamwike no lulimi lwandi lwasekelela. Kabili no mubili wandi ukekala mgwi subilo. ²⁷ Eico tamwakaleke umweo wandi ku mbo, nangu ukuleka uwa mushilo wenu amone ukubola. ²⁸ Mwanenga ukwishiba inshila sha mwo; mukanjisushamo ukusekelela ku cinso cenu,' ²⁹ Ba munyinane, cili icalinga kuli ine ukulanda kuli imwe no kupama pa mulandu wa cikolwe Dabidi, alifwile no kushikwa, ne nshinshi yakwe ili naifwe ukufika nalelo. ³⁰ Eico, ali kasesema no kwishiba ukutila Lesa alilapile no mulapo kuli wene ukuti akabika umo pa fisabo fya ku musana wakwe pa cipuna cakwe ica bufumu. ³¹ Alimwene ifyali nokucitika ku ntanshi no kulanda pa kubuka kwa kwa Kristu, ukuti talekelwe ku mbo, no mubili wakwe tawamwene ukubola. ³² Uyu Yesu -Lesa amubusishe, naifwe tuli nte. ³³ Eico, pakusumbulwa ku kuboo kwa ku kulyo kwa kwa Lesa no kupokelela icalailwe umupashi wa mushilo ukufuma kuli wishi, ali pongolola ifi mwa mona no kumfwa. ³⁴ Pantu Dabidi taile ku mulu, nomba atile, 'shikulu atile kuli shikulu wandi, "Ikala ku kulyo kwa kuboko kwandi ³⁵ mpaka ndenge abalwani bobe ifyakunyantapo amakasa yobe." ³⁶ Eico, lekeni inganda yonse iyakwa Israeli mucishinka eshibe ati Lesa alengele ena shikulu na Kristu uyu Yesu uwo mwatanike." ³⁷ Nomba ilyo ba umfwile ifi, balashilwe mumitima yabo, batile kuli Petelo na babi abatumwa, "Ba munyinanefye, twala cita shani?" ³⁸ Elyo Petelo asosele kuli bene, "Lapeni noku batishiwa, imwe bonse, mwishina lyakwa Yesu Kristu ku kwelelwa kwa membu shenu, elyo mukapokelela ica bupe ca Mupashi wa Mushilo. ³⁹ Pantu icilayo ni kuli imwe nabana benu nabonse ababa ukutali, abengi abantu abo shikulu Lesa wesu aketa." ⁴⁰ Na mu mashiwi ayengi apele ubunte nokuba koselesha, atile, "Fusekeni ukufuma ku nkulo yabupondamishi." ⁴¹ Elyo bapokelele icebo cakwe kabili bali batishiwe, balundilweko muli ubo bushiku ukulingana ne mpendwa imyo amakana yatatu. ⁴² Baipele abene beka ku masambilisho yabatumwa, nakwi senge, mukumokaula umukate na muma pepo. ⁴³ No mwenso waishile pa mweo onse, ne fingi ifipesha amano ne filangililo fyacitilwe ukupitila mu batumwa. ⁴⁴ Na bonse abacetekele bali pamo na Fyonse ifyo bakwete fyali fya bonse. ⁴⁵ Kabili bashitishe ifipe fyabo nefikwatwa no kupela kuli bonse, ukulingana nefyo ukukabila uko onse akwete ⁴⁶ Cila bushiku baipele abene beka ni bu umo bwa mulandu babelelepo mwi tempele. kabili ba mokawile umukate mu mayanda, no kwakana ifyakulya no kusekelela ne mitima yansansa, ⁴⁷ bale lumbanya Lesa no ku kwata ububile na bonse abantu, na cila bushiku shikulu alelundako impendwa ya abo abalepusuka.