¹ Paulo aishile ku Bebe na Ku Listara, kabili moneni, umusambi umo uweshina lya Imote ali kulya, umwana mwaume wakwa namayo umu Yuda uwali uwasumina lelo wishi ali mu Giliki. ² Alelandilwa ifisuma kuli ba munyina abali ku Listara na Ikonyamu. ³ Paulo alefwaya ukuya nankwe, eico alimusendele no kumusembulula pa mulandu wa ba Yuda abali kuli shilya incende, pantu balishibe bonse ukuti wishi ali mu Giliki. ⁴ Ulo baleya ukupita mu misumba, baleshimka amafunde ayo bapingwile ukupitila mu batumwa na bakalamba abali mu Yelusalemu pakutila bene basumine. ⁵ Eico ifilonganino fyali koshiwe mu citetekelo no kukushiwa impendwa cila bushiku. ⁶ Paulo na bantu bakwe baile ku Citungu ca Firagia an Galatia, apo bali kanishiwe na umupashi wamushilo ku kubila icebo ku citungu caku Asia. ⁷ Ulo baishile ukupalamina ku Misia, batentemukile ku musumba wa Bithynia, lelo umupashi wakwe walibakenye. ⁸ Eco ukupita ku Misia, baishile ku musumba wa Tloasi. ⁹ Icimonwa camonekele kuli Paulo mu bushiku: umwaume waku Mecedonia aiminine kulya, alemupapata na kutila, "Isa kuno ku Macedonia na ukutwafwilisha," ¹⁰ Ulo Paulo amwene icimonwa, ilyo line fye twasalile ukuya ku Macedonia, ukushinikisha ukuti Lesa na twita ukushimikila imbila nsuma kuli bena. ¹¹ Napali ici twaliteyenye ubwato ukufuma ku Troasi, kabili twalitambalike inshila ukufika na ku Samotirace, kabili ubushiku bumbi baishile ku Neopolisi. ¹² Ukufuma kulya twaile ku Filipi, uyo uuli musumba wa Macedonia, umusumba uukankala sana mu citungu cinono icaletekwa na bena Roma, kabili twalikele muli uyu musumba pa nshiku ishingi. ¹³ Pa bushiku bwe sabata twafumine panse ya mpongolo lwa kumumana, uko twatokenye kuti kwaba incende ya mapepo. Twaikele panshi no Kusosa kuli na mayo uwaishile naifwe. ¹⁴ Umwanakashi umo uweshina lya Lydia, uwaleshitisha insalu shakashika ukufuma ku musumba wa Tiyatira, uwale shinshimuna Lesa, aumfwile kuli ifwe. Shikulu aiswile umutima wakwe pakuti omfwe ifyo Paulo alesosa. ¹⁵ Ulo ena na bang'anda bakwe babatishiwe apapete kuli ifwe, ukutila, "nga mwamona ukutila ndi wacishinka kuli shikulu, iseni no ku kwikala mu ng'anda yandi," Kabili alipatikishe. ¹⁶ Caishile ba ukuti, ilyo twaleya ku ncende ya mapepo, umukashana umo alitukumenye. Aleletela ba shikulu bakwe ubunonshi ukupitila mu lubuko. ¹⁷ Uyu na mayo akonkele panuma yakwa Paulo na ifwe no kupunda, ukutila, "Aba abaume babomfi bakwa Lesa wapulamo. Babilisha kuli imwe inshila ye pusukilo." ¹⁸ Acitile ifi pa nshiku ishingi. Lelo Paulo, amufulwishe apakalamba, apilibwike no kusosa ku mupashi, "Ndekukonkomesha ukupitila mwishina lya kwa Yesu Kristu fuma muli ena." Kabili walifumine ilya ine inshita. ¹⁹ Ilyo bashikulu bakwe bamwene ukuti isubilo lyabo ilya bunonshi lyapwa, baikete Paulo na Silasi no kubatwala mufisankano ku cinso ca ntungulushi. ²⁰ Ilyo babaletele kuli bakapingula, batile, "Aba abaume bale cucunkanya umusumba wesu. Ba Yuda. ²¹ Basambilisha imibele ishi sha suminishiwa na bena Roma nangula ukuikonka." ²² Elyo Ibumba lyaimine Paulo na Silasi capamo; bashi cilye balepwile ifyakufwala fyabo no kubakonkomesha ukuba puma ne nkonto. ²³ Ulo balambalike ifipumo pali bene babaposele mu cifungo no kukonkomesha kalinda wa cifungo ukuba linda. ²⁴ Panuma apokelele uku ukukonkomesha, kalinda wa cifungo abaposele mukati ka cifungo no kukaka amakasa yabo mu makasu. ²⁵ Mu nshita ya bushiku Paulo na Silasi balepepa no kwimba inyimbo kuli Lesa, na bafungwa bambi baleumfwa kuli bene. ²⁶ Mukupumukisha kwali icinkunkuma icikalamba, icakuti no mufula wa cifungo wali sunkanishiwe; napopenefye ifibi fyonse fyaliswike, kabili iminyololo yali kakwike kuli cial umo. ²⁷ Kalinda wa cifungo abukile ukufuma mu tulo na ukumona ifi fyacifungo na fisuka; afumishe ulupanga lwakwe kabili afwaile ukuipaya umwine, pantu atontokenye ukuti abafungwa nabafyuka. ²⁸ Lelo Paulo apundishe ne shiwi ilikalamba, ukutila, "wiicita akabi, pantu bonse epo tuli." ²⁹ Kalinda wa cifungo afwaile ulubuto nokubutukilako na kabili, ali aletutuma ku mwenso, awile ku cinso cakwa Paulo na Silasi, ³⁰ nokubafumya kabili atile, "ba shikulu, ninshi ningacita pa kupusuka?" ³¹ Batile, "sumian muli shikulu Yesu, kabili uka pusuka, iwe na bang'anda yobe." ³² Basosele icebo cakwa shikulu kuli ena, pamo na onse uwa mung'anda yakwe. ³³ Elyo kalinda wacifungo abasendele pali kalya akashita ka bushiku no kusamfya ifilonda fyabo, kabili ena na bamung'anda yakwe bonse balibatishiwe palya pene. ³⁴ Nomba ilyo aletele Paulo na Silasi mu Ng'anda yakwe no kupekanya icakulya kuli bene, asangalele apakalamba nabo aba mung'anda yakwe, ukutila nasumina muli Lesa. ³⁵ Nomba ulo bwacele, Bashi cilye batumine amashiwi kuli kalinda ukutila, "leka abaume abo baleya." ³⁶ Kalinda wa cifungo afisishe amashiwi kuli Paulo, ukutila, "bashi cilye nabatuma amashiwi kuli ine ukumileka muleya. Eco nomba fumeni kabili muleya mumutende." ³⁷ Lelo Paulo atile kuli bene, "balitupumine palwalala ukwabula ukutulubulwisha, nangula line tuli bekashi ba ci Roma-kabili batuposele mu cifungo. Bushe nomba balefwaya ukutulekako mu bumfisolo? Awe! na bese abene nokutulekako." ³⁸ Bakalinda bafisishe aya mashiwi kuli bashamfumu, kabili ulo baumfwile ukutila Paulo na Silasi bena Roma balitinine. ³⁹ Bashi cilye baishile noku papata kuli bene nokubafumya ukubepusha ukuya kunse ya musumba. ⁴⁰ Eico Paulo na Silasi balifumine mu cifungo nokwisa ku ng'anda yakwa Lydia. Ulo Paulo na Silasi bamwene bamunyina, bali bakoseleshe kabili elyo bafumine mu musumba