¹ ''Moneni ukuti mwilakucita imilimo iyisyma pakuti fye abantu balekumibona, nga mulecta ifyo tamwakamone icilambu ukufuma kuli Shinwe uwaba mu mulu. ² Nomba ilyo webo ulepela ifya nkumbu, wilakwabisha pamo nga filya ba bumbi munda bacitamu ma sinagogielo namu misebo, epakuti balekubatasha ku bantu. Icine nde myeba nati, balipokolela icilambu cabo. ³ Nomba ilyo ulepela ifyakukumbusuka, wileka ukuboko kobe ukwa kukuso kwishibe ifyo ukuboko kwa kukulyo kulecita ⁴ pakuti icabupe cobe cibe fye mu bumfisolo. Elyo Wiso uubona mubumfilo akakulambula. ⁵ ''Ilyo imwe mulepepa, mwilakuba ukabati niba bumbi munda, pantu bo balitemwa ukutalama elo nokupepa muma sinagogi elo namu misebo pakuti balekubabona ku bantu. Icine Ndemyeba nati, bo balipokelela icilambu cabo. ⁶ Nomba imwe, ilyo mulepepa, mulekwingila mu mupule wenu uwamukati. Mwisaleko icibi elo nokupepa kuli Shnwe, uyo uwaba mu bumfilo. Elyo Shinwe uubona mubumfisolo akamipela icilambu. ⁷ Ilyo mulepepa, mwilakubwekeshapi ifintufimo fine ukubati nifilya Abena fyalo bacita, pantu bena batontonkanya ukuti bakabomfwa pamulandu wa mashiwi yabo ayengi. ⁸ Eico kanshi, mwilakuba ubati nibo, pantu Shinwe alishiba fintu ndo ifyo mulefwaya ulo tamulamwipusha. ⁹ Eica kanshi mulepepa ukubati nifi: 'Tata wesu uwaba mu mulu, lekeni ishina lyenu lipelwe umucinshi nga ilya mushilo. ¹⁰ Lekeni ubufumu bwenu bwise. Lekeni ukufwaya kwenu kucitikwe pano pano pa calo ukubati ni mu mulu. ¹¹ Tupeleni ifilyo fyesu ubushiku bwa lelo. ¹² Mutubelele uluse ku masambi yesu, filya fine nafwe tubelela abatulufyanya. ¹³ Mwitulekela mu matunko, nomba mutupusushe ukufuma ku mulwani wesu.' ¹⁴ Pantu nga cakuti twabela uluse abantu atulufyanya, na Shinwe wa mu mulu naye akamibelel uluse. ¹⁵ Nomba nga cakutila ati tamubabelele uluse kufyo bamilufyanya, na Shinwe wa mu mulu nye wine takamibelele uluse ku masambi yenu. ¹⁶ ''Ilyo mulefunga ukulya, mwilakulanga pa menso apakubombotala ukubati nifilya ba bumbi munda bacita, pantu bo balabombotalika pa menso pakuti bababone ku bantu ati balefunga ukulya. Icine Ndemyeba nati, balipokelela icilambu cabo. ¹⁷ Lelo imwe , ilyo mulefunga ukulya, usube umutwe elo nokusamba pa menso ¹⁸ paweba ati cilakuboneka kuli bambi ati ulefunga ukulya, nomba kuli Wiso uwamubumfisolo; elo Wiso uubona mu bumfisolo eukakupela icilambu. ¹⁹ ''Mwilakuisungila mwebene ifyuma pano pa calo, apo ububenshi elo ne ndalabwa, elo apo nabapompwe bakatoba elo nokwiba. ²⁰ Lelo, mulekubikisha ifyuma fyenu mu mulu, umu umo ububenshi elo ne ndalabwa tashanonaula, elo umo umo bapompwe tabatoba elo nokwiba. ²¹ Pantu uko ifyuma fyobe fyaba uko kwine ekuba no mutima obe. ²² Ilinso ecisaniko ca mubili. Eico kanshi, nga cakuti ilinso lyobe labune, no mubili onse ulesulamo no lubuto. ²³ Nomba nga cakuti ilinso lyobe lyabubi, no mubili obe waisula mo fye imfinshi. Eico kanshi, nga cakweba ati ulo ulubuto ulwaba muli we lwena ni mfinshi, bushe bukulu ndo ubwaba mulu iyi mfinshi! ²⁴ Takwaba nangu umo uwinga tumika bakanabesa babili, pantu kuti apatapo umo elo nokutemwapo umbi, nangu nga teifyo kuti aipeleshapo kuli umo elo nokulekeshapo umbi. Tekuti utumike Lesa elo ne fyuma. ²⁵ Eico kanshi Ndelanda kuli mwe nati, mwilkusakamana pa mwo wenu, pafyo mulelya nangu ati findo mulenwa; nangu pa mubili wenu, ati findo mulefwala. Pantu bushe umwo tacilapo pa filyo, elo no mubili tawacilapo pa fifwalo? ²⁶ Boneni ku fyoni ifya mu lwelele. Tafibyala nangu ukusombola nangu ukututila mu matala, nomba Shinwe uwa mu mulu alafilisha. Bushe tamwacilapo ukucindama pali ifyo? ²⁷ Bushe ninani pali mwe uwingasakamana ukulundapo inshita imo pa mweo wakwe? ²⁸ Bushe nindo ico musakamanina pa fifwalo? Tontonkanyeni pa maluba ayamu mabala, ifyo yakula. Tayabomba, elo tayabila ne fifwalo. ²⁹ Lelo Ndelanda kuli mwe ukuti, nangu ni Solomoni mu mucinshi wakwe tatalile ukufwalapo ukubati ni aya amaluba. ³⁰ Nga Lesa alefwika ifyani ifya mumpanga, ifyo ifibako fye lelo elo mailo bafiposa mu mulilo, findo fingacila pali ye ukufwika mwebo, mwebo mweba cisumino icinono? ³¹ nali ici kanshi mwilakusakamana elo nokulanda ati, 'Findo ifyotulelya?' nangu ati 'Findo ifyo tlenwa?' nangu ati 'Fifwalo ndo ifyo tulefwala?' ³² Pantu nabena Fyalo balefwaya ifi fintu, elo Shinwe uwa mumulu alishiba ukuti mulafifwaya. ³³ Lelo pakutampa fwayeni ubufumu bwakwe elo nobololoke bwakwe, elo nefi fintu fyonse fikapelwa kuli mwe. ³⁴ Eico kanshi, mwilakusakamana pali malio, pantu mailo ikaisakamana iine. Cila bushiku bwali ikwatila ifyabubi fya buko.