¹ Aba Falise elo naba Saduke baishile elo noku mwesha pa kumwipusha ena ukuti abalangisheko icishibilo cimo icakufuma mu mulu. ² Lelo Yesu abasukile ati elo asosa ati, ''Ilyo cafika icungulo, mulanda ukuti, 'Kukaca bwino, pantu ku mulu kuli kashikile.' ³ Ilyo kwaba ulucelo, musosa ati, 'Kuleba icimwela, pantu ku mumlu kwa kashika elo nokutalala.' Mwebo mulishibile ukwilula imiboekele ya myulu, nomba imwe tekuti mwishibe ukwilula ifishibilo fya nshita. ⁴ Mwe nkulo yabubi elo iya bucende e ilefwaya icishibio, nomba takuli icishibilo nangu cimo icilepelwa kano fye icishibilo cakwa Yona.'' Elo Yesu afuminepo nokuya kumbi. ⁵ Ilyo abasambi bafikile ku bushilya, bo balilabile ukusenda umukate. ⁶ Yesu asosele kuli bo ati, ''Tekanyeni elo mucenjele ku citutumushi icaba Falise elo nab Saduki.'' ⁷ Abasambi balabishanya abene beka elo balanda ukuti, ''Nico pantu tatwacipita umukate.'' ⁸ Yesu alishibile ifyo elo alanda ati, ''Mwe bacisumino icinono, bushe cinshi ico muleilabilisha mwebene beka elo nokulanda amuti nico pantu tamupitile umukate? ⁹ Bushe na nomba tamulakutuluka nangu ukwibukisha pa mikate isano ifyo nalishishe abantu amakana yasano, elo ni inga iyo mwalongenye? ¹⁰ Nangu imikate cine lubali iyo nalishishe abantu amakana yane, elo bushe miseke inga iyo mwaolele? ¹¹ Nga kanshi ninshi ico mutelukile ukuti Nebo taili mikate nacilalandapo? Tekanyeni elo cenjeleni ku citutumushi ca Falise elo naba Saduki.'' ¹² Elyo baumfwilishe ukuti talikubeba ukucenjela ku citutumushi ca mu mukate, nomba alikubeba ukucenjela ku masambilisho ayaba Falies elo naba Saduke. ¹³ Nomba ilyo aishle ku fitungu mupepi na Kaesaria Filipo, aipwishe abasambi bakwe, nokulanda ati, ''Bushe abantu balanda ukuti Umwana wa Muntu ninani? ¹⁴ Basosele ati, ''Bamo balanda ati Yoani Kabatisha; bambi ati, Eliya; elo na bambi ati, Yeremia, nangu umo pali bakasesema.'' ¹⁵ Alandile kuli bena ati, ''Nomba mwebo mulanda ati bushe ninebo Nani? ¹⁶ Mukwasuka, Simoni Petelo asosele ati, ''Niwe Kristu, Umwana wakwa Lesa umumi.'' ¹⁷ Yesu ayasukile elo nokumweba ati, ''Walipalwa iwe, Simoni Bar Yona, pantu umubili elo no mulopa tefyakusokolwela ifi fintu kuli we, nomba ni Tata uyo uwaba mu mulu. ¹⁸ Naine nkoland kuli we ukuti niwe Petelo, elo napalibwe ili INe nkakulapo ulukuta lwandi. Ne fibi fyaku mbo tafyakalucimfye. ¹⁹ Nkakupela kuli we imfungulo shamu mulu. Icintu conse ico ukakaka pa calo namu mulu cikakakwa, elo neco ukakakula pa calo namu mulu ninshi cakakulwa.'' ²⁰ Elyo Yesu akonkomeshe abasambi bakwe nokuti tabafwile ukwebako umuntu nangu umo ukuti e Kristu. ²¹ Ukufuma ali ilya ine inshita Yesu atampile ukweba abasambi bakwe ati afwile ukuya ku Yelusaleemu, nokucula ifintu ifingi ku minweiyaba Yuda elo nabakulu baku bashimapepo elo naba kalemba, akepaiwa, elo nokubushiwa ukuba no mweo pa bushiku bwakulenga shitat. ²² Elyo Yesu amupitile pa mbali elo nokumukalipila, nokulanda ati, ''Lekeni if pitile ukutali, Shikulu; lekeni ifi fikacitika kuli mwe.'' ²³ Lelo Yesu apilibukile elo nokweba Petelo ati, ''Kabuye kunuma yandi, Satana! Iwe ulicakupunwisha kuli ine, pantu iwe taulesakamana pa fintu fyakwa Lesa, nomba uletontonkanyafye pa fintu fya bantu.'' ²⁴ Ilyo Yesu asosele ku basambi bakwe ati, ''Nga cakuti umo alefwaya ukunkonka, alingile ukuikanya umwine, nokusenda ulupanda lwakwe, elo ankonke. ²⁵ Pantu uyo onse uulefwaya ukupususha umweo wakwe ali noku ulufya, elo uyo onse uwalufya umweo wandi pa mulandu wandi akausangana. ²⁶ Pantu bushe kuti cawamina inshi umuntu ukuwina icalo conse elo alufya umweo wakwe? Bushe cindo ico umuntu engakabushanya no mweo wakwe? ²⁷ Pantu Umwana wa Muntu ali nokwisa mu mucinshi wakwa Wishi naba malaika bakwe. Elyo akapele icilambu kuli cila umo ukulingana nefyo abomba. ²⁸ Icine Nkolanda kuli mwe nati, pali bamo imwe mwebataleme apa abatakapiteko ku mfwa mpaka bakabone Umwana wa Muntu uko aleisa mu bufumu bwakwe.''