¹ Napali bulya ubushiku Yesu alifumine mu ng'anda nokwikala mumbali yaku bemba. ² Ne bumba ilikulu lyali mushingulukile, eico alipateme mu bwange elo no nkwikala mu kati linshi ibumba lyonse liliminine mumbali yaku bemba. ³ Elyo Yesu alilandile ifintu ifingi kuli bo ukubomfya imilumbe. Alandile ati, ''Moneni, umulimi alile muku kusa imbuto. ⁴ Elo akushile, shimbi imbuto shaliponene mu nshila, eluntu ne fyoni fyalishile nokushilya. ⁵ Imbuto shimbi shaliponene mu mushili wa mabwe, umo umo tashsakwete umushili uwinenene. Apo pene shali ba lwile pantu umushili tawali uwinenene. ⁶ Lelo ulo akasuba kabalile, shalibonsele pantu tashali ne mishila, elo shaliiokotele. ⁷ Imbuto shimbi shaliponene mu myunga. Imyunga yalilulumukile nokushitabilila. ⁸ Imbuto shimbi shaliponene mushili uwabune elo no kutwala ifisabo, shimbi umwanda umo ukucilapo, shimo amakumi mutanda. ⁹ Uyo uuli na matwi yakumfwa, naomfwe.'' ¹⁰ Abasambi balishile elo no kulanda kuli Yesu, ''Nindo ico ku mabubumba ukubomfya amapinda?'' ¹¹ Yesu alyasukile elo no kubeba, '''Mwalipelwa ishuko lya kwishiba ifyankama fya bufumu bwa mulu, nomba kuli bo ili shuko talyapelwa. ¹² Pantu kuli uyo uwakwata bakamulundilapo, elo fikafulilako. Nomba kuli uyo uutakwata, noto akwata bakamupokolola. ¹³ Ici cine eco nandila kuli bo mumapinda: Nangula bakololesha, tabakomona; elo nangu bakokutika, tabakokutika nokufyumfwa. ¹⁴ Kuli bo ifyasesemene Esaya fya fikilisha, ico icilanda ati, 'Ulo mukalekukutika mukalekukutika, lelo munshila fye iili yonse tamwakomfwe; ulo ukulolesha mukalekulolesha, nomba munshila fye iili yonse tamwakakutuluke. ¹⁵ Pantu imitima ya aba bantu yakufina, elo balyafya ukumfwa, elo balisaala amenso yabo, nangu ukumfwa na matwi yabo, atemwa ukumfwa ne mitima yabo, pakuti limbi kuti ba aluka, elo nebo kuti naba posha.' ¹⁶ Lelo mwebo amenso yenu yalipalwa, pantu yalamona; elo na matwi yenu, pantu yalomfwa. ¹⁷ Mucine nkolanda kuli mwebo ati abengi bakasesema na baume abalungami balikukabila ukumona ifintu ifyo mukomona elo tabafibwene. Balikukabila ukukutika ifntu ifyo mukokutika elo bena tabafyumfwile. ¹⁸ Lelo Umfweni kanshi ku mulumbe uwa muliimi uyo uwa kushiile imbuto shakwe. ¹⁹ Ilyo umuntu uuli onse aumfwa amashiwi ya bufumu nomba takoyomfwa, satana aisa elo nokusompola ifyo ifya byelwe mu mutima wakwe. Iyi e mbuto ilya iyaponene mbali ya nshila. ²⁰ Isho ishakushilwe pa mushili wa mabwe ni ulya umuntu uukutika ihishiwi elo apo epne fye alipokelela ne nsansa, ²¹ lelo taba namushila muli ye elo ena wa nshita fye iinono. Elyo ubucushi nangu ukupakaswa kwaisa pamulandu we shiwi lyakwa Lesa. kalekale awa. ²² Isho ishakushilwe mu myunga, uyo muntu uumfwa ishiwi, nomba amasakamiko ya mu calo elo nokongolwa ne fyuma fya tosha ishiwi, elo ena afilwa ukutwala. ²³ Ne mbuto ishakushilwe mu mushil wa bune, ni ulya umuntu uumfwa ishiwi elo noku lyumfwa. Ena alakula muma shiwi elo nokutwala ifisabo, no kutwala pa nshita imo umwanda umo, muli imbi amakumi mutanda, elo na muli imbi amakumi yatatu ukucila pa fyabyelwe.'' ²⁴ Yesu alilandile nailimbi ipinda kulibo. Alandile ati, ''Ubufumu bwa mu mulu bwaba nga ulya umuntu uwa byele imbuto mwi bala lyakwe. ²⁵ Lelo ulo abantu ninshi balilele, umlwani wakwe alishile elo no kubyalamo inseku mu ng'anu elo noku fumako aya. ²⁶ Ilyo imisongo yafumine elo noku twala ifisabo, eluntu nenseku nasho shafumine. ²⁷ Nababomfi ba mwine we bala balishile elo noku mweba ati, 'Kanabesa, bushe tamwabyele imbuto ishabune mwi bala? Nindo nomba mwaba inseku?' ²⁸ Alilandile kuli bo ati, 'Umulwani eucitle ifi.' ''Ababomfi balandile kuli o ati, 'Ninshi bushe ukofwaya fwebo tuye elo nokushisekwila? ²⁹ ''Umwine we bala alandile ati, 'Awe, pantu ulo mwakulanukula inseku, limbi kuti mwanukwila kumo ne ng'anu. ³⁰ Lekekeni fyonse filekukulila pamo mpaka napakusombola. Pa nshita yaku sombola nkalanda ku bakusepa, ''Tampilenipo ukunukula inseku elo mushikake mu mipo pakushoca, nomba kolonganyeni ing'anu mu butala bwandi.'''' ³¹ Nakabili Yesu alilandile nalimbi ipinda. Alandile ati, '''Ubufumu bw mu mulu bwaba ngo luseke lwa lubanga ulo umuntu abulile elo no kulubyala mwibala lyakwe. ³² Elo ulubuto mu cine lwalicepesha pa mbuto shonse. Nomba nga nga lwakula, lulakula pa fimuti fyonse ifya mwibala. Lulasanguka mucimuti, icakuti ne fyuni fya mulwelele filesa elo no bik ifinsa ku misambo ya uko.'' ³³ Yesu elyo abebele nalimbi ipinda. ''Ubufumu bwa mu mulu bwaba nga ici tutumushi ico umwanakashi abulile ele nokusankanya mu milingo itatu iyabunga mpaka bonse bwa tutumuka.'' ³⁴ Ifi fintu fyonse Yesu alandile ku mabumba mu pinda; elo tasose icili conse ukwabula ukubomfya amapinda. ³⁵ Neci cali nipa kufikilisha ifyo kasesema alandile fishininkishiwe, uluntu alikulanda ati, ''Nebo nkasamuna akanwa kandi mu mapinda. Nkalanda ifintu ifyo ifyafisama ukutampa pa ntendekelo ya calo.'' ³⁶ Elyo Yesu ashile amabumba elo no kuya mu ng'anda. Abasambi bailishile kuli ye elo noku sosa, ''Londolola kuli fwebo ipinda lya nseku mwi bala. ³⁷ ''Yesu alyasule elo nokulanda, ''Uyo uubyala imbuto ishabune mwibala Mwana wa Muntu. ³⁸ Nebala calo cino; elo imbuto ishabune, aba ebana ba muli buno ubufumu. Ne nseku e bana bakwa satana, ³⁹ elo no mulwani uyo uwabyele inseku ni satana. Ubusomboshi e mpela ya nkulo ino, elo abasomboshi ni ba malika. ⁴⁰ Eico, lulya inseku bashikolonganya elo noku shoca no mulilo, nifyo fine efyo cikaba napa kupwa kwa ino inkulo. ⁴¹ Umwana wa Muntu akatuma ba malaika, elo bakalonganya ukufuma mu bufumu bwakwe ifintu fyonse ifyo ifilenga amasambi elo nabo ababembuka. ⁴² Baka baposa bena mwilungu lya mulilo, umo umukaba ukuloosha elo no kusumanya ameno. ⁴³ Elyo abantu abololoke bakaaka kwati kasuba mu bufumu bwakwa Shibo. Uyo uuli na matwi, na omfwe. ⁴⁴ Ubufumu bwa mu mulu bwaba kwati cuma ico ba fisa mwibala. Umuntu alicisangile elo no kucifisa. Mukusansamuka kwakwe, ashitisha ifintu fyonse ifyo akwete, elo no kuhita lilya ibala. ⁴⁵ Na kabili, ubufumu bwa mu mulu bwaba nga ulya umuntu shimakwebo uulefwaya ubulungu bwabune ubwa mutengo. ⁴⁶ Ilyo amwene ubungu bumbi ubwaciliepo ubune no mutengo, aliile elo nokushitisha ifintu fyonse ifyo akwete elo no kushita ubulungu. ⁴⁷ ''Nakabili ubufumu bwa mu mulu bwa pala nge sumbu ilyo bateele muli bemba, elo lyalikete sabi ilyakulekana lekana. ⁴⁸ Ilyo lyaiswile, abashiila balilikulile kunse. Elyo baikele panshi nokulonganya isabi isuma mu fipe, nomba ifintu ifishakwete incito bali fiposele. ⁴⁹ Efyo cikaba napa kupwa kwa nshita. Ba Malaika bakesa elo no kulekanya ababubi ukufuma ku bapwililika. ⁵⁰ Bakabaposa mwilungu lya mulilo, umo umukabo ukulila nokusumanya ameno. ⁵¹ ''Bushe mulyumfwile ifi fyonse?'' Abasambi balilandile kuli ye, ''''Ee'', ⁵² Elyo Yesu alandile kuli bo, ''Eico kanshi kalemba onse uwaba umusambi ku bufumu bwa mu mulu apala umuntu umwine wa ng'anda, uyo uufumya ifyakale elo ne fintu ifipya mu fyuma fyakwe.'' ⁵³ Elyo icacitikilr cakuti uluntu Yesu apwishishe aya amapinda, alifumine kuli ilya incende. ⁵⁴ Elyo Yesu aingile mu citungu mu mwakwe elo nokusambilisha abantu mu sinagogi. Ifya tumbukilemo fya kuti balipale elo no landa, ⁵⁵ ''Bushe uyu muntu afumya kwisa amano elo ne fi fipapusho?'' Bushe te uyu mwana kapala wa mbao? Bushe nyina te Maria? Bushe ba wabo te Yakobo, Yusufu, Simoni, elo na Yuda? ⁵⁶ 56Bushe bankashi yakwe bonse tatuli nabo? Bushe afumishe kwisa ifi fintu fyonse? ⁵⁷ Bena alibakalifishe. Lelo Yesu alandile kuli bo, ''Kasesema tabamucindika mu calo cakwe elo naba mu ng'anda yakwe.'' ⁵⁸ Tacitile ifipapusho ifingi kulya pa mulandu no kutwishika kwabo.