¹ Panshita ilya Yesu alipitile pa bushiku bwapa chibelushi mu mabala ya ng'anu. Abasambi bakwe baumfile insala elo balitampale ukutempula imitwe ya ng'nu elo no nokulya. ² Nomba ilyo aba Falise bamwene ifyo, balandile kuli Yesu ati, ''Mona abasambi bobe balecita ifitasuminishiwa ukucita pa bushiku bwa chibelushi. ³ Nomba Yesu alandile kuli bo ati, ''Bushe mwebo tamwabelenga ilyo David acitile ilyo aumfwile insala, elo na bantu abo ali nabo? ⁴ Ena alingile mu ng'anga yakwa Lesa elo nukulya imikate iyalimo, icintu icitasuminishiwa nako ali nabo, nomba icasuminishinishiwa fye kuli ba shi mapepo. ⁵ Bushe imwe tamwbelenga mu citabo ca mafunde ukuti pa bushiku bwa pa chibelushi bashimapepo mw tempele balilufyenye pa chibelushi nomba tababa no mulandu? ⁶ Nomba ndemyeba ati uyo uwacila pe tempele ali pano. ⁷ Nga cakuti mwebo mwalishibile umo ici cintu calolele, ' Nebo nkokabila uluse lelo te malambo,' nga tekuti museke naba takwete na mulandu. ⁸ Pantu Umwana wa Muntu e Shikulu wa Chibelushi.'' ⁹ Elyo Yesu afumineko kulya elo no kwingila mwi tempele lyabo. ¹⁰ Moneni, mwali no muntu uwali no kuboko ukwakulemana. Aba Falise balipwishe Yesu ati, ''Bushe caliba lifunde ukuposha pa chibelushi?'' epakuti benga mupela umlandu wakupanga isambi. ¹¹ Yesu alilandile kuli bo, ''Muntu ndo muli, nga cakuti akwata fye impanga imo, elo nga cakutila iyi ine impanga imo yaponena mucilindi icitali pa chibelushi, uutangaikata no kuyabula? ¹² Nakanshi icacilapo ukucindama, muntu ukucila impanga. Eico kanshi calisuminishiwa ukucita icabune pa chibelushi.'' ¹³ Elyo Yesu aebele umuntu ati, ''Tambulula ukuboko kobe.'' Alikutambulwile, elo kwalyo lolokele nokupola. ¹⁴ Nomba aba Falise balifuminepo nokumupingila. Balikufwailikisha inshila shs ku mwipailamo. ¹⁵ ulo Yesu alishibile ifi, alifumineko kulya. Abantu abengi balimukonkele, elo ali baposeshe bonse. ¹⁶ Ena alibakonkomeshe bemwishibisha na kuli bambi, ¹⁷ pakuti cifikilishe ico icalandilwe ma kassema Esaya, icakuti, ¹⁸ Mona, umubomfi wandi uo nasala; uwa temwikwa wandi, ni muli emo umupashi wandi usaminwa. Nkabika umupashi wandi pali ye, elo akabila ubupingushi ku bena fyalo. ¹⁹ Ena takashupikwe, nangu uuli onse takomfwe ishiwi lyakwe mu misebo. ²⁰ Ena takakonone itete ilyakutinaika; ena takashimye iciku ico conse icilefuka icushi, mpaka fye akashinte nakuku cimfya ubupingishi, ²¹ elo ni mwishina lyakwe emo ebana fyalo baka kwatila isubilo.'' ²² Elyo umuntu impofu elo cibulu, uwaiketwe ne cibanda, baluletele kuli Yesu. Ali muposeshe, ne catumbukilemo cakuti ulya muntu cibulu alilandile elo nokumona. ²³ Yonse amabumba yalipapile elo nokulanda ati, ''Bushe uyu muntu kuti aba e mwana David. ²⁴ Nomba ilyo Abafalisayo baumfwile pali ici icisungusho, balilandile, ''Uyu muntu tafumisha ifibanda kano ukubomfya Beelzebul, imfumu yafibalanda. ²⁵ Lelo Yesu alishibile ifyo balikutontonkanya elo alandile kuli bo ati, ''Ubufumu bonse ubwayakanika ubwine bulabongololwa, elo no musumba onse nangu ing'anda iya akanikamo iine tekuti imininine. ²⁶ Nga cakutila Satana atamfya Satana, ni alyakanikamo umwine palwakwe. Bushe kanshi ubufumu bwakwe kuti bwaiminina na musango nshi? ²⁷ Elo nga cakuti nebo ndetamfya ifibanda ukubomfya Beelzebul, nga bana benu bushe ninani balikubomfya pa kufitamfya? Nipali uyu wine umulandu bena bakabela bakapingula ben ²⁸ Nomba nga cakuti nebo ndefumya ifibanda ukubomfya umupashi wakwa Lesa, ninshi kanshi ubufum bwakwa Lesa bulishile pali mwebo. ²⁹ Bushe umuntu uuli onse kuti aingila mu ng'anda ya muntu uwamka no kumwibila ifipe fyonse ukwabula ukubalilapo ukumukakila? Lyena kuti amwibila ifipe fyakwe fyonse mu ng'anda. ³⁰ Umuntu uutaba nandi nandi ninshi alipusana nandi, elo no muntu uutailonganya nandibo alasalnganya. ³¹ Eico nkolanda kuli mwe, isambi lyonse elo nokuponta umuntu akabelelwa uluse. ³² Noyo onse uwalanda amashiwi ayabubi pa Mwana wa Muntu, naye akabelelwa uluse. Nomba uyo onse uwalanda amashiwi ayabubi pali Mupashi wa Mushilo, uyo ye takabelelwe uluse, nangu ni muno mwine mu calo, nangu nu mli cilya cine icalo icileisa. ³³ Pangeni icimuti icisuma elo ne fisabo fikaba ifyabune, nangu pangeni icimuti icabubi elo ne fisabo fikaba ifyabubi, pantu icimuti ba cishibila ku fitwalo fyaciko. ³⁴ Mwebana ba mafwafwa mwe, apo muli bamasambi, bushe kuti mwalanda ifintu ifyabune? Pantu ifyaisula mu mutima wa muntu efifuma mu kanwa kakwe. ³⁵ Umuntu musuma ukufuma mu butaala bwa mutima wakwe uusuma mufuma ifintu ifyabune, no muntu uwabubi ukufuma mu pa fyabubi ifya mu mutima wakwe emufuma ifintu ifyabubi. ³⁶ Nebo nkolanda kuli mwebo ati pa bushiku bwa bupingushi abantu bakalubulwilapo pa mashiwi yonse aya bubi balikulanda. ³⁷ Pantu amashiwi ayo ulanda eyakakupingula, elo ukufuma mu mashiwi yobe bakakuseka.'' ³⁸ Elyo bambi bakalemba elo naba Falise balyasukile Yesu elo nokulanda, ''Kafundisha, kuti twatemwa ukumonako icilangililo kuli webo.'' ³⁹ Lelo Yesu alyasukile elo nokulanda kuli bo, ''Inkulo iyabubi elo iyicende ilefwaya icishibilo. Lelo takwabe nangu cimo icishibilo icilecitwa kano icishibilo icakwa Yona kasesema. ⁴⁰ Pantu filya fine Yona ali pa nshiku shitatu akasuba elo ne nshiku shitatu ubushiku mumala ya cisabi icikulu, ifyo fine efyo no Mwana wa Muntu akaba insiku shitatu akasuba na shitatu ubushiku mu mutima wa calo. ⁴¹ Abantu ba mu Ninive bakeminina pa bupingishi pamo naino inkulo iya bantu elo bena bakalekubaseka. Panntu bo balilapile ku mbila yakwa Yona, elo moneni, Uyo uwakucila pali Yona ali pano ⁴² Elyo Namfumu wa kukapinda ka kulyo akabukila ku bupingishi pamo na bantu ba ino ine nkulo elo no kubaseka. Afumine ku mpela ya calo ukwisa mu kumfwa amano yakwa Solomoni, elo moneni, uyo uwakucila pali Solomoni ali pano. ⁴³ Ilyo umupashi wakukowela wafuma mu muntu,wapita namu ncende umushili amenshi no kufwaya umwakutushisha, nomba tausangile iyo. ⁴⁴ Elyo walanda, 'Nebo nkobwekelamo ku ng'anda yandi uko nafumine.' Nomba pakubwekelamo waya kusangana ukuti ing'anda taisoleelwe elo no kwanshikwa bwino. ⁴⁵ Elyo ulaya nokupiita imipashi naimbi cine lubali iyakubipisha ukucilapo, elo yaisa yonse nokwikala mulya mwine. Elyo namukulekelesha imbele ya ulya umuntu ikacila napakutampa. Nifyo fine cikaba na ku nkulo ino iya bubi. ⁴⁶ Ilyo Yesu ali akolanda ku mabumba, moneni, nyina elo naba wabo baiminine panse, balikufwaya ukulanda naye. ⁴⁷ Umo alanda kuli o, ''Lolesha, banoko naba wenu baliminine panse, bakofwaya ukulanda noobe. ⁴⁸ Nomba Yesu alyasukile elo nokulanda ku wamwebele, ''Nga mayo ni nani elo nga bawesu niba nani? ⁴⁹ Elyo ena atambalikile ukuboko kwakwe pa basambi elo nokulanda, ''Moneni, bamayo ni aba elo naba wesu! ⁵⁰ Pantu uyo onse uucita ifi fwaya Tata uwamu mulu, uyo muntu ninshi e munyina, elo na nkashi, elo na mayo.''