¹ Shikulu nafimba umwana mwanakashi Sioni ikumbi mubukali bwakwe. Naposa pali Israeli ubucindami ukufuma mu mulu na pacalo. Takebukishe icipumo munkasa yakwe pa bushiku bwa bukali bwakwe. ² Shikulu namina amakla yonse aya kwa Yakobo mutumisumba tonse utunono. Munshku shabukali bwakwe na tobolola imisumba yamalinga ya mwana mwanakashi Yuda, mukukana cindika nawisha panshi ne ntungulushi. ³ Mubukali bwakwe ubwakutinya nautaulako imishi yakwa Israeli. Natambaliko kwakwe kwa kulyo ukufumya ku cinso camulwani Naco muli Yakobo ngo mulilo uleoca ukushinguluka konse konse. ⁴ Naonaula ubuta bwakwe ngo mulwani, nabika ukukobo kwa kwe ukwa kulyo ngo mulwani. Naipayaula abana bonse abawama kabili wena mwi tenti lya mwana mwanakashi wa Sioni; apongolwele ubukali bwakwe ngo mulilo. ⁵ Shikulu ali ngo mulwani, namina Israeli. Naonaula ifipango fyakwe fyonse. Naonaula imyansa yamalinga yakwe. Nafusha ukulosha ne nyimbo shabulanda mu mwana mwanakashi Sioni. ⁶ Nacita ulukakala ku nsakwe yakwe nge bala. Natobaula icifulo ca mutebelo wakwe. Yawe natipa fyonse umutebeto nesabata lyakwe ukulabwa mu Sioni, pantu mucipyu cabukali bwakwe nasula imfumu naba shimapepo. ⁷ Shikulu nakana icipailo cakwe nakana nencende yakwe iya mushilo. Napela no tumalinga twamishi iyinono yakwe mu minwe taba lwani bakwe. Nabasansula ishiwi lyabo mung'anda yakwa Yawe , nga mubushiku bwa sontwapo icakucilila. ⁸ Yawe napanga ukonaula ifibumba fya musumba wa mwana mwanakashi Sioni. Nafungulula intambo yakupiminako kabili taleseshe ukuboko kwakwe ukonaula ifibumba. Eulenga icakucingilila ne fibumba fyonse ukulosha; fyonse pamo ukonaulwa. ⁹ Iminshi yamalinga yakwe yaingila panshi, natobaila no kuputaula ifimuti fya pa minshi. Ishamfumu shakwe na bana namfumu bali pakati ka nko, ifunde tapali naba kasesema bakwe tabamwene ifimonwa ukuma kuli Yawe. ¹⁰ Intungulushi nkalamba sha mwana mwanakashi wamu Sioni shaikele panshi mumutalalila. Nabasuposa ulukungu pamitwe yabo nabakaka ne nsalu mu misana. Nabanacisungu ba mu Sioni nabakontamika imitwe yabo panshi. ¹¹ Amenso yandi nayanaka mukumona ifilamba filefuma mumenso yabo, ulufumo lwandi lulenyonga; nefyomukati nafipongolokela panshi pamulandu wakonaulwa kwa mwana mwanakashi wamu Sioni uwa bantu bandi, abana banono no tunya utonka bafwa ububela mumisebo ya mu musumba. ¹² Elyo batile kuli banyinabo, filikwi ingano no mwangashi?'' Ilyo nabafwa umutombo ngo muntu uwalaswa mu misebo yamu musumba, imyeo yabo naipongolokela pafifuba fyabanyinabo. ¹³ Finshi ndekulandila? Nikwi ukondekupashanya, we mwana mwanakashi wa mu Yerusalemu? Cinshi na lakupashanyako, icinga kusansamusha, we mwana mwanakashi wa mu Sioni? Impumo shili ubukulu nga bemba. Bushe ninani engakuposha? ¹⁴ Bakasesema bobe bamona ifya bufi ne fiminwa fyabo fyafye ukuli iwe. Tabasokolwele ifyabubifi fyobe pakusungilila ubusha bobe, leelo pali iwe bakusokolwele ifyebo fyabufi kabili ifya ku kulufya. ¹⁵ Bonse alepita mu musebo baletota indupi kuli iwe. Balelisha iminsoli nokupukunya imitwe yabo pa mwana mwanakashi wa mu yerusalemu nokutila, ''Bushe uyu e musumba uyo batile 'Ewafikapo kubusuma, 'Balasekelela bonse abapa calo? ¹⁶ Bonse abalwani bobe baasamuna utunwa twabo pali iwe. Balisha iminsoli no kushenkanya fye ameno pali iwe nokutila, 'Natumumina! Ubu ebushiku ubo twalekolela pantu! Natwikala na tubumona!'' ¹⁷ Yawe nacita ico apangile ukubomba. Nafikilisha ishiwi lyakwe, ilyo akonkomeshe mu nshiku shakunuma. Naonaula kabili tabomfwilile ubulanda, pantu na suminisha abalwani bobe ukusekelela pali iwe, naimya ulusengo lwaba lwani bobe pamulu. ¹⁸ Imitima yabo yakutile kuli Shikulu wabo, ifibumba fya mwana mwanakashi wa mu Sioni! leka ifilamba fyobe fitelemuke ngo mumana akasuba no bushiku. Leka utushe, na menso yobe yalushe. ¹⁹ Ima, lila ubushiku, pakutendeka kwabulinde bwa bushiku! Pongolola ifya mu mutima obe nga menshi pa cinso cakwa Shikulu obe. Imya amaboko yobe kuli wena pantu imyeo yabana bobe abafwile umutombo ku nsala pacifutu cobse ica musebo.'' ²⁰ Moneni, Yawe, no kusuminisha abo iwe wakandilw muli ishi nshila. Bushe bamayofwe balya ifisabo fya munda shabo, abana abo basunga? Bushe bashimapepo naba kasesema bepaye mung'anda ya mushilo yakwa Shikulu? ²¹ Bonse abana abanono nabakalamba balale mulukungu lwa mu misebo. Bana cisungu bandi nabo banono abaume bawa kulupanga; mwalibepeye mu bushiku bwa cipyu cenu ukwabula ukubomfwila uluse. ²² Mwali balalike, ngefyo mwingeta abantu ku mutebeto wakasuba, mwaitile ififulo fyonse ifyonaikilemo, pa bushiku bwa bukali bwa kwa Yawe takwali uwa butwike nangu kupusuka; abo bonse nasungile no kukusha, umulwani wandi abonawile.