¹ Panuma yanshiku ishingi, Yawe apele aba Israeli ukutusha ukufma ku balwani baabo ababashingulwike bena, na Yoshua ali mukote ne myaka yakwe yalitantalile, ² Yoshua aitile abena Israeli bonse abakalamba babo, Nentungulushi shabo, ba kapingula babo, naba cilolo babo nokulanda kuli bena, ''Ine ninkota ne myaka naitantalila. ³ Imwe mwalimona fyonse ifyo Yawe Lesa wenu, acita ku nko ishi pamulandu wenu, pantu ni Yawe Lesa wenu uwamilwilile imwe. ⁴ Moneni! ine napele kuli imwe mwe nko isho ishashala kuku cinfiwa nge mpyani shamikowa yenu, nenko shonse isho nao naonawile, ukufuma ku Yodani ukufika kuli bemba mukalamba ku masamba. ⁵ Yawe Lesa wenu akafumifumyamo. Ena akabatamfya ukufuma kuli imwe. Ena akabapimina impanga yabo, ngefyo Yawe Lesa wenu alaile kuli imwe. ⁶ Kabili mufwile ukusosa sana, pakuti musunge nokucita fyonse ifyalembwa mwi buuku lya mafunde yakwa Mose, ukupilibuka kwa mumbali ukufuma kukulyo nangu kukuso, ⁷ Kabili iwe taufwile ukusankanya ishinko ishashala mukati ka iwe nangu ukulumbula ishina lya tu Lesa twabo, ukulapa ishina lya tu Lesa twabo, ukulapa twena, ukutupepa twena nangu ukutufukamina twena. ⁸ Mucifulo ca ico, iwe ufwile ukulambatila kuli Yawe Lesa wenu ngefyo mwacita lelo. ⁹ Pantu Yawe atamfishe uluko ulukalamba ulwakosa pa cinso cenu. Pakuti imwe takuli nangu uwingeminina pantasnhi yenu pali buno bushiku. ¹⁰ Umuntu fye umo pa mpendwa yenu eukapanga ikana limo ukubutuka, pantu Yawe Lesa wenu, ena fye eka eukalwila iw, ngafilya ena alaile kuli iwe. ¹¹ Umfwileni, pakuti mutemwe Yawe Lesa Wesu. ¹² Lelo ngamwapilibuka nokulambatila ku ba pusuka mu nko abashele mukati kaimwe, nangu ukupana nabena, no kwingila muli bena nabena muli imwe, ¹³ Elyo wishibe ukuti Yawe Lesa wenu takale ufumya uluko ulu mukati kaimwe. Pali ci, cikaba citeyo kabili ulukose kuli iwe, icikoti cakumyuma mu numa nenyunga mu meno yenu, mpaka mukalobe ukufuma ku mpanga iisuma iyo Yawe Lesa wenu apele kuli imwe. ¹⁴ Lelo ine ndeya munshila iyo bonse aba pa calo, kabili iwe nawishiba nemitima yenu, ne myeo yenu yonse ukuti tapali ishiwi nangu limo ilyakana ukuba ilyacishinka kuli fyonse ifintu fisuma ifyo Yawe Lesa wenu amilaile pali imwe. Ifintu fyonse fyaishiba pali imwe. Tapali nangu cimo icishacitika. ¹⁵ Nomba filya fine Yawe Lesa wenu alaile iwe nafifikilishiwa, lelo Yawe akamiletela imwe ukufma kubusuma ubo Yawe Lesa wenu apele kuli imwe. ¹⁶ Ena akacita ici nga cakuti mwatoba icipangano cakwa Yawe Lesa wenu, ico ena akonkomeshe imwe ukusunga. Nga iwe waya nokupepa tu lesa tumbi nokutufukamina twena, elyo bukali bakwa Yawe bukaba pali iwe kabili mukaloba bwangu ukufma ku busuma bwa mpanga iyo yapelwe kuli imwe.''