¹ Ishi encende shampanga isho abantu bakwa Israeli bapokele nge cakupyanina mu calo ca Kananani, ilyo Eleasara, shimapepo, Yoshua mwana Nun, ne ntungulushi shamitundu yamikowa yakwa Israeli yapele kuli bena. ² Icakupyanina cabo basalile muku pendula kumtundu pabula na citika, ngefyo Yawe apele ifunde muminwe yakwa Mose. ³ Pantu Mose apele icakupyanina kumitundu ibili no umo na citika bushilya bwa Yodani, nomba kubena Lebi tabapeleko icakupyanina. ⁴ Umutundu wakwa Yosefe wali mucine imitundu ibili, Manase na Efraimu. ⁵ Abena Lebi tababapeleko icakaniko cakupyanina mu mpanga, lelo fye shimo imisumba ishaikwikalamo mulyamwine, ne mpanga yamulemfwe wafitekwa fyabo elyo ne fipe fyabo. Abantu bakwa Israeli bacitile ifyo Yawe akonkomeshe Mose, kabili bayekenye impanga. ⁶ Ilyo umutundu wakwa Yuda baishile kuli Yoshua ku Gilgali. Kalebu umwana mwaume wakwa Yefune umwina Kenisi, atile kuli ena ''Iwe walishiba ifyo Yawe atile kuli Mose umutnu wakwa Lesa pali iwe na ine pa Kadeshe bamea. ⁷ Nali nemyaka amakumi yane ilyo Mose umubomfi wakwa Yawe antumine ukufuma ku Kadeshe barnea kukuya lengula icalo. Nakuletele akasebo nakabili ngafilyo fine yali mumutima wandi. ⁸ Lelo bamunyinane abaume abile naine balengele imitima yabantu ukusungulika no mwenso. Lelo ine napwilikisha ukukonka Yawe Lesa wandi. ⁹ Mose alapile pa bushiku bulya, atile, 'Mucine icalo umo ulukasa lobe lwaenda ecikaba ubupyani bobe nabana bobe umuyayaya, pantu naupwilikisha ukukonka Yawe Lesa wandi.' ¹⁰ Nomba, Mona! Yawe alinsunga uwamweo, iyi myaka amakumi yane na isano, ngefyo alandile ukufuma pa nshita ilyo Yawe alandile amashiwi aya kuli Mose, ilyo abena Israeli baendele mu matololo. Nomba, mona! Ino nshita ndi nemyaka amakumi cine konse konse na isano. ¹¹ Nalelo ncili uwakosa ngefyo nali mubushiku ubo Mose antumine kunse. Amaka yandi ifyo yali na nomba efyo yali nalilya, aya nkondo ata kuila na yakubwelelo. ¹² Nomba kanshi mpeela icalo ici icatupili, ico Yawe andaile pabushiku bulya. Pantu iwe walyumfwile pabushiku bulyaukuti kwali abena Anaki kulya nemisumba iikalamba iya malinga. kuti caba ukuti Yawe akaba naine nokutila nkabafumyamo, ngefyo Yawe asosele.'' ¹³ Elyo Yoshua alimupele nokupela Hebrane nge cakupyaninina kuli kalebu umwana mwaume wakula Yefune. ¹⁴ Kanshi Hebrone asheleba ubupyani bwakwa kalebu umwana mwaume wakwa Yefuni umwina kanisi kuli buno bunobushiku, pamulandu napwililisha ukukonka Yawe, lesa wakwa Israele. ¹⁵ Nomba ishina lyakwa Hebrone kale lyali Kiriati Arba. (Arba alimuntu wacilile bonse mubena Anaki). Elyo ne calo catushishe ukufuma ku akondo.