¹ Nomba Yoshua aali umukote nganshi ilyo atile kuli ena, ''Webo naukota nganshi, leelo kucili calo icikalamba icakupoka. ² Ici ecalo icashalako: Icitungu conse ica Pelisiti nafyonse ifya Geshuriti, ³ ukufuma ku Shinori, uwa ku kabanga ka Egypto, no kulola ku kapinda ka ku kuso ku mupoka wa Ekironi, uupendelwa ku bena Kenani; aba ku Gasa, Ashidodi, Ashikeloni, Gati, na Ekironi-- icitungu ca bena Abiti. ⁴ Mukapinda ka kukulyo; ifyalo fyonse bena Kenani, ukufuma ku Ara uwa bena Sidoni, nokufika fye na ku Afeke uwaba pa mupaka wa bena Amoriti; ⁵ icalo cabena Gebalite, conse ica Lebanoni ukulola ku kabanga, ukufuma ku Baal Gadi mwisamba lya lupili lwa Hermoni ku Lebo Hamati. ⁶ Kabili, bonse abekashi ba mu calo ca tupili ukufuma ku Lebanoni ukufikafye na ku Misirepote Maime, ukubikapofye na bantu bonse aba mu Sidoni, nkabatafyamo pantanshi ya mpuka yabashilika yakwa Israeli. Ukashininkishe ukubika icalo ca kwa Israeli ngecca kupyaninina, ngefyo namupele amafunde. ⁷ Akanya icalo ici nge cakupyaninina ku mitundu cine lubali na kuli citika wa mutundu wakwa Manase.'' ⁸ Citika umbi uwa mutundu wakwa Manase, abena Rubeni nowa bena Gaditi balipokele ubupyani bwabo ubo Mose Abapele ku lubali lwa ku kabanga ka Yodani, ⁹ ukufuma ku Aroeri iyabela ku mbali ya mukuku wa mumana wa Amoni, konse ukwabatama mu Medeba ukufika naku Diboni. ¹⁰ Yonse imisumba iya mu Siboni, imfumu ya bena Amore, abatekele mu Heshiboni, ku mupaka wa Amoni, ¹¹ Gileadi, ne citungu ca bena Geshuri na bena Macati, no lupili lonse ulwa Hermoni, na monse mu Beshani ku Salaka; ¹² bonse ubufumu bwakwa Oge mu Bashani, uwaleteka mu Ashitaro namu Edrei- ifi efyashelepo ku bena Refemi- Mose alibapumine no kubatamfisha kunse. ¹³ Leelo abantu bakwa Israeli tabatamfishemo abena Geshuriti nangu abena Macatiti. Leelo geshuri na Macati bekala mukati kakwa Israeli na pali leelo. ¹⁴ Ku mutundu wakwa Lebi weka Mose tapeleko ubupyani. Icabupe cakwa Yawe Lesa wakwa Israeli uwapangwa no mulilo emabupyani yabo, ngefyo Lesa asosele kuli Mose. ¹⁵ Mose apele ubupyani ku mutundu wakwa Rubeni, umukowa no mukowa. ¹⁶ Icitungu cabo cafumine ku Aroeri, mumbali ya mukuku wa mumana wa Anoni, no musumba uwaba pakati ka mupoka poka, na pa batama ponse lwa ku Medeba. ¹⁷ Rubeni kabili apokelele Hesheboni na yonse imisumba ya uko iyabela mu cabatama, Diboni, na Bamote bali na Beti Bali Meoni, ¹⁸ na Yahasi, na Kedemote, na Mefate, ¹⁹ na Kiriataini, na Sibuma, na Sereti Shahari paka lupili ka mu mupoka poka. ²⁰ Rubeni kabili apokelele Beti Peore, imitentemuko ya mu Pisga, Beti Yeshimoti. ²¹ Imisumba yonse iya pabatama, na bonse ubufumu bwakwa Sihone imfumu ya bena Amore, uwali imfumu mu Heshebone, uo Mose acimfishe pamo ne ntungulushi sha kwa Midiani Ebi, Rekemu, Zuri, Hubi na Reba, umwana wamfumu umwanakashi wakwa Sihoni, abaikele mu calo. ²² Abantu bakwa Israeli baipeye kabili no lupanga Balani umwana umwaume wakwa Beori, uwa lebuka, mukati ka bambi pali abo baipeye. ²³ Umupaka wa mutundu wakwa Rubeni mu mana wa Yodani; uyu emupaka wabo. Ubu bwali ebupyani bwa mutundu wakwa Rubeni, uwapelwe kuli cila mukowa pa mikowa yabo, ne misumba ne mishi yabo. ²⁴ Ifi efyo Mose ayakenye icalo ku mukowa wakwa Gadi, umwabelele indupwa shabo: ²⁵ Icalo ca Yaseri, ne misumba yonse iya mu Gileadi, elyo na citika wa calo ca bena Amoni ukufikafye na ku Aroeli iyabela mupeli na ku Raba. ²⁶ Kabili ukufua ku Heshiboni ukufikafye na ku RamatiMisipa na Betonimu. Elyo kabili ukufuma ku Manaimu ukufikafye na ku mupaka wa calo ca Debi. ²⁷ Mu mupoka poka, Mose apele Beti Haramu, Beti Nimura, Sukote, na Safore, icashalako ku bufumu bwa kwa Sihone imfumu ya Hesheboni, pamo na Yodani ngo mupaka, ku lutwe lwa kwisamba lya bemba wa Kinerete, ukuya kukabanga ukucila Yodani. ²⁸ Ubu ebupyani bwa mutundu wakwa Gadi, umukowa no mukowa, pamo ne misumba ne mishi yabo. ²⁹ Mose apele ubupyani kuli citika wa mutundu wakwa Manase, citika ali wa mubufyashi bwakwa Manase, umukowa no mukowa. ³⁰ Icitungu cabo catumine ku Mahanaimu, Bashani yonse, ukufumu bonse ubwakwa Ogi imfumu ya Bashani, ne misumba yonse ya Yairi, iyaba mu Bashani, Imisumba amakumi mutanda; ³¹ citika wa Gileadi, na Ashitaroti na Edrei. Iyi yapelwe ku bufyashi bwakwa Makiri umwana umwaume uwakwa Manase- citika wa bantu bakwa Makiri, umukowa no mukowa. ³² Ubu bwali ebupyani ubo Mose apele kuli bena pa ncende iyabatama iya Moabu, kunuma ya Yodani kukabanga ka Yeriko. ³³ Mose tapele ubupyani ku mutundu wakwa Lebi. Yawe, Lesa wakwa Israeli, ebupyani bwabo, ngefyo fye umwine alandile kuli bena.