¹ Nomba ilyo Adoni-Zedek, imfumu ya mu Jerusalemu, aumfwile ukuti Yosha aikatwa kuli Ai na ukupelwa kukonaulwa, alyumfwile nefyo Gibeon ifyo bacitile mu ncende kubena Israele nokwikala pamo. ² Abantu ba mu Yerusalemu balitutwime pantu Gibeon wali musumba uukulu, nga imo pa misumba ya bufumu. yali iikulu ukucila Ai, nabonse abaume bali nipalume shamaka. ³ Kanshi Adoni-Zedek, imfumu ya Yerusalemu, yatumine amashiwi kuli Hoham, imfumu ya Hebron, kuli Piram, imfumu ya mu Yamuth, kuli Yaphia, imfu u ya mu Lachish, na kuli Debir, imfumu ya mu Eglon: ⁴ '''Iseni kuli ine nokungafwa. Katusanse Gibeon pantu nabapanga umutende na Yosha na bantu ba mu Israele.'' ⁵ Imfumu shisano isha mu Amoriti, imfumu ya mu Yerusalemu, imfumu ya mu Hebron, imfumu ya mu Jarmith, imfumu ya ku Lachish, imfumu ya ku Eglon shalishile, shena nabashilika bashiko. Baimanine mufifulo fya mu Gibeon, kabili balisanshile. ⁶ Abantu bamu Gibeon batumine amashiwi kuli Yosha na kubashilika pa Gilgal. Batile, Endesheni! Mwifumya amaboko yenu kaba bomfi benu. Iseni kuli ifwe mukwangufyanya nokutupususha. twafweni, pantu shonse imfumu sha mu Amoriti isha ikala mu calo ca tupili nashikolongana pamo mukutusansa.'' ⁷ Yosha alifumine ku Gilgal, ena nabaume ba nkondo bonse pamo naena, nabaume babulwi bonse. ⁸ Yawe atile kuli Yosha, ''Mwibatutuma. Ndebapela mu minwe yenu. Takwabe nangu umo uuleimika ukusansa kwenu.'' ⁹ Yosha aishile kuli bena mukupumikisha, bashingulwike ubushiku bonse ukufuma ku Gilgal. ¹⁰ Yawe afulungenye abalwani kuntanshi yabena Israele, nabena Israele balipeye nokwipaya ukukalamba ku Gibeon nokubasesesha mun musebo walola ku Beth hORON, Kabili na ukubepaila mu musebo yaku Azekah na Makkedah. ¹¹ Ilyo balebutuka ukufuma ku Israele, mwisamba lya tupli ukufuma ku Beth Horon, Yawe aposele amabwe ayakulu ukutelemuka ukufuma ku mulu nokubaponena bonse konse ku Azekah, kabili balifwile. Kwali abeni ukufwa pa mulandu wamabwe yakalamba ukucila abaipaiwe ku lupanga ku baume ba mu Israele. ¹² Elyo asosele kuli Yawe pabushiku ubo Yawe apele abaume baku Israele ukucimfya pabena Amoriti. Ifi efyo Yosha asosele kuli Yawe ku cinso cabena Israele, ''Wekasuba, imanina pa Gibeon, no mwenshi ku mupoka poka wa Aijalon.'' ¹³ Akasuba kaiminine ndi, nomwenshi walekele ukusela mpaka uluko lwapoka icilandushi ku balwani babo. Tacalembwa mwi buku lyakwa Jashalr? Akasuba kaikele pakati ka makumbi,' nokukana wa akasuba konse. ¹⁴ Takwali ubushiku kunuma nangu kuntanshi ubwali nga bulya, elyo Yawe aukonkele ishiwi lya bantunse. Pantu Yawe alwilile inkondo abena Israele. ¹⁵ Yosha nabena Israele bonse naena babwelele ku nkambi ku Gilgal. ¹⁶ Nomna imfumu shisano shalifyukile no kubelama ishine mu nyinga ku Makeda. ¹⁷ Casoselwe kuli Yosha, ''Nabasangwa!- imfumu shisano shifiseme mu ninga ku Makeda!'' ¹⁸ Yosha atile, ''Bikenipo amabwe ayakalamba pa kanwa ke ninga kabili mubikepo abashilika kuku balinda. ¹⁹ Mwiikala mwebene. Cingeni abalwani benu no kubasansa ukufuma kunuma. Mwibaleka bengile mumisumba yabo, pantu Yawe Lesa wenu nabapela mu minwe yenu.'' ²⁰ Yosha nabana baume ba mu Israele bapwishishe ukwipaulula nokwipaya ku kalamba, mpaka mupepi nabonse ukonaulwa; abanonofye ebalwishishe ukubutukila ku misumba yamalinga. ²¹ Ilyo abashilika bonse babwelele mu mutende kuli Yosha ku kambi ku Makeda. Takwali nangu umo uwasosele akabi kubantu abali bonse aba mu Israele. ²² Kabili Yosha atile, ''Isuleni pa mwishi we ninga no kubafumya mu ninga shileteni kuli ine isho imfumu shisano.'' ²³ Bacitile fintu alandile. bashiletele kuli ine ishi imfumu shisano ukufuma mu ninga-imfumu yamu Yerusalemu, imfumu yamu Hebron, imfumu yamu Yarmuti, imfumu yamu Lachishi, ne mfumu yamu Eglon. ²⁴ Elyo baletele ishamfumu kuli Yosha, akutile umwaume onse uwa mu Israele. Alandile kuli ba mushika abaile mubulwi naena, ''Bikeni amakasa yenu pamikoshi yabo. Balipaleme nokubika inkasa shabo pa mikoshi yabo. ²⁵ Elyo atile kuli bena, ''Mwitutuma kabili mwitentuka. Koseni kabili talileni. Ifi efyo Yawe akacita ku balwani benu bonse mukalalwa nabo.'' ²⁶ Kabili Yosha asanshile nokwipaya ishamfumu. Abakulike ku fimuti fisano. Bakulikwe ukufika ku cungulo. ²⁷ Ilyo akasuba kawa, Yosha apele amakambisho, kabili nokubekisha ukubafumya ku fimuti no kubaposa mu ninga mulya bafiseme abene. Babikilepo amabwe ayakalamba pakanwa ke ninga. Ayo mabwe yaikelepo palya pali ubu bushiku. ²⁸ Muli iyi nshila, Yosha aikete Makeda mukasuba nokwipaya bonse mulya ku lupanga, ukubikako ne mfumu yaiko. Alipwile ukonaula bonse mulya. Tashilemo uwapuswike mulya. Acitile ku mfumu yamu Makeda nga fintu acitile ku mfumu yamu Yeriko. ²⁹ Yosha nabonse abena Israele bapile ukufuma ku Makeda ukufika ku Libnah. Aile mubulwi ku Libnah. ³⁰ Yawe kabili acpele mu minwe yabena Israele-ne mfumu yaiko. Yosha akomene ku lupangaumuntu onse uwalimo. Tashilemo uwapuswike mulya. Acitile ku mfumu Yawe ngefyo acicita ku mfumu yamu Yeriko. ³¹ Elyo Yosha nabonse abena Israele naena bapitile ukufuma ku Libnah baile ku Lachish. Bacitile inkambi no kucilwisha. ³² Yawe apele Lachish mu minwe yabena Israele. Yosha acikete pabushiku bwa konkelepo nokucikomena kumbali yalupanga, ku muntu onse uwli mulya, ngefyo acitile ku Libnah. ³³ Kabili Harom, imfumu yabena Gezer, baishile mukufwaya Lachish. Yosha alimu sanshile nabashilika bakwe mpaka takwashele nangu umo uwapuswike. ³⁴ Elyo Yosha nabonse abena Israele bapitile ukufuma ku Lachish ukuya ku Eglon. Bapangile inkambi mulya noku cilwisha, ³⁵ no kucikata pabushiku bumo bwine. Bacikomawile no lupanga no kupwilishisha ukonaula onse mulya, ngefyo Yosha acitile kuli Lachish. ³⁶ Elyo Yosha nabena Israele bonse bapile ukufuma ku Eglon ukuya ku Hebron. Bacilwishishe nacena. ³⁷ Bacikete nokucikomaula ku lupanga, pamo ne mfumu ya iko ne mishi shaiko, nabonse abantu mulya. Tabashilemo uwapuswike. Ngefyo bacitile ku Eglon, balyonawile cena no muntu onse uwali mulya. ³⁸ Elyo Yosha apilibwike, nabashilika ba mu Israele bonse naena, kabili bapile ukuya ku Debir no kucilwisha. ³⁹ Balicikete, imfumu yaciko na yonse imishi yapalamineko. bacikomawile ku lupanga no kupwilishisha ukonaula umuntu onse mulya. Tabashilemo uwapuswike. Bacitile kuli Debir ne mfumu yaiko nakuli Hebron. ⁴⁰ Yosha aumine ifyalo fyonse, icalo ca mpili, Negev, mu mipoka poka na mwisamba lya tupili. Kuli shonse ishamfumu tashilemo nangu uwapuswike. Alipwishishe ukonaula ica mweo conse, ngefyo Yawe, Lesa wabena Israele, abakonkomeshe. ⁴¹ Yosha afyumine ukufuma ku Kadesh Barnea ukufika ku Gaza, ne fyalo fyonse ifya mu Goshen ukufika ku Gibeon. ⁴² Yosha aikete ishi isha mfumu shonse nefyalo fyabo pa nshita imo pantu Yawe, Lesa wa bena Israele, alwilile Israele. ⁴³ Elyo Yosha, nabonse abena Israele naena, babwelele ku nkambi ku Gilgal.